June 13, 2020
Saturday of the Tenth Week of Ordinary Time
Readings for Today
San Antonio sa Padua, Pari ug Doktor sa Simbahan—Handumanan
Paminaw sa Iningles
“Ang inyong ‘Oo’ magpasabot og ‘Oo,’ ug ang inyong ‘Dili’ magpasabot og ‘Dili.’ Ang bisan unsang labaw pa niini gikan sa Daotan.” Mateo 5:37
Makapainteres kining mga pulonga. Sa unang pagtan-aw, daw sobra ra ang pag-ingon nga “Ang bisan unsang labaw pa niini gikan sa Daotan.” Apan siyempre, tungod kay mga pulong kini ni Jesus, hingpit kining tinuod. Busa unsa man ang gipasabot ni Jesus?
Gisulti kini ni Jesus diha sa konteksto sa Iyang pagtudlo kanato bahin sa moralidad sa pagpanumpa. Sa kinatibuk-an, kini nga pagtulon-an naglatid sa sukaranang prinsipyo sa “pagkamatinud-anon” nga anaa sa Ikawalong Sugo. Giawhag kita ni Jesus nga magmatinud-anon, nga isulti ang atong tinuod nga gipasabot ug tinuoron ang atong gisulti.
Usa sa mga hinungdan nga gihisgotan kini ni Jesus, diha sa konteksto sa Iyang pagtulon-an bahin sa pagpanumpa, mao nga dili na unta kinahanglan ang usa ka solemne nga panumpa sa atong naandang adlaw-adlaw nga pag-istoryahanay. Hinuon, adunay mga panumpa nga solemne, sama sa mga panaad sa Kaminyoon o sa mga panaad ug mga saad nga solemne nga gihimo sa mga pari ug mga relihiyoso. Sa pagkatinuod, sa matag Sakramento adunay usa ka matang sa solemne nga saad nga gihimo. Apan, ang kinaiya niini nga mga saad labaw nga usa ka dayag nga pagpahayag sa pagtuo kay sa usa ka paagi sa pagpapanubag sa mga tawo.
Ang tinuod mao nga ang Ikawalong Sugo, nga nagtawag kanato nga mahimong mga tawo nga matinud-anon ug adunay integridad, igo na unta sa tanang adlaw-adlaw nga kalihokan. Dili kita kinahanglan nga “manumpa sa Dios” bahin niini o niana. Dili nato angay bation nga kinahanglan pa natong kombinsihon ang uban nga nagsulti kita sa tinuod sa usa o laing kahimtang. Hinuon, kon kita mga tawo nga matinud-anon ug adunay integridad, igo na ang atong pulong ug ang atong gisulti tinuod tungod lamang kay gisulti nato kini.
Pamalandongi karon kon unsa ka kamatinud-anon sa tanang bahin sa imong kinabuhi. Naanad ka na ba sa pagsulti sa tinuod sa dagko ug gagmay nga mga butang sa kinabuhi? Nailhan ba sa mga tawo kining hiyas diha kanimo? Ang pagsulti sa tinuod ug ang pagkahimong tawo nga nagkinabuhi sa kamatuoran mga paagi sa pagmantala sa Ebanghelyo pinaagi sa atong mga buhat. Ipahinungod ang imong kaugalingon sa pagkamatinud-anon karon ug ang Ginoo magbuhat og dagkong mga butang pinaagi sa imong gisulti.
Lord, help me to be a person of honesty and integrity. For the times that I have twisted the truth, deceived in subtle ways, and outright lied, I am sorry. Help my “Yes” to always be in accord with Your most holy will and help me to always turn from the ways of error. Jesus, I trust in You.
Novena to the Sacred Heart
Novena dates:June 10-18, 2020
June 19, 2020: Solemnity of the Sacred Heart
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – San Antonio de Padua, Pari ug Doktor sa Simbahan
Mga Kapilian sa mga Basahon sa Misa
