Disyembre 7, 2021
Martes sa Ikaduhang Semana sa Adbiyento
Mga Pagbasa Karong Adlawa
San Ambrosio, Obispo ug Magtutudlo sa Simbahan—Paghandum
Paminaw sa Iningles
“Sa samang paagi, dili kabubut-on sa inyong Amahan sa langit nga mawala ang bisan usa niining mga gagmay.” Mateo 18:14
Gisulti kini ni Jesus human Niya isaysay ang sambingay mahitungod sa usa ka karnerong nawala. Gibiyaan sa magbalantay ang kasiyaman ug siyam ug makugihon niyang gipangita kadtong usa ka gamayng karnero. Nagpadayon ang sambingay sa pag-ingon nga, “Kon makaplagan niya kini, amen, sultihan Ko kamo, mas dako ang iyang kalipay tungod niini kay sa kasiyaman ug siyam nga wala mahisalaag” (Mateo 18:13).
Kitang tanan “usa niining mga gagmay.” Sa sinugdan, daw dili makiangayon nga mas dako ang kalipay sa magbalantay tungod sa usa ka karnerong nawala kay sa kasiyaman ug siyam. Apan kon masabtan nato nga ang matag usa kanato mao kadtong usa ka karnerong nawala, masabtan nato kini.
Samtang atong gipamalandongan kining sambingay, mahinungdanon nga atong hunahunaon ang dakong tinguha sa magbalantay nga makaplagan kita. Kinahanglan natong tan-awon ang iyang kabalaka alang kanato, ang iyang walay kakapoy nga paningkamot ug ang iyang kakugi sa pagpangita kanato. Ingon niini ang pag-atiman sa Diyos kanimo.
Pamalandongi karong adlawa nga ikaw mao kadtong usa ka karnerong nawala. Ang pagkahimong “nawala” tungod sa atong sala dili usa ka makapahimuot nga kasinatian. Ang sala nagdala og kahadlok, pagkawalay paglaom, kalibog, kasuko ug uban pa. Apan kon atong ipunting ang atong mga mata sa Maayong Magbalantay taliwala sa atong pagkamakasasala, mabatonan nato pag-usab ang paglaom. Mabatonan nato pag-usab ang paglaom nga dako kaayo ang pag-atiman sa atong Diyos kanato nga dili gayod Siya mohunong sa pagpangita kanato. Ug sa dihang makaplagan Niya kita, mapuno ang Iyang kasingkasing sa labing dakong kalipay!
Ginoo, taliwala sa akong pagkamakasasala ug kalibog, modangop ako Kanimo. Misalig ako nga pangitaon Mo ako. Hinaot nga kanunay akong mosalig sa Imong nagdilaab nga gugma alang kanako. Jesus, misalig ako Kanimo.
Tan-awa ang tanan namong mga Kapanguhaan alang sa Adbiyento
Nobena sa Imakulada Concepcion
Nobyembre 29-Disyembre 7
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Pamalandong sa Balaang Kasulatan alang sa Adbiyento
Santos sa Adlaw – San Ambrosio, Obispo ug Doktor
Mga Kapilian sa mga Basahon sa Misa
