Friday, June 11, 2021
Solemnidad sa Labing Balaang Kasingkasing ni Jesus
Biyernes human sa ikaduhang Domingo human sa Pentekostes
Paminaw sa Iningles
Apan sa pag-abot nila kang Jesus ug pagkakita nga patay na Siya, wala nila balia ang Iyang mga bitiis. Hinuon, gidunggab sa usa ka sundalo ang Iyang kilid sa bangkaw, ug dihadiha miagas ang dugo ug tubig. Juan 19:33–34
Ang Ebanghelyo ni Juan puno sa mga hulagway ug simbolismo nga adunay lawom nga espirituwal nga kahulogan. Tin-aw nga kining mga hulagway ug simbolismo gidasig sa Dios aron maghatag kanato og espirituwal nga pagkaon alang sa pagpamalandong ug pagmeditasyon. Usa niining mga hulagway gihatag kanato karon samtang nagsaulog kita sa Solemnidad sa Balaang Kasingkasing ni Jesus.
Samtang nagbitay si Jesus ug ang duha ka kriminal sa tagsa-tagsa Nilang mga krus, nga ang mga kriminal anaa sa isigkakilid Niya, nangabot ang mga sundalo aron pagdali sa ilang kamatayon pinaagi sa pagbali sa ilang mga bitiis aron mas dali silang dili makaginhawa. Apan sa pag-abot nila kang Jesus, patay na Siya. Busa usa sa mga sundalo, nga nailhan sa tradisyon nga si Longinus, midunggab sa kilid ni Jesus sa iyang bangkaw, ug miagas ang dugo ug tubig. Giila sa pipila ka tradisyon si Longinus nga mao ang senturyon nga misinggit human sa kamatayon ni Jesus, “Sa pagkatinuod, kini mao ang Anak sa Dios!” (Tan-awa ang Mateo 27:54.) Ang ubang tradisyon nag-ingon nga nakabig siya niadtong higayona, busa siya ang unang nakabig sa Kristiyanismo. Ug ang uban pang tradisyon nag-ingon nga dili kaayo makakita si Longinus, ug ang dugo ug tubig gikan sa kilid ni Jesus miagas ngadto sa iyang mga mata ug miayo kaniya. Tinuod man o dili kining mga tradisyon, nahibalo kita nga gidunggab ang kilid ni Jesus ug miagas ang dugo ug tubig.
Ang simbolismo niining buhata labaw pa kay sa usa lamang ka tawhanong simbolo. Kini usa ka instrumento sa lawom nga espirituwal nga kamatuoran nga nahitabo niadtong higayona. Sa pagdunggab sa Balaang Kasingkasing ni Jesus, ang dugo ug tubig nga miagas mao ang bag-ong sakramental nga kinabuhi sa Simbahan. Ang Dugo mao ang Labing Balaang Eukaristiya ug ang Tubig mao ang gasa sa Bunyag. Ug sa dihang si Jesus sa sayo pa “miginhawa sa kataposan” ug “mitugyan sa Iyang Espiritu,” gihatag ang Sakramento sa Kumpirma.
Kon magsaulog kita niining mga Sakramento karon, dali ra natong makita kini isip mga simbolo lamang sa atong giambitan. Apan sa atong Kristohanong Tradisyon, ang mga Sakramento labaw pa kaayo niana. Ang simbolo mao usab ang kamatuoran mismo. Kini mao ang instrumento sa butang nga gisimbolohan niini. Busa, matag higayon nga makasaksi kita og Bunyag o moambit sa Balaang Eukaristiya, anaa kita sa misteryosong paagi uban kang Longinus, nga nagdawat sa grasya ug kalooy sa atong katubsanan, nga nag-agas gikan sa nasamdan nga kilid ni Jesus, aron ayohon kita ug himoong hingpit.
Sa pisikal nga pagkasulti, ang kasingkasing sa tawo usa ka organo sa lawas nga nagbomba sa dugo ngadto sa tibuok lawas. Apan sa espirituwal nga panglantaw, sanglit kita adunay lawas ug kalag, ang kasingkasing sa tawo mao usab ang tinubdan sa atong kinabuhi. Kon wala kini, mamatay kita sa pisikal ug espirituwal nga paagi. Mao usab kini ang Balaang Kasingkasing ni Jesus. Dili lamang kini usa ka pisikal nga kasingkasing nga gidunggab sa bangkaw kaniadto. Karon, kini mao usab ang tinubdan sa atong padayong espirituwal nga kinabuhi, ug, kon wala ang Balaang Kasingkasing ni Jesus nga puno sa Kalooy, mamatay kita diha sa atong mga sala.
Pamalandongi karon ang Labing Balaang Kasingkasing ni Jesus. Tan-awa ang Iyang Kasingkasing isip padayon nga tinubdan sa imong bag-ong kinabuhi diha sa grasya. Sabta nga ang Iyang Kasingkasing labaw pa sa usa ka simbolo sa Iyang grasya ug kalooy; kini mao ang espirituhanong tinubdan ug tuboran nianang kalooy. Niining adlawa, ibutang ang imong kaugalingon sa atubangan sa Iyang Krus diha sa pag-ampo, ug tugoti nga ang dugo ug tubig nga nagaagay gikan sa samad sa Iyang kilid motabon kanimo aron ikaw usab motuo.
Most Sacred Heart of Jesus, You poured out upon the world the love and mercy of Your transforming grace through the instrument of the blood and water pouring forth from Your wounded side. Help me to gaze upon this font of mercy and to be covered with it through the gift of the Sacraments. May I always be open to all that You wish to bestow upon me by these precious and transforming instruments of Your love. Sacred Heart of Jesus, have mercy on us. Jesus, I trust in You.
Katolikong mga Pamalandong Matag Adlaw
Ordinaryong Panahon: Mayo 24–Agosto 31
Anaa sa eBook & paperback gikan sa mosunod nga mga tigbaligya:
Amazon Paperback – Kindle – Google Play Books – iBooks – Barnes & Noble
Novena to the Sacred Heart
Novena dates: June 2-10, 2021
June 11, 2021: Solemnity of the Sacred Heart
Litanya sa Balaang Kasingkasing
Pag-ampo sa Balaang Kasingkasing
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Pamalandong sa Balaang Kasulatan alang sa Panahon sulod sa Tuig
Mga Santos/Kasaulogan Karong Adlawa
Saint of the Day – Saint Barnabas the Apostle
Not celebrated as a liturgical memorial this year since it falls on Solemnity of the Most Sacred Heart of Jesus
Mga Kapilian sa mga Basahon sa Misa
Dugang nga Basahon – Balaang Kasingkasing ni Jesus
Mga hulagway nga gipakita sa ibabaw: Flickr
