June 30, 2020
Tuesday of the Thirteenth Week of Ordinary Time
Readings for Today
Unang mga Martir sa Simbahan sa Roma—Opsiyonal nga Paghandum
Midool sila ug gipukaw si Jesus, nga nag-ingon, “Ginoo, luwasa kami! Mangamatay na kami!” Miingon Siya kanila, “Nganong nahadlok man kaayo kamo, kamong diyutay og pagtuo?” Unya mibangon Siya, gibadlong ang hangin ug ang dagat, ug mikalma gayod ang tanan. Matthew 8:25-26
Handurawa nga didto ka sa dagat uban sa mga Apostoles. Usa ka mananagat ug sa tibuok mong kinabuhi migugol ka og dili maihap nga mga oras sa dagat. Sa pipila ka adlaw hilabihan ka malinawon ang dagat, ug sa ubang mga adlaw dagko ang mga balod. Apan lahi kining adlawa. Hilabihan kadagko ug kusog ang pagbunal sa mga balod, ug nahadlok ka nga dili maayo ang dangatan ninyo. Busa, uban sa uban pang sakay sa sakayan, sa imong kalisang gipukaw nimo si Jesus, nga naglaom nga luwason kamo Niya.
Unsa kaha ang labing maayong buhaton sa mga Apostoles niining kahimtanga? Lagmit, ang labing maayo mao ang pasagdan lang nila si Jesus nga magpadayon sa pagkatulog. Ang labing angay unta mao nga atubangon nila ang mabangis nga bagyo uban sa pagsalig ug paglaom. Tingali talagsa ra moabot ang mga “bagyo” nga daw dili nato makaya, apan makasiguro kita nga moabot gayod kini. Moabot kini ug mobati kita nga dili na nato makaya.
Kon wala pa malisang ang mga Apostoles ug gipasagdan lang nila si Jesus nga matulog, tingali kinahanglan pa unta nilang antuson ang bagyo og mas dugay. Apan sa kadugayan mohinay ra unta kini ug mokalma ang tanan.
Si Jesus, sa Iyang dakong kalooy, dili mosupak sa atong pagtawag Kaniya sa panahon sa atong panginahanglan, sama sa gibuhat sa mga Apostoles didto sa sakayan. Dili Siya mosupak kon modangop kita Kaniya sa atong kahadlok ug mangayo sa Iyang tabang. Kon buhaton nato kini, anaa Siya alang kanato sama sa usa ka ginikanan nga anaa alang sa iyang anak nga makamata sa kagabhion tungod sa kahadlok. Apan ang labing maayo mao nga atubangon nato ang bagyo uban sa pagsalig ug paglaom. Ang labing angay mao nga masayod kita nga molabay ra usab kini ug nga kinahanglan lang kitang mosalig ug magpabiling lig-on. Kini daw ang labing maayong leksiyon nga atong makat-onan gikan niining sugilana.
Pamalandongi karong adlawa kon giunsa nimo pag-atubang ang mga kalisdanan ug mga problema sa imong kinabuhi. Dagko man kini o gagmay, giatubang ba nimo kini uban sa pagsalig, kalinaw ug paglaom nga buot ni Jesus nga maangkon nimo? Mubo ra kaayo ang kinabuhi aron pun-on kini sa kalisang. Salig sa Ginoo bisan unsa pa ang imong atubangon matag adlaw. Kon daw natulog Siya, pasagdi Siya nga magpadayon sa pagkatulog. Nasayod Siya sa Iyang gibuhat ug makasiguro ka nga dili gayod Siya motugot nga makaantos ka og labaw sa imong makaya.
Lord, whatever may come my way I trust You. I know You are always there and will never give me more than I can handle. Jesus, I do trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – First Martyrs of the Church of Rome
Mga Kapilian sa mga Basahon sa Misa
