Thursday, March 28, 2019
Thursday of the Third Week of Lent
Paminaw sa Iningles
Si Jesus naghingilin og usa ka demonyong amang, ug sa dihang migawas na ang demonyo, nakasulti ang tawong amang ug nahibulong ang mga panon sa katawhan. Luke 11:14
Unsay nakapugong kanimo sa pagsulti sa Pulong sa Dios sa dayag, matinud-anon ug tin-aw nga paagi? Daghan kaayong mga tawo nga nagkinahanglan gayod sa Ebanghelyo. Daghan kaayong mga tawo nga naglibog sa kinabuhi ug nasubay sa sayop nga dalan, usa ka dalan nga padulong sa mas dakong kalibog ug kalaglagan. Ug nagpabilin kitang hilom samtang nagsubay sila niini nga dalan. Ngano man?
Ang Ebanghelyo sa ibabaw naghisgot bahin sa usa ka tawo nga naamang tungod sa usa ka demonyo. Sa dihang gihinginlan ni Jesus kining demonyo, nakasulti ang tawong amang ug daghan ang nahibulong. Lagmit, kining tawhana hingpit nga nasudlan niining demonyo, ug ang pagdaogdaog nga iyang nasinati naghikaw kaniya bisan sa katakos sa pagsulti. Sa dihang nahigawas siya gikan niining demonyohanong impluwensiya, gawasnon na siyang nakasulti.
Bisan tuod tingali dili nato masinati ang demonyohanong impluwensiya sa samang sukod, kanunay kitang mapugngan ug madaogdaog sa susamang mga espiritung nagpapaamang. Ang daotan kanunayng mosulay sa pag-impluwensiya kanato aron mahadlok kitang magsangyaw sa Ebanghelyo sa gawasnon, kinasingkasing ug dihadiha nga paagi ngadto niadtong labing nagkinahanglan sa mensahe nga buot sa Dios ipaabot kanila. Ang “mga espiritung nagpapaamang” kanunayng makapugong kanato, makapalibog kanato o makapuno kanato sa usa ka matang sa kahadlok kon moabot ang kahigayonan sa pagpaambit sa atong pagtuo ngadto sa uban. Bisan tuod panagsa ra tingali kitang mahulog sa hingpit ilalom sa ilang gahom, sagad maimpluwensiyahan ug mapugngan gihapon kita nila.
Pamalandongi karon ang kamatuoran nga anaa kining daotang mga espiritu ug ang ilang mga pagsulay sa pagpahilom kanato, aron dili nato masulti ang mensahe sa kamatuoran nga daghan kaayong mga tawo ang kinahanglang makadungog. Dili kita angay mahadlok sa ilang impluwensiya. Si Jesus adunay hingpit nga gahom ibabaw sa tanang maong mga espiritu ug dili Siya magpanuko sa pagpahunong sa ilang impluwensiya kanato kon tugotan nato Siya. Buot Niya kitang higawason aron isulti ang Iyang mensahe sa gugma nga walay pagpanuko, aron ang uban makaila Kaniya ug sa Iyang hingpit nga gugma. Tugoti Siya sa paggamit kanimo isip usa ka ingon niana nga instrumento sa kamatuoran ug gugma.
Lord, at times I am given over to fear when You call me to speak Your words of love to those in need. I feel as though I am muted in my speech, confused about what to say. Please free me, dear Lord, to be a holy instrument of Your Word and to confidently proclaim Your truth to those who are in much need. Jesus, I trust in You.
40 Days at the Foot of the Cross – Reflection Twenty-Two – “Behold, Your King!”
Dugang nga mga Pamalandong sa Ebanghelyo
Mga Pamalandong sa Diosnong Kalooy
