Abril 28, 2022
Huwebes sa Ikaduhang Semana sa Pasko sa Pagkabanhaw
Mga Pagbasa Karong Adlawa
San Pedro Chanel, Pari ug Martir—Opsiyonal nga Handumanan
San Louis Grignon de Montfort, Pari—Opsiyonal nga Handumanan
Paminaw sa Iningles
Dili Niya limitahan ang Iyang gasa sa Espiritu. John 3:34
Sa panahon sa gubat, kon diyutay ra ang pagkaon sa mga sundalo, kinahanglan nilang takson kini. Gagmay lamang nga takos ang ilang kan-on matag adlaw aron molungtad ang pagkaon kutob sa mahimo. Kon dili nila kini buhaton, basin mahutdan sila ug magutman.
Unsa kaha kon ingon usab niini ang Diyos ug ang Iyang grasya? Unsa kaha kon moingon kanato ang Espiritu Santo, “Karon, kutob ra sa usa ka sukod ang Akong pagtabang kaninyo. Kon mahurot na ninyo ang grasya nga Akong gitanyag, kamo na lay bahala sa inyong kaugalingon.” Aguy! Dako gayod kana nga problema.
Siyempre, ang maayong balita mao nga hingpit nga sukwahi niini ang pagtagad sa Diyos kanato. Misaad Siya nga ibubo sa hingpit ang Espiritu Santo ug nagtanyag sa tanang grasya nga mahimo natong gikinahanglan o gitinguha. Ang problema mao nga kanunay gihapon natong “limitahan” ang Iyang grasya. Dili nato kini buhaton tungod kay nagtuo kita nga limitado ang Diyos. Hinuon, kasagaran nato kining buhaton tungod kay nahadlok kitang motugot sa Diyos nga ipadayag sa hingpit ang Iyang labing gamhanang gahom sa atong kinabuhi.
Pamalandongi karong adlawa kon maunsa ang imong kinabuhi kon tugotan nimo ang Diyos sa pagbuhat sa bisan unsang Iyang gusto kanimo. Unsa ang mausab? Sa unsang paagi malahi ang imong adlaw-adlaw nga kinabuhi, ang imong mga relasyon, ang imong mga pulong, ang imong mga buhat ug ang imong kaugmaon? Sa atong hunahuna, nahibalo kita nga husto ang hingpit nga pagdawat sa kabubut-on sa Diyos sa tanang butang. Apan kon buhaton na gayod kini, kasagaran magpanuko kita pag-ayo. Mahimong tungod kini sa kahadlok sa wala pa nato mahibaloi. O tingali dili gayod kita hingpit nga gustong magbag-o. Bisan unsa pa ang hinungdan, ang Diyos nagtanyag kanimo sa walay kinutobang grasya pinaagi sa hingpit nga pagbubo sa Espiritu Santo. Anaa ra kanimo ang pagdesisyon kon imo ba kining limitahan o dili.
Ginoo sa hilabihang kadagaya, gusto ko gayod nga tugotan Ka sa pagbuhat sa bisan unsang Imong gusto sa akong kinabuhi. Gusto kong hingpit nga matunlob sa Imong grasya. Tabangi ako sa pag-ingon Kanimo og “Oo” bisan asa pa kini mosangpot, ug tabangi ako sa pagsalig niining mahimayaong “Oo” nga Imong gitawag nga akong isulti. Hesus, misalig ako Kanimo.
Mga Pag-ampo sa Pasko sa Pagkabanhaw
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos sa Adlaw – San Pedro Chanel, Pari ug Martir
San Louis Grignon de Montfort, Pari
Mga Kapilian sa mga Basahon sa Misa
