Friday, June 11, 2021
Dakilang Kapistahan ng Kabanal-banalang Puso ni Hesus
Biyernes kasunod ng ikalawang Linggo matapos ang Pentekostes
Ngunit nang lumapit sila kay Hesus at makitang patay na Siya, hindi na nila binali ang Kanyang mga binti. Sa halip, itinarak ng isang kawal ang kanyang sibat sa tagiliran Niya, at kaagad na dumaloy ang dugo at tubig. John 19:33–34
Ang Ebanghelyo ni Juan ay puno ng mga larawan at sagisag na may malalim na kahulugang espirituwal. Malinaw na ang mga larawan at sagisag na ito ay kinasihan ng Diyos upang bigyan tayo ng espirituwal na pagkaing mapagninilayan at mamumuni-muni. Isa sa mga larawang ito ang inihahain sa atin ngayon habang ipinagdiriwang natin ang Dakilang Kapistahan ng Mahal na Puso ni Hesus.
Habang nakabayubay sa kani-kanilang krus si Hesus at ang dalawang salaring nasa magkabilang panig Niya, lumapit ang mga kawal upang madaliin ang kanilang kamatayan sa pamamagitan ng pagbali sa kanilang mga binti upang mas mabilis silang mawalan ng hininga. Ngunit nang lumapit sila kay Hesus, patay na Siya. Kaya itinarak ng isa sa mga kawal, na ayon sa tradisyon ay kilala bilang Longino, ang kanyang sibat sa tagiliran ni Hesus, at dumaloy ang dugo at tubig. Ayon sa ilang tradisyon, si Longino ang senturyong sumigaw pagkamatay ni Hesus, “Tunay nga, ito ang Anak ng Diyos!” (Tingnan ang Matthew 27:54.) Sinasabi naman ng ibang mga tradisyon na nagbalik-loob siya sa sandaling iyon, kaya siya ang unang yumakap sa Kristiyanismo. At may iba pang mga tradisyong nagsasabing malabo ang paningin ni Longino, at ang dugo at tubig mula sa tagiliran ni Hesus ay tumulo sa kanyang mga mata at nagpagaling sa kanya. Totoo man o hindi ang mga tradisyong ito, alam nating tinusok ang tagiliran ni Hesus at dumaloy ang dugo at tubig.
Ang simbolismo ng gawang ito ay higit pa sa isang sagisag lamang na likha ng tao. Naging kasangkapan ito ng malalim na espirituwal na katotohanang nagaganap sa sandaling iyon. Nang tinusok ang Mahal na Puso ni Hesus, ang dugo at tubig na umagos ay ang bagong buhay-sakramental ng Simbahan. Ang Dugo ay ang Kabanal-banalang Eukaristiya at ang Tubig ay ang kaloob ng Binyag. At nang si Hesus ay naunang “nalagutan ng hininga” at “ipinagkaloob ang Kanyang Espiritu,” ipinagkaloob ang Sakramento ng Kumpil.
Kapag ipinagdiriwang natin ngayon ang mga Sakramentong iyon, madali nating ituring ang mga ito bilang mga sagisag lamang ng ating tinatanggap. Ngunit sa ating Tradisyong Kristiyano, higit pa rito ang mga Sakramento. Ang sagisag ay siya ring mismong katotohanan. Ito ang kasangkapan ng katotohanang sinasagisag nito. Kaya sa tuwing nasasaksihan natin ang isang Binyag o nakikibahagi tayo sa Banal na Eukaristiya, sa paraang mistiko ay naroroon tayong kasama ni Longino, tinatanggap ang biyaya at awa ng ating katubusan na umaagos mula sa sugatang tagiliran ni Hesus, upang pagalingin tayo at ibalik ang ating kabuuan.
Sa pisikal na pananaw, ang puso ng tao ay isang sangkap ng katawan na nagbobomba ng dugo sa buong katawan. Ngunit sa espirituwal na pananaw, yamang tayo ay kapwa katawan at kaluluwa, ang puso ng tao ay bukal din ng ating buhay. Kung wala ito, namamatay tayo sa pisikal at espirituwal na paraan. Gayundin ang Mahal na Puso ni Hesus. Hindi lamang ito isang pisikal na pusong pisikal na tinusok ng sibat noong unang panahon. Ito rin ngayon ang bukal ng ating patuloy na buhay espirituwal, at kung wala ang Mahal na Puso ni Hesus na puspos ng awa, mamamatay tayo sa ating mga kasalanan.
Pagnilayan mo ngayon ang Kabanal-banalang Puso ni Hesus. Masdan ang Kanyang Puso bilang patuloy na bukal ng iyong bagong buhay sa biyaya. Unawain na ang Kanyang Puso ay higit pa sa isang sagisag ng Kanyang biyaya at awa; ito ang espirituwal na pinagmumulan at bukal ng awang iyon. Sa araw na ito, manalangin sa harap ng Kanyang Krus at hayaang balutin ka ng dugo at tubig na dumadaloy mula sa Kanyang tagilirang nasugatan, upang ikaw rin ay sumampalataya.
Most Sacred Heart of Jesus, You poured out upon the world the love and mercy of Your transforming grace through the instrument of the blood and water pouring forth from Your wounded side. Help me to gaze upon this font of mercy and to be covered with it through the gift of the Sacraments. May I always be open to all that You wish to bestow upon me by these precious and transforming instruments of Your love. Sacred Heart of Jesus, have mercy on us. Jesus, I trust in You.
Mga Pang-araw-araw na Pagninilay na Katoliko
Karaniwang Panahon: Mayo 24–Agosto 31
Makukuha sa eBook & paperback mula sa mga sumusunod na tindahan:
Amazon Paperback – Kindle – Google Play Books – iBooks – Barnes & Noble
Novena to the Sacred Heart
Novena dates: June 2-10, 2021
June 11, 2021: Solemnity of the Sacred Heart
Litanya sa Kamahal-mahalang Puso ni Hesus
Panalangin sa Kamahal-mahalang Puso ni Hesus
Higit pang mga Pagninilay sa Ebanghelyo
Mga Pagninilay sa Inaawit na Awa ng Diyos
Mga Meditasyon sa Banal na Kasulatan para sa Karaniwang Panahon
Saint of the Day – Saint Barnabas the Apostle
Not celebrated as a liturgical memorial this year since it falls on Solemnity of the Most Sacred Heart of Jesus
Mga Pagpipilian sa mga Pagbasa sa Misa
Karagdagang Babasahin – Mahal na Puso ni Hesus
Mga tampok na larawan sa itaas: Flickr
