January 22, 2021
Friday of the Second Week in Ordinary Time
Readings for Today
Adlaw sa Pag-ampo alang sa Legal nga Pagpanalipod sa mga Batang Wala Pa Matawo—Paghandum sa USA
San Vicente, Diyakono ug Martir—Opsyonal nga Handumanan
(Gisaulog sa Enero 23 sa USA)
Paminaw sa Iningles
Nagtudlo Siya og Napulog Duha, nga Iya usab ginganlag mga Apostoles, aron sila makauban Niya ug aron Iya silang ipadala sa pagsangyaw ug hatagan og gahom sa paghingilin sa mga demonyo. Marcos 3:14–15
Ang Napulog Duha ka Apostoles unang gitawag ni Jesus ug dayon gipadala aron magsangyaw uban sa awtoridad. Ang awtoridad nga gihatag kanila gituyo alang sa paghingilin sa mga demonyo. Apan giunsa man nila kini pagbuhat? Makapainteres nga matikdan nga ang awtoridad nga gihatag kanila batok sa mga demonyo adunay kalabotan, sa usa ka bahin, sa ilang sugo sa pagsangyaw. Ug bisan tuod adunay pipila ka mga hitabo nga nahisulat sa Kasulatan diin ang mga Apostoles direktang naghingilin sa mga demonyo pinaagi sa pagsugo, angay usab sabton nga ang pagsangyaw sa Ebanghelyo uban sa awtoridad ni Kristo adunay direktang epekto sa paghingilin sa mga demonyo.
Ang mga demonyo mao ang mga anghel nga nangahulog sa sala. Apan bisan niining ilang kahimtang, nagpabilin kanila ang ilang kinaiyanhong mga gahom, sama sa gahom sa pag-impluwensiya ug pagsilsil og mga hunahuna. Naningkamot silang makigkomunikar kanato aron limbongan kita ug ipahilayo kang Kristo. Siyempre, ang maayong mga anghel naggamit usab niining samang kinaiyanhong gahom alang sa atong kaayohan. Pananglitan, ang atong mga anghel nga magbalantay kanunayng naningkamot sa pagpahibalo kanato sa mga kamatuoran sa Dios ug sa Iyang grasya. Tinuod ang panagsangka tali sa maayo ug dautang mga anghel, ug isip mga Kristohanon kinahanglan kitang mahibalo niining kamatuorana.
Usa sa labing maayong mga paagi sa pag-atubang kang satanas ug sa iyang mga demonyo mao ang pagpaminaw sa Kamatuoran ug pagsangyaw niini uban sa awtoridad ni Kristo. Bisan tuod ang mga Apostoles gihatagan og pinasahing awtoridad alang sa ilang pagsangyaw, ang matag Kristohanon, pinaagi sa iyang Bunyag ug Kumpirma, gitugyanan sa mensahe sa Ebanghelyo aron isangyaw sa nagkalainlaing mga paagi. Ug uban nianang awtoridara, kinahanglan kitang kanunayng maningkamot sa pagpatunhay sa Gingharian sa Dios. Ang pagbuhat niini adunay direktang epekto sa pagkunhod sa gingharian ni satanas.
Pamalandongi karong adlawa ang imong katungdanan sa pagpaambit sa Ebanghelyo ngadto sa uban. Usahay mahimo kini pinaagi sa dayag nga pagpaambit sa mensahe ni Jesu-Kristo, ug sa ubang mga higayon mas mapaambit ang mensahe pinaagi sa atong mga buhat ug hiyas. Apan ang matag Kristohanon gitugyanan niining misyon ug kinahanglan makakat-on sa pagtuman niini uban sa tinuod nga awtoridad, nga nasayod nga sa paggamit nianang awtoridara gikan kang Kristo, molapad ang Gingharian sa Dios ug mabuntog ang kalihokan sa dautan.
My all-powerful Lord, I thank You for the grace You have given me to proclaim the truth of Your saving message to those whom I encounter every day. Help me to fulfill my mission to preach in both word and deed and to do so with the gentle yet powerful authority given me by You. I offer myself to Your service, dear Lord. Do with me as You will. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos sa Adlaw –
Adlaw sa Pag-ampo alang sa Legal nga Pagpanalipod sa mga Batang Wala Pa Matawo—Paghandum sa USA
San Vicente, Diyakono ug Martir
(Gisaulog sa Enero 23 sa USA)
Mga Kapilian sa mga Basahon sa Misa
Featured image above: Calling of the First Apostles By Domenico Ghirlandaio
