November 26, 2020
Thursday of the Thirty-Fourth Week in Ordinary Time
(In the USA see reflection for Thanksgiving Day)
Paminaw sa Iningles
“Ug unya ilang makita ang Anak sa Tawo nga moanhi diha sa usa ka panganod uban sa gahom ug dakong himaya. Apan sa dihang magsugod na pagpakita kining mga timailhana, tindog kamo nga matul-id ug ihangad ang inyong mga ulo kay haduol na ang inyong pagtubos.” Lucas 21:27-28
Tulo na lang ka adlaw ang nahibilin niining kasamtangang tuig sa liturhiya. Sa Domingo magsugod ang Adbiyento ug ang bag-ong tuig sa liturhiya! Busa, samtang nagkaduol kita sa kataposan niining kasamtangang tuig sa liturhiya, padayon natong ipunting ang atong mga mata sa kataposan ug mahimayaong mga butang nga umaabot. Sa piho, karong adlawa gipakita kanato ang mahimayaong pagbalik ni Jesus nga “moanhi diha sa usa ka panganod uban sa gahom ug dakong himaya.” Ang labing makapainteres ug makatabang niining maong tudling sa ibabaw mao ang tawag kanato sa pagsugat sa Iyang mahimayaong pagbalik nga naghangad ang atong mga ulo, puno sa paglaom ug pagsalig.
Kini usa ka mahinungdanong hulagway nga angay pamalandongan. Sulayi paghanduraw si Jesus nga mobalik diha sa tibuok Niyang kasilaw ug himaya. Sulayi paghanduraw Siya nga moanhi sa labing makapahingangha ug halangdong paagi. Ang tibuok kalangitan mausab samtang ang mga anghel sa Langit mag-alirong sa atong Ginoo. Ang tanang gahom sa kalibotan kalit nga mailalom sa pagmando ni Jesus. Ang matag mata mapunting kang Kristo ug ang tanan, gusto man nila o dili, moyukbo atubangan sa mahimayaong presensya sa Hari sa tanang Hari!
Kini nga kamatuoran mahitabo gayod. Panahon na lamang ang gihulat. Si Jesus mobalik gayod ug ang tanan mabag-o. Mao kini ang pangutana: Andam ka ba? Makurat ka ba niining adlawa? Kon mahitabo kini karon, unsa kaha ang imong reaksiyon? Mahadlok ka ba ug kalit makaamgo nga unta naghinulsol ka sa pipila ka mga sala? Mobati ka ba dayon og mga pagmahay samtang makaamgo ka nga ulahi na kaayo aron usbon ang imong kinabuhi sumala sa gitinguha sa atong Ginoo? O maapil ka ba niadtong magtindog nga matul-id, nga naghangad ang ulo, samtang malipayon ug masaligon kang magmaya sa mahimayaong pagbalik sa atong Ginoo?
Pamalandongi karong adlawa kon unsa ka kaandam alang sa mahimayaong pagbalik ni Jesus. Gitawag kita nga mag-andam sa matag gutlo. Ang pagkaandam nagpasabot nga nagkinabuhi kita sa hingpit diha sa Iyang grasya ug kaluoy ug sumala sa Iyang hingpit nga kabubut-on. Kon mobalik Siya niining gutloa, unsa ka kaha kaandam?
Lord, may Your Kingdom come and Your will be done. Please do come, Jesus, and establish Your glorious Kingdom in my life here and now. And as Your Kingdom is established in my life, help me to be prepared for Your glorious and total return at the end of the ages. Jesus, I trust in You.
Tan-awa ang among mga kapanguhaan alang sa Adbiyento!
Dugang nga mga Pamalandong sa Ebanghelyo
Mga Pamalandong sa Diosnong Kalooy
Sa USA, tan-awa ang pamalandong alang sa Adlaw sa Pagpasalamat
Mga Kapilian sa mga Basahon sa Misa
Featured image above: The Last Judgment By Michelangelo
