Wednesday, December 30, 2020
Sixth Day in the Octave of Christmas
Readings for Today
Paminaw sa Iningles
Adunay usa ka babayeng propeta nga ginganlag Ana…Wala gayod siya mobiya sa templo, kondili nagsimba adlaw ug gabii uban sa pagpuasa ug pag-ampo. Ug sa iyang pagduol niadtong taknaa, nagpasalamat siya sa Diyos ug misulti mahitungod sa bata ngadto sa tanan nga nagpaabot sa pagtubos sa Jerusalem. Lucas 2:36–38
Kitang tanan adunay talagsaon ug balaang tawag nga gihatag kanato sa Diyos. Ang matag usa kanato gitawag sa pagtuman niini uban sa pagkamanggihatagon ug kinasingkasing nga pagtugyan sa kaugalingon. Sama sa gipahayag sa iladong pag-ampo ni San John Henry Newman:
Gibuhat ako sa Diyos aron mohimo og usa ka piho nga pag-alagad alang Kaniya. Aduna Siyay gitugyan kanako nga buluhaton nga wala Niya itugyan sa lain. Aduna akoy akong misyon. Mahimong dili ko gayod kini mahibaloan niining kinabuhia, apan ipahibalo kini kanako sa kinabuhing umaabot. Usa ako ka sumpay sa usa ka kadena, usa ka bugkos nga nagdugtong sa mga tawo…
Si Ana, ang babayeng propeta, gihatagan og usa ka talagsaon kaayo nga misyon nga walay sama. Sa batan-on pa siya, naminyo siya sulod sa pito ka tuig. Unya, human mamatay ang iyang bana, nagpabilin siyang biyuda hangtod sa edad nga kawaloan ug upat. Mahitungod niadtong mga dekada sa iyang kinabuhi, gipadayag sa Kasulatan nga “Wala gayod siya mobiya sa templo, kondili nagsimba adlaw ug gabii uban sa pagpuasa ug pag-ampo.” Pagkakahibulongan gayod niining tawaga gikan sa Diyos!
Ang talagsaong tawag ni Ana mao ang pagkahimong babayeng propeta. Gituman niya kini nga tawag pinaagi sa pagtugot nga ang iyang tibuok kinabuhi mahimong simbolo sa Kristohanong bokasyon. Gigahin niya ang iyang kinabuhi sa pag-ampo, pagpuasa ug, labaw sa tanan, sa mahinamon nga pagpaabot. Gitawag siya sa Diyos sa paghulat, tuig human sa tuig, dekada human sa dekada, alang sa usa ug mahukmanong takna sa iyang kinabuhi: ang iyang pagpakigtagbo sa Batang Kristo didto sa Templo.
Ang kinabuhi ni Ana isip propeta nagtudlo kanato nga ang matag usa kinahanglan magkinabuhi sa paagi nga ang atong kinatas-ang tumong mao ang padayong pagpangandam alang sa takna nga makatagbo nato ang atong diosnong Ginoo sa Templo sa Langit. Dili sama kang Ana, kadaghanan kanato wala gitawag sa literal nga pagpuasa ug pag-ampo sulod sa simbahan sa tibuok adlaw, matag adlaw. Apan sama kang Ana, kitang tanan kinahanglan mag-ugmad og sulodnong kinabuhi sa makanunayong pag-ampo ug pagpenitensiya, ug kinahanglan ipunting nato ang tanan natong buhat sa kinabuhi ngadto sa pagdayeg ug paghimaya sa Diyos ug sa kaluwasan sa atong mga kalag. Bisan tuod ang paagi sa pagkinabuhi niining bokasyon nga alang sa tanan talagsaon alang sa matag usa, ang kinabuhi ni Ana nagpabiling usa ka simbolikong panagna sa matag bokasyon.
Pamalandongi karon kon unsa ka maayo nimong gisundog kining balaang babaye sa imong kaugalingong kinabuhi. Nag-ugmad ka ba og sulodnong kinabuhi sa pag-ampo ug pagpenitensiya ug naningkamot matag adlaw nga itugyan ang imong kaugalingon alang sa himaya sa Diyos ug sa kaluwasan sa imong kalag? Susihon karong adlawa ang imong kinabuhi diha sa kahayag sa kahibulongang kinabuhi ni Ana isip propeta nga gitanyag kanato aron pamalandongan.
Lord, I thank You for the powerful witness of the prophetess Anna. May her lifelong devotion to You, a life of continual prayer and sacrifice, be a model and inspiration for me and for all who follow You. I pray that You daily reveal to me the unique way in which I am called to live out my vocation to total dedication to You. Jesus, I trust in You.
Tan-awa ang among mga kapanguhaan alang sa Pasko!
Mga Pamalandong sa Balaang Kasulatan
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Featured image above: Presentation of Christ at the Temple By Giotto di Bondone
Dugang nga mga Pamalandong sa Pasko:
Paghinumdom sa Paglukso sa Kalipay
Usa ka Mapainubsanong Alagad sa Ginoo
Uban kanamo sa usa ka panaw sulod sa 365 ka adlaw uban sa Diosnong Kalooy!
Ang Daily Reflections on Divine Mercy: 365 Days with Saint Faustina magsugod sa Enero 1 pinaagi sa Pamalandong 1. Samtang nangandam kita alang niining bag-ong tuig, gidapit kamo namo nga mouban kanamo sa tibuok umaabot nga tuig aron mamalandong matag adlaw sa madagayaong Kalooy sa Dios. Gidapit usab kamo namo sa pagdapit sa inyong pamilya ug mga higala nga mouban kanamo niining panaw! Dapita sila nga mouban kanamo pinaagi sa:
- Pagpalista aron makadawat og inadlaw nga mga email bahin sa Diosnong Kalooy
- Pag-install sa among Catholic Daily Reflections nga app
- Pagbisita matag adlaw sa among website
- Pagpalit sa Daily Reflections on Divine Mercy sa paperback o eBook nga porma
Ipaambit ang madagayaong kalooy sa Dios ngadto sa inyong pamilya ug mga higala niining bag-ong tuig!
Anaa isip eBook & Librong Humok og Hapin
