Thursday, August 6, 2020
Pista sa Pagkausab sa Dagway sa Ginoo, Agosto 6
Paminaw sa Iningles
Gidala ni Jesus si Pedro, si Santiago, ug ang igsoon niini nga si Juan, ug gipasaka sila sa usa ka taas nga bukid nga sila-sila lamang. Ug nausab ang Iyang dagway sa ilang atubangan, ug ang Iyang mga bisti nahimong masulawong puti, nga walay tigpaputi sa panapton dinhi sa yuta nga makahimo sa pagpaputi niini sa ingon. Marcos 9:2-3
Nakita ba nimo ang himaya sa Diyos sa imong kinabuhi? Kasagaran, lisod gayod kini. Dali ra natong mamatikdan ang tanang problema nga atong giatubang ug didto na lang nato ipunting ang atong pagtagad. Tungod niini, kasagaran dili nato makita ang himaya sa Diyos sa atong kinabuhi. Busa, nakita ba nimo ang himaya sa Diyos sa imong kinabuhi?
Ang pista nga atong gisaulog karon maoy paghinumdom sa kamatuoran nga si Jesus tinuod gayod nga mipadayag sa Iyang himaya ngadto sa tulo sa mga Apostoles. Gidala Niya sila sa usa ka taas nga bukid ug nausab ang Iyang dagway sa ilang atubangan. Nahimo Siyang masulawong puti ug misidlak sa himaya. Importante nga magpabilin kini nga larawan sa ilang hunahuna aron maandam sila alang sa tinuod kaayong talan-awon sa pag-antos ug kamatayon nga hapit nang maagian ni Jesus.
Usa ka leksiyon nga angay natong makat-onan gikan niini nga pista mao ang kamatuoran nga ang himaya ni Jesus wala mawala didto sa Krus. Tinuod, ang Iyang pag-antos ug kasakit dayag niadtong higayona, apan wala kini mag-usab sa kamatuoran nga ang Iyang himaya nagpabiling sama ka tinuod samtang nag-antos Siya didto sa Krus.
Mao usab kini sa atong kinabuhi. Gipanalanginan kita sa dili masukod nga paagi, ug ang Diyos nagtinguha gihapon sa pagbag-o sa atong mga kalag aron mahimong mahimayaong mga sulo sa kahayag ug grasya. Kon buhaton Niya kini, kinahanglan kitang maningkamot nga kanunay kining makita. Ug kon mag-antos kita o mag-atubang og bisan unsang Krus, dili gayod nato ibalhin ang atong panan-aw gikan sa mahimayaong mga butang nga Iyang gibuhat sa atong mga kalag.
Pamalandongi karon ang matahom ug lawom nga pagbag-o nga gibuhat sa Diyos ug padayon Niyang gitinguhang buhaton sa imong kalag. Hibaloi nga gusto Niya nga ipunting nimo ang imong panan-aw niining himayaa ug magpabiling mapasalamaton niini hangtod sa hangtod, ilabina samtang nag-antos ka sa bisan unsang krus nga gihatag kanimo.
Lord, may I see Your glory and the glory that You have bestowed upon my own soul. May my eyes forever remain fixed on that grace. May I see You and Your glory especially in difficult times. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Transfiguration of the Lord
Mga Kapilian sa mga Basahon sa Misa
Image: Transfiguration by Titian
