May 31, 2020
Solemnidad sa Domingo sa Pentecostes
Mga Pagbasa alang sa Pentekostes
Ug sa kalit may miabot gikan sa langit nga dahunog sama sa huros sa makusog nga hangin, ug mipuno kini sa tibuok balay nga ilang giestaran. Unya may mipakita kanila nga mga dila nga daw kalayo, nga nagkabahin ug mitugpa sa matag usa kanila. Ug silang tanan napuno sa Espiritu Santo ug misugod pagsulti sa nagkalainlaing mga pinulongan, sumala sa gihatag kanila sa Espiritu nga ikasulti. Acts 2:2–4
Do you think there was really a “noise like a strong driving wind” at this first outpouring of the Holy Spirit? And do you think there really were “tongues as of fire” that came and rested on everyone? Well, there most likely was! Why else would have it been recorded that way in the Scriptures?
Kining pisikal nga mga pagpadayag sa pag-abot sa Espiritu Santo nahitabo tungod sa daghang hinungdan. Usa niini mao nga kining unang mga nakadawat sa bug-os nga pagbubo sa Espiritu Santo makasabot sa konkretong paagi nga adunay talagsaong butang nga nahitabo. Pinaagi sa pagkakita ug pagkadungog niining pisikal nga mga pagpadayag sa Espiritu Santo, mas naandam sila sa pagsabot nga ang Dios nagbuhat ug kahibulongang butang. Ug unya, sa ilang pagkakita ug pagkadungog niining mga pagpadayag, sila gitandog sa Espiritu Santo, gilukop, gipuno ug gipasilaob. Sa kalit ilang nadiskobrehan diha sa ilang kaugalingon ang saad nga gihimo ni Jesus, ug sa kataposan nagsugod na sila sa pagsabot. Ang Pentecostes nakapausab sa ilang kinabuhi!
Lagmit wala kita makakita ug makadungog niining pisikal nga mga pagpadayag sa pagbubo sa Espiritu Santo, apan angay kitang mosalig sa pagpamatuod niadtong anaa sa Kasulatan aron makaabot kita sa lawom ug makapausab nga pagtuo nga ang Espiritu Santo tinuod ug buot mosulod sa atong kinabuhi sa samang paagi. Buot sa Dios nga pasilaobon ang atong mga kasingkasing sa Iyang gugma, kusog ug grasya aron makakinabuhi kita sa paagi nga tinuod nga makahatag ug kausaban sa kalibotan. Ang Pentecostes dili lamang mahitungod sa atong pagkabalaan, kondili mahitungod usab sa paghatag kanato sa tanan natong gikinahanglan aron molakaw ug magdala sa kabalaan sa Dios ngadto sa tanan natong makatagbo. Ang Pentecostes nagtugot kanato nga mahimong gamhanang mga instrumento sa makapausab nga grasya sa Dios. Ug walay duhaduha nga ang kalibotan sa atong palibot nagkinahanglan niining grasya.
Sa atong pagsaulog sa Pentecostes, makatabang ang mapag-ampuong pagpamalandong sa pangunang mga epekto sa Espiritu Santo. Anaa sa ubos ang Pito ka mga Gasa sa Espiritu Santo. Kining mga Gasa mao ang pangunang mga epekto sa Pentecostes alang sa matag usa kanato. Gamita kini sa pagsusi sa imong kinabuhi ug tugoti ang Dios nga ipakita kanimo kon asa ka kinahanglan motubo pa pag-ayo diha sa kusog sa Espiritu Santo.
Ginoo, ipadala ang Imong Espiritu nganhi sa akong kinabuhi ug pasilaoba ako sa mga Gasa sa Imong Espiritu. Espiritu Santo, gidapit ko Ikaw sa pag-angkon sa akong kalag. Umari, Espiritu Santo, umari ug usba ang akong kinabuhi. Espiritu Santo, misalig ako Kanimo.
Dugang nga mga Pamalandong sa Diosnong Kalooy
Adlaw-adlaw nga mga Pamalandong sa Ebanghelyo
Mga Santos/Kasaulogan Karong Adlawa
Saint of the Day – Visitation of the Blessed Virgin Mary
Not celebrated as a liturgical memorial this year since it falls on Sunday
Dugang nga Basahon – Dominggo sa Pentekostes
Image: Pentecost by Jean II Restout
Pito ka Gasa sa Espiritu Santo
Kahadlok sa Ginoo: Pinaagi niining gasa, ang Kristohanon mahimong sensitibo kaayo sa bisan unsang makadaot sa iyang relasyon sa Dios. Adunay balaang “kahadlok” nga madaot kini nga relasyon, ug gihatagan siya ug grasya aron malikayan kining mga butanga bisan unsa pa ang gikinahanglan.
Kaalam: Pinaagi niining gasaha, ang Kristohanon gihatagan og talagsaong grasya sa “pagpamalandong sa mga diosnong kamatuoran” diha sa iyang espekulatibong pangatarongan. Makita nato ang kinatibuk-ang hulagway ug masayran kon unsaon nato nga mahimong labing maayong instrumento sa kalinaw ug panaghiusa sa atong kalibotan.
Pagsabot: Kini ang katakos nga makabaton og labaw sa kinaiyanhong kasigurohan mahitungod sa mga butang sa pagtuo. Makita nato ang kahulogan sa kinabuhi. Masabtan nato ang mas lawom nga mga bahin sa pagpadayag sa Dios, makita ang kahulogan sa pag-antos, ug masabtan kadtong mga butang nga makatintal kanato sa pagduhaduha. Pinaagi niining gasaha, makita nato kon sa unsang paagi ang tanang butang sa kinabuhi mahimong mosangpot sa kaayohan sumala sa plano sa Dios.
Kahibalo: Pinaagi niining gasaha, ang Kristohanon masayod, ilabina pinaagi sa iyang praktikal nga salabutan, kon unsa ang kabubut-on sa Dios sa usa o laing kahimtang. Masayod kita kon unsaon pagkinabuhi, unsaon pag-ila sa kabubut-on sa Dios, ug unsang desisyon ang angay himoon sa atong adlaw-adlaw nga kinabuhi. Makatabang usab kini kanato sa pagkat-on gikan sa atong nangaging mga sayop.
Tambag: Pinaagi niining gasaha, makita sa Kristohanon ang iyang kaugalingon isip usa ka sumpay sa kadena nga naglangkob sa tibuok Simbahan. Gigamit sa Dios ang matag usa kanato aron magtinabangay ug magsuportahay sa atong panaw. Masayod kita kon unsay isulti ug unsaon paglihok aron matuman nato ang atong bahin sa pagpalig-on sa usag usa.
Kalig-on: Sa yanong pagkasulti, kini ang kalig-on sa hunahuna ug espiritu aron buhaton ang maayo ug likayan ang daotan. Usa kini ka matang sa Kristohanong kaisog. Ang Ebanghelyo motawag kanatong tanan ngadto sa usa ka kinabuhi sa gugma nga nagkinahanglan og bug-os nga pagbag-o hangtod sa gamot. Ang kalig-on naghatag kanato sa kusog nga atong gikinahanglan aron mapadayon nato kini hangtod sa kataposan.
Pagkadiyosnon: Kini nga gasa makapahimo kanato sa pagtahod ug paghigugma una sa tanan sa Dios, ug usab sa pag-ila sa dignidad sa usag usa ug sa pagtahod sa usag usa isip mga anak sa Dios.
