Septiyembre 19, 2021
Ika-25 nga Domingo sa Ordinaryong Panahon, Tuig B
Mga Pagbasa Karong Adlawa
Paminaw sa Iningles
Mikuha siya ug usa ka bata ug gipabarog kini sa ilang taliwala. Unya iyang gigakos ang bata ug miingon kanila, “Si bisan kinsa nga modawat sa usa ka bata nga sama niini tungod sa akong ngalan, nagdawat kanako; ug si bisan kinsa nga modawat kanako, dili ako ang iyang gidawat kondili ang Nagpadala kanako.” Marcos 9:36–37
Unsa man diay ang anaa sa hulagway sa usa ka bata nga nakatabang kang Hesus sa pagpatin-aw sa usa ka mahinungdanong punto? Ang tubag niini nga pangutana kinahanglang sabton pinaagi sa pagtandi sa usa ka tawo nga sama sa bata ug sa usa nga adunay kalibotanong panglantaw sa pagkahalangdon.
Ang usa ka bata kabos, nagsalig sa uban, mapaubsanon ug nanginahanglan. Dili niya maatiman ang iyang kaugalingong mga panginahanglan. Hinuon, nagkinahanglan siya sa pag-atiman sa iyang mga ginikanan. Ingon usab niini kita sa atong relasyon sa Diyos.
Dili kita mahimong halangdon tungod kay wala kita magsalig sa uban, gamhanan kita, gitahod pag-ayo, malampuson, ug uban pa. Kalibotanong panglantaw kini sa pagkahalangdon. Niining maong teksto, naglalis ang mga Apostoles kon kinsa kanila ang labing halangdon. Pinaagi sa pagtudlo sa usa ka bata, gipakita ni Hesus nga ang pagkahalangdon wala mag-agad sa imong mga nahimo o sa susamang mga butang; hinuon, makaplagan ang pagkahalangdon diha sa pagsalig kang Kristo. Dugang pa, makaplagan kini sa pagpangita sa mga nanginahanglan (sama sa bata nga nanginahanglan ug pag-atiman) ug sa paghatag sa gugma ug pag-atiman nga gikinahanglan sa uban. Usa kini ka tawag sa pagkamaluluy-on ug pagpakabana sa mga kabos ug nanginahanglan sa atong taliwala.
Pamalandongi karong adlawa kon andam ug kinabubut-on ba nimo ang pagtabang sa mga nanginahanglan sa inyong taliwala. Kinsa man sila? Unsa ang ilang gikinahanglan? Gipangita ba nimo sila aron hatagan ug gugma ug suporta? Ang pagbuhat niini mao ang makapahimo kanimo nga tinuod nga halangdon sa mga mata sa Diyos.
Ginoo, hinaot nga pangitaon ko Ikaw diha sa mga kabos, sa mga nadugmok ang kasingkasing, sa makasasala ug sa tanang nanginahanglan. Palihog pun-a ang akong kasingkasing sa kaluoy ug pagpakabana sa uban. Hesus, nagsalig ako Kanimo.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Pamalandong sa Balaang Kasulatan alang sa Kasagarang Panahon
Santos sa Adlaw – San Jenaro, Obispo ug Martir
Dili saulogon isip liturhikanhong handumanan karong tuiga kay natunong kini sa Domingo
Mga Kapilian sa mga Basahon sa Misa
Gipiling hulagway sa ibabaw: Saint Bernard Church ni Nhevob, pinaagi sa Wikimedia Commons
_-_clerestory,_Let_the_Children_Come_to_Me,_detail.jpg){kind=link}