May 30, 2020
Saturday of the Seventh Week of Easter
Readings for Today
Paminaw sa Iningles
Daghan pa usab ang ubang mga butang nga gibuhat ni Jesus, apan kon isulat kini sa tinagsa, sa akong hunahuna dili paigo ang tibuok kalibotan sa mga basahon nga masulat. Juan 21:25
Handurawa ang mga pagsabot nga nabatonan sa atong Mahal nga Inahan bahin sa iyang Anak. Isip Iyang inahan, nakita ug nasabtan gayod niya ang daghang tinagong mga higayon sa Iyang kinabuhi. Nasaksihan niya ang Iyang pagtubo matag tuig. Nasaksihan niya ang Iyang pagpakig-uban ug pagpakiglabot sa uban sa tibuok Niyang kinabuhi. Namatikdan niya nga nangandam Siya alang sa Iyang dayag nga ministeryo. Ug nasaksihan niya ang daghang tinagong mga higayon niadtong dayag nga ministeryo ug ang dili maihap nga balaang mga higayon sa tibuok Niyang kinabuhi.
Ang teksto sa Balaang Kasulatan sa ibabaw mao ang kataposang tudling-pulong sa Ebanghelyo ni Juan, ug dili nato kini kanunay madungog. Apan nagtanyag kini og makapainteres nga mga pagsabot nga angay pamalandongan. Ang tanan natong nahibaloan bahin sa kinabuhi ni Kristo anaa sa mga Ebanghelyo, apan sa unsang paagi kining mugbong mga basahon sa Ebanghelyo makaduol man gani sa paghulagway sa kinatibuk-an sa pagkatawo ni Jesus? Dili gayod nila kini mahimo. Aron mahimo kana, sama sa giingon ni Juan sa ibabaw, dili paigo ang tibuok kalibotan sa mga panid nga masulat. Dako gayod kaayo ang gipasabot niini.
Busa, ang unang pagsabot nga angay natong makuha gikan niining teksto sa Balaang Kasulatan mao nga gamay ra nga bahin sa tinuod nga kinabuhi ni Kristo ang atong nahibaloan. Mahimayaon ang atong nahibaloan. Apan angay natong masabtan nga daghan pa kaayo ang wala nato mahibaloi. Ug kining pagkaamgo angay mopuno sa atong hunahuna og kaikag, pangandoy, ug tinguha nga mas makaila pa Kaniya. Pinaagi sa pagkaamgo kon unsa kagamay ang atong tinuod nga nahibaloan, hinaot nga matukmod kita sa pagpangita kang Kristo sa mas lawom nga paagi.
Apan, ang ikaduhang pagsabot nga atong makuha gikan niining teksto mao nga, bisan tuod ang daghang panghitabo sa kinabuhi ni Kristo dili masulod bisan sa dili maihap nga mga tomo sa basahon, mahimo gihapon natong mailhan si Jesus mismo diha sa NAHISULOD sa Balaang Kasulatan. Dili, tingali dili nato mahibaloan ang matag detalye sa Iyang kinabuhi, apan mahimo natong ikatagbo ang Iyang Persona. Mahimo natong ikatagbo ang Buhi nga Pulong sa Diyos mismo diha sa Kasulatan ug, niadtong pagtagbo ug pagpakighimamat Kaniya, ihatag kanato ang tanan natong gikinahanglan.
Pamalandongi karong adlawa kon unsa kalawom ang imong pagkaila kang Jesus. Naggahin ka ba og igong panahon sa pagbasa sa Kasulatan ug sa pagpamalandong niini? Nakigsulti ka ba Kaniya matag adlaw ug naningkamot nga makaila ug mahigugma Kaniya? Anaa ba Siya uban kanimo, ug kanunay ka bang mogahin og panahon aron maanaa usab ka uban Kaniya? Kon ang tubag sa bisan hain niining mga pangutanaha mao ang “Dili,” nan tingali maayong adlaw kini aron itugyan pag-usab ang imong kaugalingon sa mas lawom nga pagbasa sa Balaang Pulong sa Diyos.
Lord, I may not know everything about Your life, but I do desire to know You. I desire to meet You every day, to love You and to know You. Help me to enter more deeply into a relationship with You. Jesus, I trust in You.
Novena to the Holy Spirit
Prayed in preparation for Pentecost
Day Nine – Saturday, May 30
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Image: Ascension of Christ Attributed to Dosso Dossi
