February 6, 2020
Thursday of the Fourth Week in Ordinary Time
Readings for Today
San Pablo Miki ug mga Kauban, mga Martir—Handumanan
Paminaw sa Iningles
Gitawag ni Jesus ang Napulog Duha ug gisugdan Niya sila pagpadala nga tinagurha, ug gihatagan Niya sila og awtoridad ibabaw sa mahugaw nga mga espiritu. Mark 6:7
Ang unang butang nga angay hatagag pagtagad niining tekstoha mao nga “gitawag” ni Jesus ang Napulog Duha. Nagpasabot kini nga gipaduol Niya sila ngadto sa Iyang kaugalingon. Hinuon, mahimo natong sabton kini nga daw nagtawag lamang Siya og usa ka tigom uban kanila. Apan kinahanglan natong tan-awon kini sa mas lawom nga paagi. Kinahanglan natong makita nga niining pagtawag, si Jesus wala lamang magpatawag og tigom, kondili nagdani kanila ngadto gayod sa Iyang kaugalingong persona. Niining buhat sa pagtawag, ang mga Apostoles personal nga nakatagbo kang Jesus, nakadawat sa Iyang grasya ug gahom, ug sila mismo nausab.
Gikan didto, gipadala Niya sila nga tinagurha. Mahinungdanon usab kini. Nasayod si Jesus sa atong tawhanong kahuyang. Nasayod Siya nga kon mag-inusara kita, lagmit mapakyas kita, apan pinaagi sa Kristohanong pagpaluyo sa usa ka kauban, labi kitang malig-on. Kini tungod kay ang misyon ni Jesus dili lamang usa ka butang nga atong buhaton sa tagsatagsa, kondili usa usab ka butang nga atong gipaambitan isip katilingban. Ang matag usa kanato adunay bahin sa Iyang misyon. Apan, aron matuman kana nga misyon, gikinahanglan nato ang gugma ug pagpaluyo sa uban. Kinahanglan kitang moadto sa pakig-away nga tinagurha.
Unsa man kining awtoridad nga gihatag ni Jesus kanila? Kasagaran dili hingpit nga masabtan ug mapasalamatan ang tinuod nga kahulogan niini. Tinuod gayod nga gusto ni Jesus nga hatagan kita og awtoridad ibabaw sa daotan ug sa iyang mga sakop, kay labaw silang gamhanan kay kanato. Busa, aron may kahigayonan kitang modaog sa pakig-away, gikinahanglan nato ang awtoridad ni Jesus. Dili lamang kini usa ka labaw sa kinaiyahan nga gahom sa paghingilin og mga demonyo; mas halapad pa gayod kini. Busa unsa man kining awtoridad ug unsaon nato kini paggamit?
Una, kini mao ang gahom sa tinuod nga Kristohanong gugma. Ang gugma mopatigbabaw sa daotan ug maghimo kaniya nga walay gahom sa atong kinabuhi. Ang pagkadili hakog, pagsakripisyo, pagkamapainubsanon, pagtuo, kamatuoran, ug uban pa, apil sa labing gamhanang mga hinagiban sa atong pakig-away. Ang daotan wala masayod unsaon pag-atubang niini. Dili kinahanglan nga mosulod pa kita sa usa ka talagsaong espirituhanong pakiggubat aron makig-away. Higugmaa lamang ang Dios ug isabuhay kana nga gugma sa imong adlaw-adlaw nga kinabuhi ug, sa usa ka pagsabot, maghingilin ka na og mga demonyo sa bisan asang dapita! Magmadaogon kita sa atong Kristohanong pagkinabuhi kay ang Dios maoy moatiman sa tanan nga nahibilin. Iya kining misyon ug Siya ang nagtawag ug nagpadala kanato. Busa ayaw kahadlok sa pagsunod sa Iyang paggiya!
Pamalandongi karon kining tulo ka lakang nga proseso nga gisugdan ni Jesus uban sa Iyang mga Apostoles, ug hibaloi nga gusto usab Niya kini alang kanimo: 1) Gitawag ka Niya, matag adlaw, ngadto sa Iyang kaugalingon; 2) Gipadala ka Niya aron dad-on ang Iyang gugma ngadto sa uban; 3) Gihatagan ka Niya sa awtoridad ug gahom nga imong gikinahanglan aron matuman ang Iyang kabubut-on. Ablihi ang imong kaugalingon niining proseso ug gamiton ka pag-ayo sa atong Ginoo.
Lord, give me the love, courage and strength I need to live out Your divine plan. I hear You summoning me and I choose to respond with generosity. I willingly accept the authority of that grace into my life so that You can accomplish all that You desire. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
