May 28, 2020
Thursday for di Seventh Week of Easter
Readings for Today
Listen for English
Jesus raise Im eyes go heaven, come pray say: “No be only for these people I de pray, but also for people wey go believe in Me through their word, so that all of dem fit be one, just as You, Father, de inside Me and I de inside You, so that dem too fit de inside Us, and di world fit believe say na You send Me.” John 17:20–21
“As E raise Im eyes go Heaven…” This na powerful expression!
As Jesus raise Im eyes go Heaven, E pray to Im Father for Heaven. This action of raising Im eyes show one special side of how di Father de present. E show say di Father dey above everything and beyond everything. Na wetin “transcendent” mean be that. Di world no fit contain Am. So, as Jesus de talk to di Father, E start with this action wey show say E acknowledge say di Father dey above everything and beyond everything.
But we must also notice di “imminence” of di relationship between di Father and Jesus. By “imminence,” we mean say di Father and Jesus dey united as one. Their relationship na one wey deep well-well and personal.
Even though these two words, “imminence” and “transcendence,” fit no dey among di words wey we de use every day, e good make we understand wetin dem mean and reflect on dem. Make we try know their meanings well-well, especially how our relationship with di Holy Trinity get share for both.
Wetin Jesus pray to di Father na say we wey come believe go share for di unity of di Father and di Son. We go share for God life and love. For us, this mean say we start by recognising say God dey above everything and beyond everything. We too de raise our eyes go Heaven and try see God splendour, glory, greatness, power and majesty. E dey above everything and beyond everything.
As we de look up to Heaven like this with prayer, we must also try see this glorious God wey dey above everything and beyond everything as E de come down enter our souls, de communicate with us, de love us, and de build relationship with us wey deep well-well and personal. E de amaze person how these two sides of God life fit join together so well, even though at first dem fit look like complete opposites. Dem no oppose each other; instead, dem join together and draw us into close relationship with di Creator wey de sustain everything.
Today, reflect on di glorious and all-powerful God of di Universe as E de come down enter di hidden depths of your soul. Acknowledge say E dey there, adore Am as E de live inside you, talk to Am and love Am.
Lord, help me make I always raise my eyes go Heaven as I de pray. Make I always turn to You and Your Father. As I de look up in prayer, make I also discover say You de live inside my soul, where I de adore You and love You. Jesus, na You I trust.
Novena to di Holy Spirit
Wey we de pray to prepare for Pentecost
Day Seven – Thursday, May 28
More Reflections on the Gospel
Reflection Dem about God im Mercy
Image: Christ for Gethsemane, wey Heinrich Hofmann paint
