December 11, 2020
Friday of the Second Week of Advent
Readings for Today
San Damaso I, Papa—Opsiyonal nga Handumanan
Paminaw sa Iningles
Miingon si Jesus sa katawhan: “Sa unsa Ko ikatandi kining kaliwatana? Sama kini sa mga bata nga naglingkod sa mga tiyanggihan ug nagsinggitay, ‘Gitugtogan namo kamo sa plawta, apan wala kamo manayaw; giawitan namo kamo og awit sa pagbangotan, apan wala kamo magbangotan.’” Mateo 11:16–17
Unsay gipasabot ni Jesus sa dihang miingon Siya, “Gitugtogan namo kamo sa plawta…” ug “giawitan namo kamo og awit sa pagbangotan…?” Klarong giila sa mga Amahan sa Simbahan kining “plawta” ug “awit sa pagbangotan” nga mao ang pulong sa Dios nga giwali sa mga propeta sa karaang panahon. Daghan kaayo ang miuna kang Jesus aron pag-andam sa dalan, apan daghan usab ang wala mamati. Si Juan Bautista mao ang kataposan ug labing bantog nga propeta, ug gitawag niya ang katawhan sa paghinulsol, apan diyutay ra ang naminaw. Busa, gipunting ni Jesus kining makapasubong kamatuoran.
Sa atong panahon karon, labaw pa kaayo sa mga propeta sa Daang Tugon ang anaa kanato. Anaa kanato ang talagsaong pagpamatuod sa mga santos, ang dili masayop nga pagtulon-an sa Simbahan, ang gasa sa mga Sakramento, ug ang kinabuhi ug pagtulon-an sa Anak mismo sa Dios sumala sa nahisulat sa Bag-ong Tugon. Apan, makapasubo nga daghan gihapon ang nagdumili sa pagpamati. Daghan ang wala “mosayaw” ug “magbangotan” isip tubag sa Ebanghelyo.
Kinahanglan kitang “mosayaw” sa diwa nga ang gasa ni Kristo Jesus, pinaagi sa Iyang kinabuhi, kamatayon ug pagkabanhaw, angay mahimong hinungdan sa atong kinasingkasing nga paglipay ug walay kataposang pagsimba. Kadtong tinuod nga nakaila ug nahigugma sa Anak sa Dios napuno sa kalipay! Dugang pa, kinahanglan kitang “magbangotan” tungod sa dili maihap nga mga sala sa atong kaugalingong kinabuhi ug sa kinabuhi sa mga tawo sa atong palibot. Tinuod ug kaylap ang sala, ug ang balaang kasubo mao lamang ang angay nga tubag niini. Tinuod ang kaluwasan. Tinuod ang impiyerno. Ug kining duha ka kamatuoran nagkinahanglan sa atong bug-os nga pagtubag.
Sa imong kaugalingong kinabuhi, hangtod sa unsang sukora nimo gitugotan nga makaimpluwensiya kanimo ang Ebanghelyo? Unsa ka kamatinagdanon sa tingog sa Dios nga gipadayag pinaagi sa kinabuhi sa mga santos ug pinaagi sa atong Simbahan? Naminaw ka ba pag-ayo sa tingog sa Dios samtang nakigsulti Siya kanimo sa kinahiladman sa imong konsensiya diha sa pag-ampo? Nagpaminaw ka ba? Nagtubag? Nagsunod? Ug nagtugyan sa imong tibuok kinabuhi sa pag-alagad kang Kristo ug sa Iyang misyon?
Pamalandongi karon ang tin-aw, dili masaypan, makapausab ug makahatag-og-kinabuhi nga mga pulong ug presensiya sa Manluluwas sa kalibotan. Pamalandongi kon unsa ka kamatinagdanon sa imong kinabuhi sa tanan nga Iyang tin-awng gisulti ug sa Iya mismong presensiya. Kon wala ka “mosayaw” alang sa himaya sa Dios ug “magbangotan” tungod sa dayag nga mga sala sa imong kinabuhi ug sa atong kalibotan, nan itugyan pag-usab ang imong kaugalingon sa bug-os ug kinasingkasing nga pagsunod kang Kristo. Sa kataposan, ang Kamatuoran nga gipamulong sa Dios sa tanang kapanahonan ug ang Iyang balaan ug diosnong presensiya mao lamang ang mahinungdanon.
My glorious Lord Jesus, I acknowledge Your divine presence in my life and in the world all around me. Help me to be more attentive to the countless ways that You speak to me and come to me each and every day. As I discover You and Your holy word, fill me with joy. As I see my sin and the sins of the world, give me true sorrow so that I will work tirelessly to combat my own sin and bring Your love and mercy to those who are most in need. Jesus, I trust in You.
Tan-awa ang among mga kapanguhaan alang sa Adbiyento!
Mga Pamalandong sa Balaang Kasulatan
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – San Damaso I, Papa
Mga Kapilian sa mga Basahon sa Misa
Gipasiugda nga hulagway sa ibabaw: San Juan Bautista, dibuho ni Titian
