Gihatagan ni Jesus og Pagtagad ang mga Detalye

December 4, 2019
Wednesday of the First Week of Advent
Readings for Today

San Juan Damasceno, Pari, Relihiyoso ug Magtutudlo sa Simbahan—Dili Obligadong Handumanan

Paminaw sa Iningles

Gitawag ni Jesus ang Iyang mga tinun-an ug miingon, “Natandog sa kaluoy ang Akong kasingkasing alang sa panon, kay tulo na ka adlaw silang uban Kanako ug wala na silay makaon. Dili Ko gusto nga papaulion sila nga gigutom, kay basin unyag mangaluya sila ug matumba sa dalan.” Mateo 15:32

Ang unang gipadayag niining maong teksto dali rang dili mamatikdan. Gipadayag niini ang lawom nga pagtagad ni Jesus sa panon sa katawhan. Dili lamang ang ilang mga kalag ang Iyang giatiman, kondili ang ilang mga lawas usab, kay dili Niya gusto nga mopauli sila nga gigutom. Nagpadayag kini sa bug-os nga pag-amuma ni Jesus sa Iyang mga sumusunod.

Nasayod kita sa sunod nga nahitabo sa sugilanon. Gipadaghan ni Jesus ang mga tinapay ug isda ug gipakaon ang panon. Ug bisan tuod talagsaon kini nga milagro sa pisikal nga bahin, sama usab kini ka milagroso sa personal ug espirituhanong bahin.

Sa personal nga bahin, ang milagro mao nga ang Dios, ang Labing Gamhanan, ang Makagagahom sa Tanan, adunay lawom nga pagtagad bisan sa gamayng detalye sa pagpakaon sa panon sa ilang sunod nga kaon. Nagpadayag kini nga dili lamang ang atong kaluwasang dayon ang gitagad sa Dios, kondili ang atong inadlawng mga panginahanglan usab.

Matikdi nga sa maong teksto, miingon si Jesus, “Natandog sa kaluoy ang Akong kasingkasing alang sa panon…” Ug “Dili Ko gusto nga papaulion sila nga gigutom…” Kining personal kaayo ug tawhanong pagtagad ni Jesus angayng maghatag kanato og dakong kahupayan sa pagkasayod nga ang Iyang pag-amuma lawom ug walay gipasagdan.

Ang pagtagad ni Jesus sa pisikal nga panginahanglan sa pagkaon sa Iyang mga sumusunod nagpunting usab sa Iyang espirituhanong pagtagad sa ilang mga kalag. Kon ingon niini kadako ang Iyang pagtagad sa lawas, labaw pa gayod ang Iyang pagtagad sa kalag, ug dako ang Iyang tinguha nga amumahon ang ilang mga kalag pinaagi sa pagkaon sa kinabuhing dayon.

Pamalandongi karon ang lawom ug bug-os nga pag-amuma ni Jesus kanimo. Hibaloi nga walay bisan unsang detalye sa imong kinabuhi nga dili Niya mamatikdan. Bisan tuod usahay lisod kini tuohan, hibaloi nga tinuod gayod kini! Itugyan ang tanan ngadto Kaniya uban sa pagsalig ug hibaloi nga anaa Siya aron motabang kanimo sa matag panginahanglan.

Lord, thank You for Your unfailing and perfect concern for every detail of my life. Thank You for Your perfect attentiveness to my needs. May I always trust in Your perfect care for me and surrender to Your loving providence. Jesus, I trust in You.

Try our NEW mobile app!

Dugang nga mga Pamalandong sa Ebanghelyo

Mga Pamalandong sa Diosnong Kalooy

Advent Resources

Saint of the Day – Saint John Damascene, Priest, Religious and Doctor—Optional Memorial

Watch on YouTube