Mayo 8, 2024
Miyerkules sa Ikaunom nga Semana sa Pasko sa Pagkabanhaw
Mga Pagbasa alang sa Karon
Paminaw sa Iningles
Miingon si Jesus sa Iyang mga tinun-an: “Daghan pa Akog isulti kaninyo, apan dili pa ninyo kini madala karon. Apan sa pag-abot Niya, ang Espiritu sa kamatuoran, giyahan kamo Niya ngadto sa tibuok kamatuoran.” Juan 16:12–13
Kini nga tudling nagpabiling tinuod alang kanatong tanan karon. Buot sa Dios nga ipadayag kanato, sa kahiladman sa atong mga konsensiya, ang labing lawom ug makapausab sa kinabuhi nga mga kamatuoran nga nagagikan sa hunahuna sa Amahan sa Langit. Apan dili pa nato kaya kining tanan karon. Dili pa sa hingpit. Ug sa tibuok eternidad, padayon nga molalom ang atong pagsabot sa tanang gipadayag sa Dios. Ug kining padayon ug nagkalalom nga pagdiskobre mopuno kanato sa padayon ug nagkalalom usab nga kalipay. Mao kini ang atong Langit, apan kinahanglan kining magsugod karon.
Una sa tanan, importante nga masabtan nga ang Dios tinuod nga “aduna pay daghan nga isulti kanimo.” Makapainteres nga ang pagkahibalo kon unsa kadaghan ang wala pa nimo mahibaloi usa na mismo ka matang sa kahibalo. Ang pagkahibalo nga aduna pay labaw pa ka daghan, nga ang kaalam sa Dios labaw gayod sa imong masabtan nga walay kinutoban, ug nga ang hunahuna sa Dios dili gayod ikatandi sa imoha, usa na mismo ka matahom nga kamatuoran nga kinahanglan masabtan. Kini nga kamatuoran angayng magpaubos kanimo ug magpuno usab kanimo sa balaang kahingangha ug pagtahod sa Dios ug sa walay kinutobang kalawom sa kaalam, kamatuoran, katahom ug himaya nga anaa Kaniya. Kini usa ka mahinungdanong unang lakang.
Dugang pa, ang pag-ingon nga “dili pa ninyo kini kaya karon” wala magpasabot nga dili ka angayng maningkamot sa pagdawat ug mas daghan pa sa kamatuoran nga buot ipadayag sa Dios. Sa pagkatinuod, usa kini ka matang sa pagdapit, kay nagpasabot kini nga moabot ang panahon nga mas daghan pa ang imong masabtan. Kini angay na usab nga motubo diha kanimo ang paglaom ug mahinamong pagpaabot nga mapadayag ang tanan nga nagpabiling tinago. Ang pagpaubos atubangan sa walay kinutobang Dios gikinahanglan aron motubo sa kaalam ug kahibalo bahin sa Dios.
Sa unsang paagi mahitabo kining pagtubo sa kaalam ug kahibalo bahin sa Dios? Mahitabo kini pinaagi sa gahom ug paglihok sa Espiritu Santo. Ang “Espiritu sa kamatuoran” mao ang “mogiya kaninyo ngadto sa tanang kamatuoran.” Apan bisan kining pamahayag nagpasabot na usab nga kini usa ka proseso. Ang Espiritu mao ang “mogi ya” kanimo. Ug kining paggiya magpadayon sa tibuok kinabuhi ug hangtod sa eternidad.
Kining pagtulon-an sa atong Ginoo nagdala kanato niining pangutanaha: Gisugdan na ba nimo ang proseso? Gisugdan na ba nimo ang pagtugot sa Espiritu Santo sa paggiya kanimo ngadto sa kamatuoran? Aduna bay piho nga mga higayon sa imong kinabuhi nga nakaila ka sa Dios sa bag-o ug lawom nga paagi nga mahimo lamang pinaagi sa gahom ug paglihok sa Dios Mismo?
Pamalandongi karon kining mahinungdanong mga pangutana. Kon nakasinati ka nga ang Dios Espiritu Santo tin-aw nga misulti kanimo, pagpaubos atubangan nianang kamatuorana. Pag-ampo alang sa dugang nga kaalam ug dugang nga kahibalo sa tanan nga wala pa nimo mahibaloi. Ug kon dili nimo masabtan ang ideya nga aduna pay daghan kaayo nga labaw sa imong masabtan, mapaubsanong dangop sa atong Ginoo ug pangamuyoi Siya nga sugdan ang pag-abli sa imong hunahuna ngadto sa tanan nga buot Niyang isulti kanimo. Ang walay kinutobang hunahuna sa atong Dios nagpaabot nga imong madiskobrehan ug dawaton. Sugdi ang proseso karon ug tugoti Siya sa paggiya kanimo ngadto sa tanang kamatuoran.
Dios sa tanang kamatuoran, Ikaw, ang Imong kaalam, ang Imong gugma ug ang tanan Mong mahimayaong mga kinaiya walay kinutoban ug dili ko hingpit nga matugkad. Samtang nagpaubos ako sa akong kaugalingon atubangan niining balaang mga kamatuoran, hinigugmang Ginoo, palihog itugyan kanako ang Espiritu Santo, ang Espiritu sa Kamatuoran, aron pinaagi sa Imong grasya mas hingpit kong maablihan ang akong hunahuna ngadto Kanimo. Hinaot nga ang proseso sa lawom nga pagdiskobre mapuno sa dakong kalipay ug mahimong usa ka proseso alang kanako nga magpadayon hangtod sa kahangtoran. Hesus, misalig ako Kanimo.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Pag-ampo sa Panahon sa Pasko sa Pagkabanhaw
Mga Pamalandong sa Balaang Kasulatan alang sa Panahon sa Pasko sa Pagkabanhaw
Mga Santos/Kasaulogan Karong Adlawa
Mga Kapilian sa mga Basahon sa Misa
Ang gipasiugda nga hulagway sa ibabaw iya ni Gerd Altmann gikan sa Pixabay Advertisement
