Pagpangita og mga Timaan

October 12, 2020
Monday of the Twenty-Eighth Week in Ordinary Time
Readings for Today

Paminaw sa Iningles

Samtang nagkadaghan pa ang mga tawo nga nagtigom, miingon si Jesus kanila, “Daotan kini nga kaliwatan; nangita kini og timaan, apan walay timaan nga ihatag niini gawas sa timaan ni Jonas.” Lucas 11:29

Nangandoy ka ba usahay nga hatagan ka sa Dios og timaan gikan sa Langit aron tin-aw kaayong magiyahan o matultolan sa kinabuhi? Nangita ka ba og mga timaan gikan sa Dios ug nagsalig niini?

Kon hatagan kita sa Dios og tin-aw nga timaan sa kinabuhi nga nagpadayag sa Iyang kabubut-on, angay natong dawaton kini isip gasa ug magpasalamat niini. Apan lahi ang pagdawat og timaan gikan sa Dios kay sa pagpangita og timaan gikan Kaniya. Sa teksto sa ibabaw, hugot nga gisaway ni Jesus ang mga miduol ug nangita og mga timaan. Ngano man? Nganong hugot man kaayo ang pagsupak ni Jesus sa pagpangita og mga timaan? Sa dakong bahin, tungod kay gusto Niya nga pangitaon nato Siya pinaagi sa gasa sa pagtuo.

Nag-ingon si Jesus nga walay timaan nga ihatag gawas sa timaan ni Jonas. Ang “timaan ni Jonas” nagtumong sa Paglansang sa Krus ni Jesus, sa Iyang kamatayon, sa tulo ka adlaw Niya sa lubnganan ug sa Iyang Pagkabanhaw. Tulo ka adlaw si Jonas sa tiyan sa balyena. Gisultihan sila ni Jesus nga magpabilin Siya sa lubnganan sulod sa tulo ka adlaw.

Apan ang mahinungdanong punto mao nga ang kamatayon ug Pagkabanhaw ni Jesus MAOY timaan nga ihatag. Wala na kitay laing angay pangitaon gawas niining sentrong misteryo sa atong pagtuo. Ang matag pangutana, problema, kabalaka, kalibog, ug uban pa, matubag ug maatubang kon mosulod lamang kita sa dakong misteryo sa atong katubsanan pinaagi sa pagsulod sa kinabuhi, kamatayon ug Pagkabanhaw ni Cristo. Sayop ang pagpangita og laing timaan gawas niini, kay daw nag-ingon kita nga dili igo ang kamatayon ug Pagkabanhaw ni Jesus.

Pamalandongi karong adlawa ang labing dakong “timaan” nga gihatag sukad sa Dios. Ug kon naglisod ka sa mga pangutana sa kinabuhi, ipunting ang imong panan-aw niining usa ka hingpit ug tin-aw nga timaan. Ipunting ang imong panan-aw sa sentrong misteryo sa atong pagtuo: ang kinabuhi, kamatayon ug Pagkabanhaw ni Cristo. Diha matubag ang matag pangutana ug ihatag ang tanang grasya. Wala na kitay laing gikinahanglan gawas niini.

Lord, Your life, death and Resurrection is all I need to know in life. Your perfect sacrifice gives me every answer and pours forth every grace. May I always turn to You as the sign I need every day. Jesus, I trust in You.

Mga Pag-ampo sa atong Mahal nga Inahan

Dugang nga mga Pamalandong sa Ebanghelyo

Mga Pamalandong sa Diosnong Kalooy

Mga Santos/Kasaulogan Karong Adlawa

Mga Kapilian sa mga Basahon sa Misa

Image: Jonah and the Whale by Pieter Lastman

BAG-O!