July 28, 2020
Tuesday of the Seventeenth Week in Ordinary Time
Readings for Today
Paminaw sa Iningles
“Ingon nga ang mga sagbot tigomon ug sunogon sa kalayo, mao usab ang mahitabo sa kataposan sa kapanahonan. Ang Anak sa Tawo mopadala sa iyang mga anghel, ug ilang tigomon gikan sa iyang Gingharian ang tanan nga makapahinabo sa uban sa pagpakasala ug ang tanang tigbuhat ug daotan. Ilang itambog sila sa nagdilaab nga hudno, diin adunay paghilak ug pagkagot sa mga ngipon. Unya ang mga matarong modan-ag sama sa adlaw diha sa Gingharian sa ilang Amahan. Ang adunay mga dalunggan kinahanglan mamati.” Mateo 13:40-43
Handurawa kana nga adlaw! Handurawa kon ugma na kana nga adlaw. Kon si Jesus mobalik ugma ug mopatuman sa hingpit nga hustisya sa kalibotan, mabalaka ka pa ba sa bisan unsang inhustisya karon? Tingali dili na. Hinuon, makahimo kang mopahulay ug magmalinawon, kay nahibalo ka nga moabot na ang hustisya.
Tinuod, kana nga adlaw moabot na sa dili madugay. Mao kana ang giingon ni Jesus. Tinuod nga gisulti kana hapit 2,000 ka tuig na ang milabay, apan alang Kaniya, dili gihapon kini madugay. Alang sa Dios, ang panahon gitan-aw gikan sa panglantaw sa kahangtoran. Busa, alang sa Dios, ang kataposan sa kalibotan tinuod na karon sama sa higayon nga kini mahitabo gayod.
Maayong hinumdoman kini kon makita nato nga nagmalambo ang daotan ug nagkagrabe ang inhustisya. Sayon kaayo nga masuko ug mabalaka tungod sa inadlaw-adlaw nga mga kadaugan sa Yawa. Apan ayaw kahadlok ug ayaw kabalaka. Ang Dios tinuod gayod nga nagbuot sa tanan. Nahibalo Siya sa Iyang gibuhat, ug maangkon Niya ang kataposan ug mahimayaong kadaugan ibabaw sa tanang butang.
Busa pamalandongi kana. Inigbalik ni Jesus diha sa bug-os Niyang himaya ug inighan-ay Niya sa tanan, may gibug-aton pa kaha ang daotang atong giantos karon? Sa pagkatinuod, gikan sa panglantaw sa kahangtoran, ang daotang atong giantos angay lamang mosangpot sa atong balaang paglahutay. Mahimong gamiton kining tanan sa Dios aron ipadayag ang Iyang grasya ug kusog sa atong kinabuhi.
Pamalandongi karon ang panglantaw sa kahangtoran. Kon molahutay ka karon latas sa tanang butang, ug maningkamot ka sa pagbuhat niini uban sa pailob ug grasya, makasiguro ka nga ang tanang pakigbisog ug ang tanan nimong antoson adunay bili sa kataposan. Diha sa bag-o ug mahimayaong Gingharian sa Dios, magmalinawon ka, ug ang kalipay mopuno sa imong kinabuhi hangtod sa kahangtoran. Ang tanang sayop matul-id ug ang Dios magmadaogon. Siguroha nga aduna kay “mga dalunggan nga mamati” niining kamatuorana ug kupoti kini latas sa tanang butang.
Lord, help me to keep my eyes on You and Your final victory. Help me to patiently await Your final victory and to endure the evil of this world with the grace and strength You give me. May I never forget the final promise that You have spoken to me. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Image: The Last Judgment by Pieter Paul Rubens
Learn the Catholic Faith!
