Usa-usa ka Lakang

February 19, 2020
Wednesday of the Sixth Week in Ordinary Time
Readings for Today

Paminaw sa Iningles

Gikuptan ni Jesus ang kamot sa buta ug gidala siya sa gawas sa balangay. Gibutangan Niya og laway ang mga mata niini, gipandong ang Iyang mga kamot kaniya ug nangutana, “May makita ka ba?” Mihangad ang tawo ug mitubag, “Nakakita ako og mga tawo nga morag mga kahoy nga naglakaw.” Unya gipandong Niya pag-usab ang Iyang mga kamot sa mga mata sa tawo, ug tin-aw na kining nakakita; naulian ang iyang panan-aw ug nakita na niya ang tanang butang sa tin-aw gayod. Mark 8:23-25

Talagsaon kaayo kini nga sugilanon tungod sa usa ka hinungdan. Talagsaon kini kay sa unang pagsulay ni Jesus sa pag-ayo sa buta, katunga pa lamang ang pagkaayo niini. Nakakita na siya human sa unang pagsulay ni Jesus sa pag-ayo sa iyang pagkabuta, apan ang iyang nakita mao ang “mga tawo nga morag mga kahoy nga naglakaw.” Kinahanglang ipandong ni Jesus pag-usab ang Iyang mga kamot sa mga mata sa tawo aron kini hingpit nga maulian. Ngano man kaha?

Sa tanang Ebanghelyo, sa matag higayon nga si Jesus moayo sa usa ka tawo, kini mahitabo tungod sa pagtuo nga anaa kaniya ug iyang gipadayag. Dili kay dili makahimo si Jesus sa pag-ayo sa usa ka tawo nga walay pagtuo; kondili, mao kini ang Iyang gipili nga buhaton. Gihimo Niyang nagsalig sa hingpit nga pagtuo ang pagkaayo.

Niining sugilanon sa milagro, daw adunay pagtuo ang buta, apan gamay pa lamang. Tungod niini, naghimo si Jesus og usa ka butang nga adunay lawom nga gipasabot. Gitugotan Niya nga maulian ang tawo sa bahin pa lamang aron ipakita ang kakulang sa iyang pagtuo. Apan gipadayag usab Niya kanato nga ang gamay nga pagtuo mahimong motultol ngadto sa mas dakong pagtuo. Sa dihang nakakita na og diyutay ang tawo, dayag nga misugod usab siya sa pagtuo og labaw pa. Ug sa dihang mitubo ang iyang pagtuo, gipandong na usab ni Jesus ang Iyang mga kamot kaniya, ug gihingpit ang iyang pagkaayo.

Pagkaanindot niini nga pananglitan alang kanato! Ang ubang mga tawo tingali adunay hingpit nga pagtuo sa Diyos sa tanang butang. Kon ingon niana ka, nan bulahan ka gayod. Apan kini nga teksto ilabi na alang niadtong adunay pagtuo, apan nanlimbasog gihapon. Alang niadtong anaa niini nga kahimtang, nagtanyag si Jesus og dakong paglaom. Ang pag-ayo sa tawo sa duha ka sunodsunod nga higayon nagsulti kanato nga si Jesus mapailubon ug maluluy-on, ug dawaton Niya ang gamay nga anaa kanato ug ang gamay nga atong gitanyag, ug gamiton kini sa labing maayo Niyang mahimo. Molihok Siya aron mabag-o ang atong gamay nga pagtuo aron makahimo kita og laing lakang nga mas mopaduol sa Diyos ug motubo sa pagtuo.

Mao usab kini sa sala. Usahay dili hingpit ang atong pagbasol sa sala, ug usahay makasala kita nga wala gayoy pagbasol niini, bisan tuod nasayod kitang sayop kini. Kon ingon niana ka, paningkamoti nga makahimo bisan usa ka gamayng lakang padulong sa pagkaayo nga dala sa pagpasaylo. Bisan sa labing gamay, paningkamoti nga tinguhaon nimo nga motubo ang imong handom sa pagbasol. Tingali mao kana ang labing gamay nimong mahimo, apan gamiton gihapon kana ni Jesus.

Pamalandongi karon kining buta nga tawo. Hunahunaa kining duha ka hugna sa pagkaayo ug duha ka hugna sa pagkakabig nga iyang naagian. Ilha nga ikaw usab kini, ug nga gusto ni Jesus nga dad-on ka og usa pa ka lakang sa unahan sa imong pagtuo ug sa imong paghinulsol sa sala.

Lord, I thank You for the incredible patience You have with me. I know my faith in You is weak and must increase. I know my sorrow for my sins must also increase. Please do take the little faith I have and the little sorrow I have for my sins and use them to draw me one step closer to You and Your merciful heart. Jesus, I trust in You.

Dugang nga mga Pamalandong sa Ebanghelyo

Mga Pamalandong sa Diosnong Kalooy

Mga Santos/Kasaulogan Karong Adlawa

Three great books for Lent
Free to read online. Also available in eBook & paperback format.