Thursday, September 26, 2019
Thursday of the Twenty-Fifth Week in Ordinary Time
Saints Cosmas and Damian, Martyrs – Optional Memorial
Paminaw sa Iningles
Apan miingon si Herodes, “Gipapunggotan ko si Juan. Kinsa man diay kining akong nadunggan nga nagbuhat niining mga butanga?” Ug padayon siyang naningkamot nga makita Siya. Lucas 9:9
Si Herodes nagpakita kanato og pipila ka daotang kinaiya ingon man og pipila ka maayong kinaiya. Klaro kaayo ang daotang mga kinaiya. Si Herodes nagkinabuhi sa dakong pagkamakasasala ug, sa kataposan, ang iyang dili matarong nga pagkinabuhi mitultol kaniya sa pagpugot sa ulo ni San Juan Bautista. Apan ang Kasulatan sa ibabaw nagpadayag og usa ka makapainteres nga kinaiya nga angay natong paningkamotang sundogon.
Si Herodes adunay interes kang Jesus. “Padayon siyang naningkamot nga makita Siya,” matod sa Kasulatan. Bisan tuod wala kini sa kataposan motultol kang Herodes sa pagdawat sa unang mensahe ni Juan Bautista ug sa paghinulsol, bisan pa niana, usa kini ka unang lakang.
Tungod kay wala kitay mas haom nga pulong, tingali matawag nato kining tinguha ni Herodes nga usa ka “balaang pagkamausisaon.” Nasayod siya nga adunay talagsaon mahitungod kang Jesus ug gusto niyang masabtan kini. Gusto niyang mahibalo kon kinsa si Jesus ug nadani siya sa Iyang mensahe.
Bisan tuod kitang tanan gitawag sa pagpadayon pa gayod labaw sa nabuhat ni Herodes sa pagpangita sa kamatuoran, mailhan gihapon nato nga si Herodes maayong naglarawan sa daghang tawo sa atong katilingban. Daghan kaayo ang nadani sa Ebanghelyo ug sa tanang gipadayag sa atong pagtuo. Mausisaon silang naminaw sa gisulti sa Santo Papa ug sa paagi sa pagtubag sa Simbahan sa mga inhustisya sa kalibotan. Dugang pa, ang katilingban sa kinatibuk-an kanunay nga nagkondena ug nagsaway kanato ug sa atong pagtuo. Apan nagpadayag gihapon kini og timaan sa interes niini ug sa tinguha nga maminaw sa gustong isulti sa Dios, ilabina pinaagi sa atong Simbahan.
Pamalandongi karong adlawa ang duha ka butang. Una, pamalandongi ang imong kaugalingong tinguha nga mas mahibalo pa. Ug kon madiskobrehan nimo kining tinguhaa, ayaw paghunong diha. Tugoti kini nga modani kanimo ngadto sa mensahe sa atong Ginoo. Ikaduha, hatagi og pagtagad ang “balaang pagkamausisaon” sa mga tawo sa imong palibot. Tingali adunay silingan, sakop sa pamilya o kauban sa trabaho nga nagpakita og interes sa gipahayag sa imong pagtuo ug sa atong Simbahan. Kon makita nimo kana, pag-ampo alang kanila ug hangyoa ang Dios nga gamiton ka, sama sa Iyang paggamit kang Juan Bautista, aron madala ang Iyang mensahe ngadto sa tanan nga nangita niini.
Lord, help me to seek You in all things and at all times. When darkness closes in, help me to discover the light You have revealed. Then help me to bring that light to a world in great need. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saints of the Day – Saints Cosmas and Damian
