Wednesday, December 23, 2020
Advent Weekday
Readings for Today
San Juan sa Kanty, Pari—Opsyonal nga Paghandum
Paminaw sa Iningles
Diha-diha naabli ang iyang baba, nahubad ang iyang dila, ug misulti siya nga nagdayeg sa Dios. Lucas 1:64
Kini nga linya nagpadayag sa malipayong kataposan sa unang kapakyasan ni Zacarias sa pagtuo sa gipadayag sa Dios kaniya. Hinumdomi nga siyam ka bulan sa miagi, samtang gituman ni Zacarias ang iyang katungdanan isip pari sa paghalad og sakripisyo sulod sa Labing Balaang Dapit sa Templo, giduaw siya sa mahimayaong Arkanghel Gabriel, nga nagatindog sa atubangan sa Dios. Gipadayag ni Gabriel kang Zacarias ang maayong balita nga ang iyang asawa manamkon sa iyang katigulangon ug nga kining bataa mao ang mag-andam sa katawhan sa Israel alang sa umaabot nga Mesiyas. Pagkadakong pribilehiyo unta niadto! Apan wala motuo si Zacarias. Ug tungod niini, gihimo siyang amang sa Arkanghel sulod sa siyam ka bulan nga pagmabdos sa iyang asawa.
Ang mga silot sa Ginoo kanunayng mga gasa sa Iyang grasya. Wala siloti si Zacarias tungod sa kasuko o aron lamang silotan siya. Hinuon, kini nga silot mas sama sa usa ka penitensiya. Tungod sa usa ka maayong katuyoan, gihatagan siya sa makapaubos nga penitensiya sa pagkawala sa iyang abilidad sa pagsulti sulod sa siyam ka bulan. Daw nahibalo ang Dios nga gikinahanglan ni Zacarias ang siyam ka bulan aron hilom nga mamalandong sa gisulti sa Arkanghel. Gikinahanglan niya ang siyam ka bulan aron mamalandong sa milagrosong pagmabdos sa iyang asawa. Ug gikinahanglan niya ang siyam ka bulan aron mamalandong kon kinsa kining bataa. Ug kadtong siyam ka bulan nagbunga sa gitinguhang hingpit nga pagkakabig sa kasingkasing.
Human matawo ang bata, gipaabot nga kining kamagulangang anak nga lalaki hinganlan sunod sa iyang amahan nga si Zacarias. Apan giingnan sa Arkanghel si Zacarias nga ang bata paganganlag Juan. Busa, sa ikawalong adlaw, ang adlaw sa pagpatuli sa iyang anak sa dihang gipresentar kini ngadto sa Ginoo, gisulat ni Zacarias sa usa ka papan nga ang ngalan sa bata mao si Juan. Usa kini ka buhat sa pagtuo ug usa ka timaan nga hingpit na siyang mitalikod sa kawalay pagtuo ngadto sa pagtuo. Ug kining buhat sa pagtuo mao ang nakapawala sa iyang kanhing pagduhaduha.
Ang kinabuhi sa matag usa kanato adunay mga higayon nga mapakyas kita sa pagtuo sa kinalalomang lebel sa atong pagtuo. Tungod niini, si Zacarias usa ka sulondan alang kanato kon unsaon nato pag-atubang ang atong mga kapakyasan. Atubangon nato kini pinaagi sa pagtugot nga ang mga sangpotanan sa nangaging mga kapakyasan makausab kanato alang sa kaayohan. Magkat-on kita gikan sa atong mga sayop ug mopadayon uban sa bag-ong mga paningkamot. Mao kini ang gibuhat ni Zacarias, ug mao usab kini ang angay natong buhaton kon gusto kitang makat-on gikan sa iyang maayong panig-ingnan.
Pamalandongi karon ang bisan unsang sala nga imong nabuhat nga adunay masakit nga mga sangpotanan sa imong kinabuhi. Samtang imong gipamalandongan kana nga sala, ang tinuod nga pangutana mao kon unsa ang imong buhaton gikan karon. Tugotan ba nimo nga kanang nangaging sala, o kakulang sa pagtuo, maoy modominar ug mokontrol sa imong kinabuhi? O gamiton ba nimo ang imong nangaging mga kapakyasan aron maghimo og bag-ong mga paningkamot ug mga desisyon alang sa umaabot aron makat-on gikan sa imong mga sayop? Gikinahanglan ang kaisog, pagpaubos ug kalig-on aron masundog ang panig-ingnan ni Zacarias. Paningkamoti nga mapuy-an kining mga hiyas sa imong kinabuhi karong adlawa.
Lord, I know I lack faith in my life. I fail to believe all that You speak to me. As a result, I often fail to put Your words into action. Dear Lord, when I suffer as a result of my weakness, help me to know that this and all suffering can result in giving glory to You if I renew my faith. Help me, like Zechariah, to return to You always, and use me as an instrument of Your manifest glory. Jesus, I trust in You.
Tan-awa ang among mga kapanguhaan alang sa Adbiyento ug Pasko!
Mga Pamalandong sa Balaang Kasulatan
Mga Antipona nga “O” sa Adbiyento
Disyembre 17–23
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – San Juan sa Kanty, Pari
Mga Kapilian sa mga Basahon sa Misa
Featured image above: Domenico Zacharias Writes Down the Name of his Son
