The Glory of God

May 18, 2021
Tuesday of the Seventh Week of Easter
Readings for Today

San Juan I, Papa ug Martir—Opsiyonal nga Handumanan

Paminaw sa Iningles

I glorified you on earth by accomplishing the work that you gave me to do. Now glorify me, Father, with you, with the glory that I had with you before the world began. John 17:4–5

Gipasukad ni San Ignacio de Loyola ang iyang talagsaong obra sa espirituhanong kinabuhi, Ang Espirituhanong mga Ehersisyo, sa usa ka sukaranang kamatuoran: Ang tawo gibuhat aron sa pagdayeg, pagtahod, ug pag-alagad sa Dios nga atong Ginoo, ug pinaagi niini maluwas ang iyang kalag. Mao kini ang diwa sa gitawag ni Ignacio nga “Prinsipyo ug Pundasyon” sa atong kinabuhi. Sa laing pagkasulti, duha ka bahin ang atong tumong sa kinabuhi: Una, kinahanglan natong paningkamotan nga mahatag sa Dios ang labing dakong himaya nga mahimo pinaagi sa atong kinabuhi. Ug ikaduha, ang bunga niining bug-os nga pagtutok mao ang kaluwasan sa atong mga kalag.

Sa tudling sa Ebanghelyo nga gikutlo sa ibabaw, gisulti ni Jesus nga hingpit Niyang natuman ang Iyang tawhanong kinabuhi dinhi sa yuta pinaagi sa paghimaya sa Amahan sa Langit. Gihimo Niya kini pinaagi sa pagtuman sa buluhaton nga gihatag Kaniya sa Amahan.

Kon nangita ka og katuyoan sa imong kinabuhi o naningkamot sa pagsabot sa kahulogan niini, dili ka na kinahanglan mangita pa sa lain. Ang mga pulong ni Jesus sa ibabaw nagtanyag sa hingpit nga “prinsipyo ug pundasyon” alang sa imong kinabuhi. Kining mensahe sa atong Ginoo mahimong bahinon ngadto sa tulo ka leksiyon.

Una, ang Amahan tinuod gayod nga adunay plano alang sa imong kinabuhi. Naningkamot ka ba sa pag-ila nianang planoha? Ang pagkahibalo nga adunay diosnong plano alang sa imong kinabuhi mao ang unang lakang sa pagtuman niini. Kon wala ka mahibalo sa plano sa Dios, maglisod ka sa pagtuman niini. Busa, naningkamot ka ba sa pag-ila niining planoha matag adlaw?

Ikaduha, kon mailhan na nimo ang gusto sa Dios alang kanimo sa imong adlaw-adlaw nga kinabuhi, kinahanglan nimong tumanon ang Iyang kabubut-on. Usahay mahulog kita sa lit-ag sa pagpaningkamot nga tumanon lamang ang usa ka bahin sa gusto sa Dios alang kanato. Ang problema niining paagiha mao nga basin sa pagkatinuod matuman nato ang “usa ka bahin” sa kabubut-on sa Dios. Apan dili kana igo. Kinahanglan natong tinguhaon ang pagkahingpit. Kinahanglan kitang maningkamot sa bug-os nga pagtuman sa kabubut-on sa Dios sa atong kinabuhi.

Ikatulo, kon tinuod natong matuman matag adlaw ang kabubut-on sa Dios alang sa atong kinabuhi, dili lamang mahimaya sa atong kinabuhi ang Dios sa tanang paagi nga mahimo, kondili panalanginan usab kita nga makaambit sa himaya sa Dios. Ang pag-ambit sa himaya sa Dios mao ang pag-ambit sa kinabuhi mismo sa Dios. Nagpasabot kini nga ang Dios mabuhi dinhi kanato ug kita makaambit sa mga kalipay sa Langit. Ug magsugod kini dinhi sa yuta. Nganong makontento man kita sa kalibotanong mga “kalipay” ug kalingawan samtang gitawag kita sa pag-ambit sa mga kalipay nga labaw pa sa tanan natong mahanduraw dinhi sa kalibotan?

Pamalandongi karon ang hingpit nga pagtuman ni Jesus sa kabubut-on sa Amahan diha sa Iyang tawhanong kinaiya. Bisan tuod ang atong Ginoo Dios, Siya usab hingpit nga tawo. Busa, hingpit Niyang nasabtan ang imong tawhanong mga pakigbisog ug mga kahuyang. Nahibalo Siya sa imong giagian, ug ang Iyang pagkatawo mao ang sumbanan nga imong sundon sa kinabuhi. Pamalandongi ang Iyang tawhanong kinabuhi ug kon giunsa Niya pagkinabuhi nga nahiusa sa kabubut-on sa Iyang Amahan adlaw-adlaw. Itugyan ang imong kaugalingon niining dili matarog nga misyon sa bug-os nga pagtuman sa kabubut-on sa Amahan sa imong kinabuhi, ug ikaw usab makaambit sa himaya sa atong Ginoo.

My glorified Lord, You now share in the full joy and glory of Your Father in Heaven with Your human nature. By doing so, You invite me to not only imitate Your life on earth but to also share in that same glory in Heaven. Give me the grace I need, dear Lord, to accomplish all to which the Father calls me to do. May my life fully imitate You in every way so that I may also share, one day, in Your glory. Jesus, I trust in You.