November 17, 2020
Tuesday of the Thirty-Third Week in Ordinary Time
Readings for Today
Santa Isabel sa Hungriya, Relihiyosa—Handumanan
Paminaw sa Iningles
“Zaqueo, dali, kanaog, kay karon kinahanglan nga mopabilin Ako sa imong balay.” Lucas 19:5b
Pagkadako sa kalipay ni Zaqueo sa pagkadawat niini nga pagdapit gikan sa atong Ginoo. Adunay tulo ka butang nga angay timan-an niining panagtagbo.
Una, giisip sa daghan si Zaqueo nga usa ka makasasala. Usa siya ka maniningil sa buhis ug, tungod niini, wala siya tahora sa mga tawo. Halos walay duhaduha nga nakaapekto kini kang Zaqueo ug nahimong tentasyon alang kaniya nga isipon ang iyang kaugalingon nga dili takos sa kalooy ni Jesus. Apan si Jesus mianhi gayod alang sa makasasala. Busa, sa pagkatinuod, si Zaqueo mao ang labing angay nga “kandidato” alang sa kaluoy ug pagkamabination ni Jesus.
Ikaduha, sa dihang nakita ni Zaqueo nga si Jesus miduol kaniya ug mipili kaniya gikan sa tanang atua didto aron makig-uban kaniya, nalipay siya pag-ayo! Ingon usab unta niini ang atong kasinatian. Gipili gayod kita ni Jesus ug gusto gayod Niya nga makig-uban kanato. Kon tugotan nato ang atong kaugalingon nga makakita niini, ang natural nga resulta mao ang kalipay. Nalipay ka ba sa pagkahibalo niini?
Ikatulo, tungod sa kalooy ni Jesus, giusab ni Zaqueo ang iyang kinabuhi. Misaad siya nga ihatag sa mga kabos ang katunga sa iyang kabtangan ug bayran og upat ka pilo ang bisan kinsa nga iyang nalimbongan kaniadto. Timaan kini nga nagsugod na si Zaqueo sa pagdiskobre sa tinuod nga bahandi. Gisugdan dayon niya ang pagpaambit ngadto sa uban sa kaayo ug kalooy nga gipakita ni Jesus ngadto kaniya.
Pamalandongi karon si Zaqueo ug tan-awa ang imong kaugalingon diha kaniya. Ikaw usab usa ka makasasala. Apan ang kalooy sa Dios mas gamhanan pa kay sa bisan unsang sala. Tugoti nga ang Iyang mahigugmaong pagpasaylo ug pagdawat kanimo molabaw sa bisan unsang pagbati sa pagkasad-an nga imong gibati. Ug tugoti nga ang gasa sa Iyang kaluoy mamunga og kaluoy ug pagkamabination ngadto sa uban diha sa imong kaugalingong kinabuhi.
Lord, I turn to You in my sin and beg for Your mercy and compassion. Thank You in advance for showering Your mercy upon me. May I receive that mercy with great joy and, in turn, may I shower Your mercy upon others. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Balaan sa Adlaw – Santa Isabel sa Hungriya, Relihiyosa
Mga Kapilian sa mga Basahon sa Misa
Featured image above: Zacchaeus in the Sycamore Awaiting the Passage of Jesus by James Tissot
_-_James_Tissot.jpg){kind=link}