August 7, 2020
Friday of the Eighteenth Week of Ordinary Time
Readings for Today
San Sixtus II, Papa ug Martir, ug mga Kauban, mga Martir—Opsiyonal nga Handumanan
San Cajetan, Pari—Opsiyonal nga Handumanan
Paminaw sa Iningles
“Bisan kinsa nga buot mosunod kanako kinahanglan magdumili sa iyang kaugalingon, mopas-an sa iyang krus, ug mosunod kanako.” Mateo 16:24
Adunay usa ka hinungdanon kaayong pulong niining pahayag ni Jesus. Mao kini ang pulong nga “kinahanglan.” Timan-i nga wala mag-ingon si Jesus nga ang uban kaninyo tingali kinahanglang mosunod kanako pinaagi sa pagpas-an sa inyong krus. Dili, miingon Siya nga bisan kinsa nga buot mosunod kanako kinahanglan…
Busa sayon ra unta tubagon ang unang pangutana. Buot ka bang mosunod kang Jesus? Sa atong hunahuna, sayon ra kana nga pangutana. Oo, siyempre buot kita. Apan dili kini pangutana nga matubag nato pinaagi lamang sa atong hunahuna. Kinahanglan usab kining tubagon pinaagi sa atong pagpili sa pagbuhat sa giingon ni Jesus nga gikinahanglan. Sa ato pa, ang tinguha sa pagsunod kang Jesus nagpasabot sa pagdumili sa imong kaugalingon ug pagpas-an sa imong krus. Hmm, busa buot ka ba gayong mosunod Kaniya?
Hinaot nga ang tubag mao ang “Oo.” Hinaot nga lig-on ang atong desisyon sa pagdawat sa tanan nga nalangkit sa pagsunod kang Jesus. Apan dili kana gamayng pasalig. Usahay malit-agan kita sa binuang nga paghunahuna nga mahimo kitang “medyo” mosunod Kaniya dinhi ug karon, ug nga mamaayo ra ang tanan ug sigurado gayod kitang makasulod sa Langit inigkamatay nato. Tingali tinuod kana hangtod sa usa ka sukod, apan kon mao kana ang atong panghunahuna, wala nato masabti ang tinuod nga kahulogan sa kinabuhi ug napalabay nato ang tanan nga gitagana sa Dios alang kanato.
Ang pagdumili sa imong kaugalingon ug pagpas-an sa imong krus sa pagkatinuod usa ka kinabuhi nga labaw pa ka mahimayaon kay sa bisan unsang mahunahuna nato sa atong kaugalingon lamang. Usa kini ka bulahang kinabuhi sa grasya ug mao lamang ang dalan padulong sa hingpit nga katumanan sa kinabuhi. Walay mas maayo pa kay sa hingpit nga pagsulod sa usa ka kinabuhi sa bug-os nga pagsakripisyo sa kaugalingon pinaagi sa pagkamatay sa atong kaugalingon.
Pamalandongi karon kon andam ka bang motubag og “Oo” niining pangutanaha dili lamang pinaagi sa imong hunahuna, kondili pinaagi usab sa imong tibuok kinabuhi. Andam ka bang modawat sa kinabuhi sa pagsakripisyo nga gitawag ka ni Jesus nga puy-an? Sa unsang paagi kini makita sa imong kinabuhi? Isulti ang “Oo” karon, ugma, ug matag adlaw pinaagi sa imong mga buhat, ug makita nimo ang mahimayaong mga butang nga mahitabo sa imong kinabuhi.
Lord, I do wish to follow You and I choose, today, to deny all my selfishness. I choose to carry the cross of selfless living to which I am called. May I embrace my cross with joy and be transformed by You through that choice. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos sa Adlaw –
San Sixtus II, Papa ug Martir, ug mga Kauban, mga Martir
Mga Kapilian sa mga Basahon sa Misa
Image: Christ with the Cross on his back by Titian
