April 29, 2020
Wenesde for di Nomba Tri Wik for Easter
Di Readings for Today
Saint Catherine of Siena, Vajin and Doctor of the Church—Memorial
Listen for English
“I no go reject anybody wey come meet Me.” John 6:37
Dis short sentence talk plenty about di Divine Mercy of our Lord. Na sentence wey dem repeat plenty times for St. Faustina Diary of Divine Mercy, and na wetin plenty people need to hear.
Why e dey important to hear dis? Na because, plenty times, di pain of rejection fit become load wey we dey carry. Plenty people don face rejection for their life without even knowing how e don affect dem. Because of dis, dem dey fear to open their heart for relationship, so that dem no go wound dem again. Once person don wound your heart for relationship, you go dey careful as you dey go. Dis pain fit come from person for your family, husband or wife, friend, or anybody wey we don try show love, but na pain and rejection we receive. And dat one dey pain.
Jesus words dey especially important because dem dey help assure us say we fit trust Jesus. Na true say we fit come meet Him, open our hearts to Him, leave our hearts completely open to Him, and E go treat us with di greatest tenderness, respect, kindness and care. Jesus go care for us pass as we even dey care for ourselves!
Take time today think deep about dis words of Jesus. Talk dem again and again. “I no go reject anybody wey come meet Me.” Know say E want make you come meet Him and open your heart to Him completely. If you do so, you go allow Him show His love for you, and you go fit trust Him pass wetin you ever think say dey possible.
Lord, I want come meet You as I dey suffer and face rejection. I know say You na God wey dey heal, and You go comfort my soul. Help me trust You and allow You love me. Jesus, na You I trust.
Pray di Chaplet of Divine Mercy
More Reflections on the Gospel
Reflection Dem about God im Mercy
Saint for Today – Saint Catherine of Siena, Vajin and Doctor of the Church
