Saturday, September 21, 2019
Kapistahan ni San Mateo, Apostol ug Ebanghelista
Paminaw sa Iningles
Sa pagpadayon ni Jesus gikan didto, nakita niya ang usa ka tawo nga ginganlag Mateo nga naglingkod sa buhatan sa buhis. Miingon siya kaniya, “Sunod kanako.” Ug mitindog siya ug misunod kaniya. Mateo 9:9
Si San Mateo usa ka adunahan ug “hinungdanong” tawo sa iyang panahon. Ingong maniningil og buhis, daghan usab sa mga Judio ang wala makagusto kaniya. Apan gipakita niya nga siya maayong tawo pinaagi sa iyang diha-diha nga pagtubag sa tawag ni Jesus.
Wala kitay daghang detalye bahin niini nga sugilanon, apan anaa kanato ang mga detalyeng mahinungdanon. Atong makita nga si Mateo nagtrabaho, naningil og buhis. Atong makita nga si Jesus miagi lamang sa iyang atubangan ug mitawag kaniya. Ug atong makita nga si Mateo mitindog dayon, mibiya sa tanan, ug misunod kang Jesus. Dako gayod kini nga pagkakabig.
Alang sa kadaghanan, dili mahitabo ang ingon niini ka diha-diha nga pagtubag. Kinahanglan pa una nilang mailhan si Jesus, makombinsir Niya, makigsulti sa ilang pamilya ug mga higala, maghunahuna, mamalandong, ug unya mohukom kon maayo ba nga mosunod kang Jesus. Kadaghanan moagi pa og taas nga pagpangatarongan bahin sa kabubut-on sa Dios sa dili pa motubag niini. Ingon ba usab ikaw niini?
Matag adlaw, gitawag kita sa Dios. Matag adlaw, gitawag kita Niya sa pag-alagad Kaniya sa radikal ug hingpit nga paagi, sa usa o laing pamaagi. Ug matag adlaw, aduna kitay kahigayonan sa pagtubag sama sa gibuhat ni Mateo. Ang yawe mao ang pagbaton og duha ka mahinungdanong hiyas. Una, kinahanglan mailhan nato ang tingog ni Jesus sa tin-aw ug dili masayop nga paagi. Pinaagi sa pagtuo, kinahanglan masayran nato kon unsay Iyang gisulti kanato sa dihang mosulti Siya. Ikaduha, kinahanglan masiguro nato nga bisan unsa ang gipabuhat ni Jesus kanato pinaagi sa Iyang tawag o pagdasig, takos gayod kining buhaton. Kon mahingpit nato kining duha ka hiyas, maandam kita sa pagsundog sa dihadiha ug hingpit nga pagtubag ni San Mateo.
Pamalandongi karon ang imong kaandam sa pagsundog niini nga Apostol. Unsay imong isulti ug buhaton sa dihang motawag ang Dios matag adlaw? Diin nimo makita ang imong kakulang, bag-oha ang imong pasalig sa pagsunod kang Cristo sa mas radikal nga paagi. Dili ka gayod magmahay niini.
Lord, may I hear You speak and respond to You wholeheartedly every time. May I follow You wherever You lead. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Further Reading – Saint Matthew
