Nobyembre 14, 2021
Ikatloan ug Tulo nga Domingo sa Kasagarang Panahon, Tuig B
Mga Pagbasa Karong Adlawa
Paminaw sa Iningles
“Ang langit ug ang yuta mahanaw, apan ang akong mga pulong dili gayod mahanaw.” Marcos 13:31
Oo, tinuod kini. Ang langit ug ang yuta sa ilang kahimtang karon mahanaw. Ang mga Ebanghelyo ug ang Basahon sa Pinadayag naghisgot niining kamatuorana. Samtang nagkaduol kita sa kataposan niining tuig sa liturhiya, gipahinumdoman kita niini. Gipahinumdoman kita nga si Jesus mobalik sa kahalangdon ug himaya ug magbag-o sa tanang butang. Ang kalibotan nga atong nailhan pagabag-ohon, ug ang langit mahiusa niining bag-ong yuta, ug ang tanan mahimong usa. Si Jesus maghari niining bag-ong kalibotan isip mahimayaong Hari sa tanan.
Usa sa gitudlo niini kanato mao nga dili kita angay nga sobra nga mahigot sa mga butang niining lumalabay nga kalibotan. Tinuod, ang kalibotanong bahandi ug mga kabtangan makahatag og lumalabay nga katagbawan sa atong kinabuhi, apan dili gayod og malungtarong katagbawan. Moabot ang panahon nga ang tanang butang niining kalibotana mahanaw. Busa, kon maningkamot kita sa pagtigom lamang og kalibotanong bahandi ug mga kabtangan, angay natong mahibaloan nga kining tanan sa kataposan mahanaw, ug wala nay mahibilin kanato.
Busa unsa man ang molungtad sa kahangtoran? Ang tubag anaa sa kinutlo sa ibabaw. Si Jesus nag-ingon nga ang Iyang “mga pulong dili gayod mahanaw.” Sa ato pa, ang tanang tinuod ug gipadayag sa Dios nga tinuod molungtad sa kahangtoran ug angay natong kuptan pag-ayo. Nagpadayag kini kanato nga ang mga pulong ni Jesus mao ang tinuod nga mga bahandi nga kinahanglan natong pangitaon. Pinaagi sa pagdawat sa Iyang Pulong, paghawid niini, pagsulod sa kahiladman niini, pagtuo niini ug pagtugot nga kini magbag-o kanato, gidawat nato ang molungtad sa kahangtoran. Gidawat nato ang butang nga maato sa tibuok kahangtoran. Kini usa ka mahinungdanong kamatuoran nga angay sabton ug isabuhay.
Pamalandongi karon ang yano nga kamatuoran nga ang tanang butang sa kinabuhi mahanaw gawas sa mga pulong sa atong Ginoo. Ang tanan Niyang gisulti ug gipadayag kanato magpabilin hangtod sa kahangtoran, ug kining mga kamatuorana lamang ang angay natong paningkamotan sa kinabuhi. Ipunting ang imong panan-aw sa Pulong sa Dios ug paningkamoti nga masabtan pag-ayo ang kahulogan niini aron makasugod ka sa pagtigom og bahandi sa langit dinhi ug karon!
Ginoo, nagtuo gayod ako sa tanan Mong gisulti ug gipadayag. Tabangi ako nga mas maminaw Kanimo ug magpabiling magkupot sa matag pulong Mo. Jesus, misalig ako Kanimo.
Nobena kang Kristo nga Hari
Nobyembre 12–20, 2021
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Pamalandong sa Balaang Kasulatan alang sa Panahon sulod sa Tuig
Mga Santos/Kasaulogan Karong Adlawa
Mga Kapilian sa mga Basahon sa Misa
Mga hulagway nga gipakita sa ibabaw: Hulagway ni Dimitris Vetsikas gikan sa Pixabay
