September 18, 2020
Friday of the Twenty-Fourth Week in Ordinary Time
Readings for Today
Paminaw sa Iningles
Si Jesus milibot sa mga lungsod ug mga baryo, nga nagwali ug nagsangyaw sa maayong balita sa Gingharian sa Diyos. Kauban Niya ang Napulog Duha ug pipila ka mga babaye nga naayo gikan sa daotang mga espiritu ug mga balatian… Luke 8:1-2
Si Jesus adunay misyon. Ang Iyang misyon mao ang pagwali sa matag lungsod nga walay pagkakapoy. Apan wala Niya kini buhata nga nag-inusara. Gipakita niining teksto nga giubanan Siya sa mga Apostoles ug sa pipila ka mga babaye nga Iyang giayo ug gipasaylo.
Daghan ang gisulti kanato niining teksto. Usa niini mao nga kon tugotan nato si Jesus nga mohikap sa atong kinabuhi, moayo kanato, mopasaylo kanato ug mousab kanato, buot natong mosunod Kaniya bisan asa Siya moadto.
Ang tinguha sa pagsunod kang Jesus dili lamang tungod sa pagbati. Tinuod nga nalambigit niini ang mga pagbati. Dako kaayo ang ilang pagpasalamat ug, tungod niini, naporma ang usa ka lawom nga bugkos sa pagbati. Apan ang maong bugkos mas lawom pa gayod. Usa kini ka bugkos nga namugna pinaagi sa gasa sa grasya ug kaluwasan. Kining mga sumusunod ni Jesus nakasinati og mas dakong kagawasan gikan sa sala kay sa bisan unsa nga ilang nasinati kaniadto. Giusab sa grasya ang ilang kinabuhi ug, tungod niini, andam ug kinabubut-on nilang gihimong sentro sa ilang kinabuhi si Jesus, nga nagsunod Kaniya bisan asa Siya moadto.
Pamalandongi karon ang duha ka butang. Una, gitugotan ba nimo si Jesus nga mobubo og madagayaong grasya sa imong kinabuhi? Gitugotan ba nimo Siya nga mohikap kanimo, mousab kanimo, mopasaylo kanimo ug moayo kanimo? Kon mao, gisuklian ba nimo kining grasyaha pinaagi sa hingpit nga pagdesisyon sa pagsunod Kaniya? Ang pagsunod kang Jesus, bisan asa Siya moadto, dili lamang usa ka butang nga gibuhat niining mga Apostoles ug balaang mga babaye kaniadto. Usa kini ka butang nga kitang tanan gitawag sa pagbuhat matag adlaw. Pamalandongi kining duha ka pangutana ug bag-oha ang imong pagtugyan sa kaugalingon kon asa nimo makita nga adunay kakulang.
Lord, please do come and forgive me, heal me and transform me. Help me to know Your saving power in my life. When I receive this grace, help me to return to You in gratitude everything that I am and to follow You wherever You lead. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Featured image above: Jesus Traveling by James Tissot
