Monday, July 1, 2019
Monday of the Thirteenth Week of Ordinary Time
Saint Junipero Serra, Priest – USA Optional Memorial
Paminaw sa Iningles
A scribe approached and said to [Jesus], “Teacher, I will follow you wherever you go.” Matthew 8:19
Husto ang gisulti niining eskriba kang Jesus. Mao kini ang kinaiya nga angay natong tanan nga batonan ngadto sa atong Ginoo. Kinahanglan nga andam kita ug kinabubut-on nga mosunod Kaniya bisan unsa pa ang mahitabo. Apan makapainteres ang tubag ni Jesus niining eskriba. Miingon Siya, “Ang mga milo adunay mga lungag ug ang mga langgam sa langit adunay mga salag, apan ang Anak sa Tawo walay kapahulayan sa Iyang ulo” (Mateo 8:20).
Unsay atong makat-onan gikan niining tubaga? Daw usa kini ka paagi ni Jesus sa pag-ingon sa eskriba, “Andam ka ba gayod ug kinabubut-on nga mosunod Kanako bisan unsa pa ang mahitabo?” Sa laing pagkasulti, buot ipakita ni Jesus sa eskriba nga ang pagpili sa pagsunod Kaniya usa ka pasalig sa paglakaw sa usa ka dalan nga peligroso sa diwa lamang nga ang pagsunod kang Jesus nagkinahanglan og bug-os nga pagsalig Kaniya. Dili kita sultihan daan kon asa kita dad-on sa atong Ginoo ug unsay Iyang pangayoon kanato. Hinunoa, kon mopili kita sa pagsunod kang Jesus nga walay pagpanagana, gibutang nato ang atong pagsalig Kaniya isip usa ka persona ug gisultihan nato Siya nga dawaton nato ang Iyang kabubut-on bisan unsa pa kini. Kining matang sa pagsalig mao ang yawe sa gitinguha ni Jesus.
Pamalandongi karon ang duha ka butang. Una, pamalandongi kining mga pulong sa eskriba ug pangutan-a ang imong kaugalingon kon makasulti ka ba niini uban sa pagsalig diha sa imong kaugalingong kinabuhi. Balikbalika kini sa pagsulti ug paningkamoti nga dili lang kini magpabilin sa imong hunahuna kondili motuhop usab sa imong kasingkasing isip kinabubut-ong pagdawat sa plano sa Ginoo alang sa imong kinabuhi. Ikaduha, pamalandongi ang mga epekto sa maong tubag diha sa imong kaugalingong kinabuhi. Andam ka ba dili lamang sa pagsulti niining mga pulonga kondili sa pagdawat usab sa tanan nga mosunod sa maong pasalig? Andam ka ba nga itugyan sa Ginoo ang imong tibuok kinabuhi uban sa pagsalig? Paningkamoti nga himoon kining lig-ong desisyon, ug kini nga desisyon maggiya kanimo sa dalan sa dakong kalipay.
Lord, I do commit myself to following You wherever You go. I choose Your most holy will above all things. Help me to live faithfully in accord with Your divine will and to say “Yes” to You every day. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Saint Junipero Serra
