የወንጌል ዋጋ

ጁላይ 7, 2022
በዓመቱ መደበኛ ዘመን የአሥራ አራተኛው ሳምንት ሐሙስ
የዛሬ ንባባት

ቪዲዮ

በነጻ ተቀብላችኋል፤ በነጻም ስጡ።  ማቴዎስ 10:8b

የወንጌል ዋጋ ምንድን ነው?  ዋጋ ልንተምንለት እንችላለን?  የሚያስገርመው፣ ሁለት ዋጋዎች ልንተምንለት ይገባናል።  የመጀመሪያው ዋጋ፣ ወንጌልን ለመቀበል እኛ ምን ያህል ዋጋ ልንከፍል እንደሚገባን ነው።  ሁለተኛው ዋጋ ደግሞ፣ ወንጌልን ለመስጠት፣ እንደ አነጋገር፣ ምን ያህል «ክፍያ እንደምንጠይቅ» ነው።

ታዲያ ወንጌልን ለመቀበል ምን ያህል ዋጋ ልንከፍል ይገባናል?  መልሱ፣ የወንጌል ዋጋ ወሰን የሌለው ነው።  በገንዘብ ለመግለጽ ብንሞክር፣ ዋጋውን ፈጽሞ ልንከፍል አንችልም።  ወንጌል ዋጋ የማይተመንለት ነው።

ወንጌልን ለሌሎች ለመስጠት ምን ያህል «ክፍያ ልንጠይቅ» እንደሚገባን የሚለውን በተመለከተ ግን፣ መልሱ በነጻ መሆን አለበት የሚል ነው።  የእኛ ያልሆነውን ነገር ለመስጠት ክፍያ የመጠየቅ ወይም ምንም ነገር የመጠበቅ መብት የለንም።  የወንጌል የድኅነት መልእክት የክርስቶስ ነው፤ እርሱም በነጻ ይሰጠዋል።

ከላይ ከተጠቀሰው የቅዱስ መጽሐፍ ቃል ሁለተኛው ክፍል እንጀምር።  «በነጻም ስጡ።»  ይህ ወንጌልን ለሌሎች ያለ ክፍያ ልንሰጥ እንደሚገባን ይነግረናል።  ይሁን እንጂ ወንጌልን በነጻ የመስጠት ተግባር አንድ ዓይነት የተሰወረ መስፈርት ይዞ ይመጣል።  ወንጌልን መስጠት ራሳችንን መስጠትን ይጠይቃል።  ይህም ማለት ራሳችንን በነጻ ልንሰጥ ይገባል ማለት ነው።  ራሳችንን ሙሉ በሙሉ በነጻ ለመስጠት የሚያበቃን ምክንያት ምንድን ነው?  ምክንያቱ፣ እኛ ሁሉንም «በነጻ» ተቀብለናልና ነው።  

ቀላሉ እውነታ ይህ ነው፦ ወንጌል በሙሉ ለእኛ ስለተሰጠ ነጻ ስጦታ ነው፤ ይህም ራሳችንን ሙሉ በሙሉ በነጻ ለሌሎች እንድንሰጥ ይጠይቀናል።  ወንጌል አንድ አካል ነው፤ እርሱም ኢየሱስ ክርስቶስ ነው።  እርሱም በነጻ ወደ እኛ መጥቶ በውስጣችን ሲኖር፣ እኛም ሙሉ በሙሉ ለሌሎች ነጻ ስጦታ መሆን ይኖርብናል።

ዛሬ ወንጌልን ሙሉ በሙሉ ለመቀበል ስላለህ ዝግጁነትና ለመስጠትም ስላለህ ፍጹም ፈቃደኝነት አሰላስል።  ይህን የእግዚአብሔር ክቡር ስጦታ መረዳትህና መቀበልህ ለሌሎች ስጦታ እንድትሆን ይለውጥህ።

ዋጋህ የማይተመን ጌታዬ ሆይ፣ ሕያው ወንጌል የሆንኸውን አንተን እንድቀበል፣ ልቤ ሙሉ በሙሉ ለአንተ ክፍት ይሁን። አንተን ስቀበል፣ እኔም በተራዬ በማንነቴ ራሱ አንተን ለሌሎች እንድሰጥ እርዳኝ። ኢየሱስ ሆይ፣ በአንተ እታመናለሁ።

ተጨማሪ የወንጌል ማሰላሰያዎች

በእግዚአብሔር ምሕረት ላይ ማሰላሰያዎች

ሁሉም ቅዱሳን/በዓላት

የቅዳሴ ንባብ አማራጮች

ሥዕል፦ ክርስቶስ ቁልፎቹን ለቅዱስ ጴጥሮስ ሲያስረክብ፣ በፒተር ፖል ሩበንስ የተሣለ