Saturday, January 26, 2019
Saturday of the Second Week in Ordinary Time
Saints Timothy and Titus, Bishops – Memorial
Paminaw sa Iningles
Misulod si Jesus sa balay uban sa Iyang mga tinun-an. Nagtigom na usab ang panon sa katawhan, busa wala na gani sila makahigayon sa pagkaon. Sa pagkadungog niini sa Iyang mga paryente, nanglakaw sila aron kuhaon Siya, kay miingon sila, “Nabuang Siya.” Marcos 3:20-21
Pagkamakapainteres niining tekstoha. Magsugod kita sa dayag nga kamatuoran nga si Jesus hingpit sa tanang paagi. Siya mao gayod ang Kaalam sa Dios ug Siya Dios. Ang tanan Niyang gisulti ug gibuhat nagpadayag sa hingpit nga gugma sa Labing Balaang Trinidad.
Apan unsa man ang ilang tubag ngadto Kaniya? Siyempre, adunay mga tawo nga naminaw pag-ayo Kaniya uban sa pagtuo ug dakong katingala sa Iyang mga pulong ug mga buhat. Nakita nila ang Iyang pagka-Dios nga misidlak ug nahibalo sila nga Siya mao ang Anak sa Dios, ang Manluluwas sa Kalibotan.
Apan kini nga teksto nagpadayag nga ang uban, bisan ang pipila sa Iyang kaugalingong mga paryente, nagtuo nga Siya “Nabuang!” Makapainteres kaayo kini ug daghan kaayog gipadayag alang sa atong kaugalingong panaw sa pagtuo.
Kon gisulti kini mahitungod kang Jesus bisan pa sa Iyang pagkahingpit, isulti usab kini mahitungod kanato kon mosunod kita sa Iyang mga dalan. Ang pagsunod kang Jesus ug pagtuman sa Iyang diosnong kabubut-on sa atong kinabuhi dili kanunay dawaton sa uban. Oo, ang mga buhat sa kaayo ug kalooy ngadto sa mga kabos, pananglitan, kasagarang isipon sa tanan nga maayo ug mahiyasong buhat. Apan adunay daghang butang nga gitawag kita sa Ebanghelyo nga isulti ug buhaton nga makapukaw sa pagsaway sa uban. Kon mahitabo kini, dili kita angay matingala, masakitan o matay-og sa atong pagtuo. Dili kita angay masuko o magdumot. Hinuon, angay natong tan-awon ang atong kaugalingon ingon nga nagsunod gayod sa mga tunob ni Cristo. Angay natong hinumdoman ang dili matuod nga mga paghukom batok Kaniya ug dili tugotan nga ang atong masinati gikan sa uban makapugong kanato sa pagsunod sa kabubut-on sa Dios.
Pamalandongi karon ang bisan unsang paagi nga mahimo nimong masinati ang sama sa nasinati ni Jesus. Pamalandongi kon sa unsang mga paagi ang imong pagkamatinud-anon sa atong Ginoo ug sa Iyang misyon mahimong makapahimo sa uban nga mosaway kanimo pinaagi sa pulong o hunahuna. Ayaw kakurat o katay-og sa imong pagtuo kon mahitabo kini. Hinuon, hibaloi nga kini walay lain kondili usa ka pagsundog sa kinabuhi ni Cristo Jesus mismo.
Lord, I know that You were misunderstood and even criticized by others. You were misrepresented and judged even by those close to You. Help me to always accept unjust persecution and judgment in life as I seek to follow Your holy and divine will. Help me to seek You and Your will in all things despite any erroneous opinions of others. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saints of the Day – Saints Timothy and Titus
