Disyembre 6, 2021
Lunes sa Ikaduhang Semana sa Adbiyento
Mga Pagbasa Karong Adlawa
San Nicolas, Obispo—Opsiyonal nga Handumanan
Paminaw sa Iningles
Unya silang tanan napuno sa kahibulong ug mihimaya sa Dios, ug uban sa balaang pagtahod, miingon sila, “Nakita nato karong adlawa ang talagsaong mga butang.” Luke 5:26
“Nahibulong” sila tungod kay giayo ni Jesus ang paralitiko human kini ipaubos agi sa atop sa balay diin nagtudlo si Jesus. Giayo siya ni Jesus ug nangahibulong sila.
Apan dili kini ang labing nakapahibulong sa mga tawo. Ang labing makapahibulong mao nga miingon usab si Jesus sa paralitiko, “Kanimo, gipasaylo na ang imong mga sala” (Luke 5:20). Unya gipamatud-an ni Jesus nga Siya adunay gahom sa pagpasaylo sa mga sala pinaagi niining milagro sa lawasnong pag-ayo.
Tinuod, kadaghanan sa mga tawo namauli niadtong adlawa nga ang unang gihisgotan mao ang lawasnong pag-ayo. Apan makaseguro ka nga, samtang gipamalandongan nila kining kasinatian, mas lawom pa silang natandog sa pagpasaylo sa mga sala. Tingali wala nila hingpit masabti ang kahulogan niining tanan. Bisan pa niana, ang Iyang mga pulong sa pagpasaylo gamhanan kaayo ug nakapausab sa kinabuhi.
Pamalandongi karong adlawa ang imong tinguha nga makadawat sa pagpasaylo sa Dios sa imong kinabuhi. Nangandoy ka ba nga madungog kining mga pulonga nga isulti kanimo? Nangandoy ka ba nga masinati ang kalooy ug pagpasaylo ni Jesus sa imong kinabuhi? Ang hinungdan sa Iyang pag-anhi gikan sa Langit nganhi sa Yuta mao ang pagtanyag kanimo sa pagpasaylo sa imong mga sala. Sa kataposan, dili ang mga milagro ang mahinungdanon. Ang mahinungdanon mao ang kalooy ug pagpasaylo. Sa imong pagdawat niining gasa sa Iyang kalooy, mohimaya ka usab sa Dios uban sa malipayon ug balaang pagkahibulong samtang makita nimo kining talagsaong gasa nga anam-anam nga mapadayag sa imong kinabuhi.
Ginoo, tinuod gayod nga gitinguha ko ang Imong kalooy ug pagpasaylo sa akong kinabuhi. Tabangi ako sa pagpaubos sa akong kaugalingon sa Imong atubangan aron madungog ko Ikaw nga moingon, ‘Gipasaylo na ang imong mga sala.’ Jesus, misalig ako Kanimo.
Tan-awa ang tanan namong mga Kapanguhaan alang sa Adbiyento
Nobena sa Imakulada Concepcion
Nobyembre 29-Disyembre 7
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Pamalandong sa Balaang Kasulatan alang sa Adbiyento
Santos sa Adlaw – San Nicolas, Obispo
Mga Kapilian sa mga Basahon sa Misa
_-_James_Tissot_-_overall.jpg){kind=link}