January 23, 2021
Saturday of the Second Week in Ordinary Time
Readings for Today
Saint Vincent, Deacon and Martyr—Optional Memorial
(Celebrated January 23 in the USA)
Santa Marianne Cope, Birhen—Opsiyonal nga Handumanan sa USA
Paminaw sa Iningles
Misulod si Jesus sa balay uban sa Iyang mga tinun-an. Nagtigom na usab ang panon sa katawhan, busa wala na gani sila makahigayon sa pagkaon. Sa pagkadungog niini sa Iyang mga paryente, nanglakaw sila aron kuhaon Siya, kay miingon sila, “Nabuang Siya.” Marcos 3:20-21
Kon imong palandongon ang mga pag-antos ni Jesus, lagmit ang unang mosantop sa imong hunahuna mao ang paglansang Kaniya sa krus. Dayon, tingali mahunahuna nimo ang paglatos Kaniya samtang gigapos sa haligi, ang pagpas-an sa Krus ug ang ubang mga hitabo sukad sa pagdakop Kaniya hangtod sa Iyang kamatayon. Apan, daghan pang ubang tawhanong pag-antos ang giantos sa atong Ginoo alang sa atong kaayohan ug sa kaayohan sa tanan. Ang tudling sa Ebanghelyo sa ibabaw nagpakita kanato sa usa sa maong mga kasinatian.
Bisan tuod dili gayod nato gusto ang pisikal nga kasakit, adunay ubang mga pag-antos nga sama ra kalisod antoson, o mas lisod pa gani. Usa niini mao ang dili ka masabtan ug trataron sa imong kaugalingong pamilya nga morag nabuang ka. Sa kahimtang ni Jesus, daw daghan sa Iyang mga kabanay, gawas siyempre sa Iyang kaugalingong inahan, ang dayag kaayong nagsaway Kaniya. Tingali nasina sila Kaniya ug may gibating kasina, o tingali naulaw sila tungod sa dakong pagtagad sa mga tawo Kaniya. Bisan unsa pa ang hinungdan, klaro nga ang kaugalingong mga paryente ni Jesus misulay sa pagpugong Kaniya sa pag-alagad sa mga tawo nga nangandoy pag-ayo nga makauban Siya. Ang pipila sa Iyang mga kabanay mihimo og istorya nga si Jesus “nabuang na” ug naninguha sa paghunong sa Iyang pagkabantogan.
Ang kinabuhi sa pamilya angay unta nga mahimong usa ka katilingban sa gugma, apan alang sa uban nahimo kini nga tinubdan sa kasubo ug kasakit. Nganong gitugotan man ni Jesus nga maantos Niya kining matang sa pag-antos? Usa sa mga hinungdan mao aron makasabot Siya sa bisan unsa ug sa tanang pag-antos nga imong masinati tungod sa imong kaugalingong pamilya. Dugang pa, pinaagi sa Iyang pag-antus niini, gitubos usab Niya kining matang sa pag-antos, aron ang kasakit nga imong nasinati sa pamilya makaambit nianang pagtubos ug grasya. Busa, kon modangop ka sa Diyos pinaagi sa pag-ampo dala ang imong mga kalisdanan sa pamilya, mahupay ka sa pagkahibalo nga ang Ikaduhang Persona sa Labing Balaang Trinidad, si Jesus, ang Walay Kataposang Anak sa Diyos, nakasabot sa imong pag-antos gikan sa Iyang kaugalingong kasinatian isip tawo. Nahibalo Siya sa kasakit nga gibati sa daghang mga sakop sa pamilya kay nasinati Niya kini mismo. Ug mahimo Niyang tan-awon ang matag pag-antos sa pamilya uban sa labing dakong kalooy aron mahatagan ang matag tawo nga mangayo sa grasya nga ilang gikinahanglan, dili lamang aron makaantos nianang pag-antos kondili aron magamit usab kini alang sa kaayohan ug sa himaya sa Diyos.
Pamalandongi karon kon unsang kasakit sulod sa imong kaugalingong pamilya ang kinahanglan nimong itugyan ngadto sa Diyos. Dangop sa atong Ginoo nga hingpit nga nakasabot sa imong mga kalisdanan ug dapita ang Iyang gamhanan ug maluloy-ong presensya sa imong kinabuhi aron mabag-o Niya ang tanan nimong giantos ngadto sa Iyang grasya ug kalooy.
My compassionate Lord, You endured much in this world, including the rejection and ridicule of those in Your own family. I offer to You my own family and especially the hurt that has been present. Please come and redeem all family struggles and bring healing and hope to me and to all those who need it the most. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saints of the Day – Saint Vincent, Deacon and Martyr
(Celebrated January 23 in the USA)
Mga Kapilian sa mga Basahon sa Misa
Featured image above: In the Villages the Sick Were Presented to Him By James Tissot
_-_James_Tissot.jpg){kind=link}