January 6, 2021
Wednesday after Epiphany
Readings for Today
San André Bessette, Relihiyoso—Opsiyonal nga Paghandom sa USA
Paminaw sa Iningles
“Pagmaisogon kamo, Ako kini, ayaw kamo kahadlok!” Marcos 6:50
Ang kahadlok usa sa labing makapaluya ug masakit nga mga kasinatian sa kinabuhi. Daghan ang mga butang nga atong mahimong kahadlokan, apan kasagaran, ang hinungdan sa atong kahadlok mao ang daotan nga naningkamot sa pagpahilayo kanato gikan sa pagtuo ug paglaom kang Cristo Jesus.
Kining mga pulonga sa ibabaw gikuha gikan sa sugilanon bahin kang Jesus nga naglakaw ibabaw sa tubig padulong sa mga Apostoles sa ikaupat nga yugto sa pagbantay sa kagabhion, samtang sila nagbugsay batok sa hangin ug gitabyog sa mga balod. Sa ilang pagkakita kang Jesus nga naglakaw ibabaw sa tubig, nangalisang sila. Apan sa dihang si Jesus misulti kanila ug misakay sa sakayan, diha-diha mihunong ang hangin, ug ang mga Apostoles nagpabiling “hilabihan gayod nga nahibulong.”
Ang sakayan sa unosong dagat tradisyonal nga gisabot nga naglarawan sa atong panaw niining kinabuhia. Dili maihap ang mga paagi nga ang daotan, ang unod ug ang kalibotan nakigbatok kanato. Niining sugilanona, nakita ni Jesus gikan sa baybayon ang ilang kalisod ug milakaw Siya padulong kanila aron sa pagtabang kanila. Ang Iyang maloloy-ong Kasingkasing maoy nagtukmod Kaniya sa paglakaw padulong kanila.
Kasagaran, sa mga higayon nga kita mahadlok sa kinabuhi, dili na nato makita si Jesus. Matutok kita sa atong kaugalingon ug sa hinungdan sa atong kahadlok. Apan ang atong tumong kinahanglan mao ang pagtalikod sa hinungdan sa kahadlok sa kinabuhi ug pagpangita kang Jesus, nga kanunayng maloloy-on ug kanunayng naglakaw padulong kanato taliwala sa atong kahadlok ug pakigbisog.
Pamalandongi karon kon unsa ang labing nakapahadlok ug nakapabalaka kanimo sa kinabuhi. Unsa ang hinungdan sa kalibog ug pakigbisog sa imong sulod? Sa higayon nga mailhan nimo ang tinubdan niini, iliso ang imong panan-aw gikan niini ngadto sa atong Ginoo. Tan-awa Siya nga naglakaw padulong kanimo taliwala sa bisan unsang imong ginaatubang nga kalisod, nga nag-ingon kanimo, “Pagmaisogon, Ako kini, ayaw kahadlok!”
Lord, once again I turn to Your most compassionate Heart. Help me to lift my eyes toward You and to turn away from the sources of my anxiety and fear in life. Fill me with faith and hope in You and give me the courage I need to put all my trust in You. Jesus, I trust in You.
Tan-awa ang among mga kapanguhaan alang sa Pasko!
Mga Pamalandong sa Balaang Kasulatan
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – San André Bessette, Relihiyoso
Mga Kapilian sa mga Basahon sa Misa
Featured image above: Walking on Water Ivan Aivazovsky
Uban kanamo sa usa ka panaw sulod sa 365 ka adlaw uban sa Diosnong Kalooy!
Ang Daily Reflections on Divine Mercy: 365 Days with Saint Faustina nagsugod niadtong Enero 1 sa Pamalandong 1. Samtang nangandam kita alang niining bag-ong tuig, gidapit ka namo sa pag-uban kanamo sa tibuok umaabot nga tuig aron mamalandong matag adlaw sa madagayaong Kalooy sa Diyos. Gidapit usab ka namo sa pagdapit sa imong pamilya ug mga higala sa pag-uban kanato niining panaw! Dapita sila sa pag-uban kanato pinaagi sa:
- Pagpalista aron makadawat og inadlaw nga mga email bahin sa Diosnong Kalooy
- Pag-install sa among Catholic Daily Reflections nga app
- Pagbisita matag adlaw sa among website
- Pagpalit sa Daily Reflections on Divine Mercy sa paperback o eBook nga porma
Ipaambit ang madagayaong kalooy sa Dios ngadto sa inyong pamilya ug mga higala niining bag-ong tuig!
