January 20, 2021
Wednesday of the Second Week in Ordinary Time
Readings for Today
San Fabian, Santo Papa ug Martir—Opsyonal nga Paghandum
San Sebastian, Martir—Opsyonal nga Paghandum
Paminaw sa Iningles
Unya miingon Siya sa mga Pariseo, “Uyon ba sa Balaod ang pagbuhat ug maayo sa Adlawng Igpapahulay inay ang pagbuhat ug daotan, ang pagluwas sa kinabuhi inay ang paglaglag niini?” Apan nagpabilin silang hilom. Milingi si Jesus sa pagtan-aw kanila uban sa kasuko ug kasubo tungod sa katig-a sa ilang mga kasingkasing, ug miingon Siya sa tawo, “Ituy-od ang imong kamot.” Gituy-od niya kini ug naayo ang iyang kamot. Marcos 3:4–5
Ang sala makadaot sa atong relasyon sa Diyos. Apan ang katig-a sa kasingkasing labaw pang makadaot kay kini nagpadayon sa kadaot nga gipahinabo sa sala. Ug kon mas gahi ang kasingkasing sa usa ka tawo, mas molungtad ang kadaot.
Sa teksto sa ibabaw, nasuko si Jesus sa mga Pariseo. Kasagaran, ang pagbati sa kasuko makasasala, kay naggikan kini sa pagkadili mapailubon ug kakulang sa gugma. Apan sa ubang higayon, ang pagbati sa kasuko mahimong maayo kon kini gipalihok sa gugma alang sa uban ug pagdumot sa ilang sala. Dinhi, nasubo si Jesus tungod sa katig-a sa kasingkasing sa mga Pariseo, ug kana nga kasubo maoy nagpalihok sa Iyang balaang kasuko. Ang Iyang “balaan” nga kasuko wala mosangpot sa dili makataronganong pagsaway; hinuon, kini nagtukmod kang Jesus sa pag-ayo niining tawhana atubangan sa mga Pariseo aron mohumok ang ilang mga kasingkasing ug motuo sila kang Jesus. Makapasubo nga wala kini molampos. Ang sunod gayong linya sa Ebanghelyo nag-ingon, “Migawas ang mga Pariseo ug dihadiha nakigsabot sa mga Herodiano batok Kaniya aron Siya patyon” (Marcos 3:6).
Kinahanglang likayan pag-ayo ang katig-a sa kasingkasing. Ang suliran mao nga kadtong mga gahi og kasingkasing kasagaran dili andam modawat sa kamatuoran nga gahi ang ilang kasingkasing. Sila masukihon ug gahi og ulo, ug kasagaran nagtuo nga sila ra ang matarong. Busa, kon ang mga tawo nag-antos niining espirituhanong sakit, lisod alang kanila ang pagbag-o, ilabina kon badlongon sila.
Kining teksto sa Ebanghelyo naghatag kanimo og mahinungdanong higayon sa matinud-anong pagsusi sa imong kaugalingong kasingkasing. Ikaw ug ang Diyos lamang ang kinahanglang maapil nianang sulodnong pagsusi sa kaugalingon ug panag-istorya. Sugdi pinaagi sa pagpamalandong sa mga Pariseo ug sa dili maayong panig-ingnan nga ilang gipakita. Gikan niana, sulayi pagsusi ang imong kaugalingon uban sa dakong pagkamatinud-anon. Masukihon ka ba? Gahi ka ba kaayo sa imong mga pagtuo nga dili ka na gani andam mokonsiderar nga usahay mahimo kang masayop? Aduna bay mga tawo sa imong kinabuhi nga imong nakaaway ug hangtod karon wala pa kamo magkauli? Kon adunay tinuod niini alang kanimo, nan tingali nag-antos ka gayod sa espirituhanong sakit sa usa ka gahi nga kasingkasing.
Pamalandongi karon ang imong kaugalingong kalag ug ang imong mga relasyon sa uban sa labing matinud-anong paagi kutob sa imong mahimo. Ayaw pagpanuko sa pagwagtang sa imong pagdepensa sa kaugalingon ug sa pag-abli sa imong kaugalingon sa bisan unsang buot isulti sa Diyos kanimo. Ug kon makamatikod ka bisan sa labing gamay nga kahilig ngadto sa katig-a ug pagkamasukihon sa kasingkasing, pangamuyo sa atong Ginoo nga mosulod aron pahumokon kini. Lisod ang ingon niini nga pagbag-o, apan dili masukod ang mga ganti niini. Ayaw pagpanuko ug ayaw paglangan. Sa kataposan, takos gayod ang pagbag-o sa tanang paningkamot.
My loving Lord, this day I open myself to an examination of my own heart and pray that You will help me to always be open to change when necessary. Help me, especially, to see any hardness I may have within my heart. Help me to overcome any obstinacy, stubbornness and self-righteousness. Give me the gift of humility, dear Lord, so that my heart can become more like Yours. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saints of the Day –
Saint Fabian, Pope and Martyr
Also
Saint Sebastian, Martyr
Mga Kapilian sa mga Basahon sa Misa
Featured image above: Jesus Heals the Man with a Withered Hand
