Sunday, August 4, 2019
Eighteenth Sunday in Ordinary Time, Year C
Saint Jean Vianney (the Curé of Ars), Priest – Memorial
Paminaw sa Iningles
“Pagbantay kamo ug likayi ang tanang kahakog, kay bisan pag adunahan ang usa ka tawo, ang iyang kinabuhi wala mag-agad sa iyang mga kabtangan.” Lucas 12:15
Handurawa kon unsa kaha ang imong kinabuhi kon wala kay kabtangan. Handurawa nga ang imo lamang mao ang sinina nga imong gisul-ob, ug nagkinabuhi ka nga nagsalig sa pagkamanggihatagon sa uban. Bisan kon sa sinugdan daw usa kini ka paagi sa pagkinabuhi nga walay pagtagad sa responsibilidad, adunay mga tawo nga gitawag sa ingon niini nga matang sa kinabuhi tungod sa usa ka balaang katuyoan. Kadtong gitawag sa higpit nga kinabuhing relihiyoso gitawag sa pagsagop sa kinabuhing kabos, nga walay kaugalingong kabtangan, tungod sa usa ka katuyoan. Gipasiugda kana nga katuyoan niining Ebanghelyo.
Kasagaran kaayo sa atong kinabuhi, malulong kita sa atong mga kabtangan. Tinuod nga ang materyal nga mga butang makadugang og “lami” sa kinabuhi. Makahatag kini og kalipay, kalingawan, kaharuhay, ug uban pa. Apan ang kapeligrohan sa pagkahigot sa mga butang niining kalibotana mao nga magsugod kitag salig sa kalipay nga ilang mahatag labaw pa kay sa atong pagsalig sa espirituwal nga mga bahandi nga mas dako og bili. Dili kay daotan sa ilang kaugalingon ang materyal nga mga kabtangan; kondili kay ang espirituwal nga mga bahandi nga buot sa Diyos nga atong maangkon adunay bili nga labaw gayod nga dili masukod.
Ang kadaghanan wala tawga sa pagkinabuhi nga kabos sa materyal nga mga butang, apan ang tanan gitawag sa pagkinabuhi nga kabos sa espiritu. Nagpasabot kini nga, bisan nagkinabuhi kita sa kalibotan, dili kita angay nga mahimong iya sa kalibotan. Kinahanglan nga ang atong mga kasingkasing mahigot lamang sa labing dagkong bahandi sa kinabuhi: pagtuo, paglaom ug gugma. Kon ang kahakog ug gugma sa materyal nga mga kabtangan mopahilayo kanato gikan niining espirituwal nga mga bahandi, kinahanglan natong bag-ohon ang atong pasalig sa pagdiskobre sa ilang dakong bili.
Pamalandongi karong adlawa ang bisan unsang pakigbisog nimo batok sa kahakog. Kon dili ka komportable niini ug kon makamatikod ka nga dihadiha kang nangatarongan aron pakamatarongon ang imong pagkahigot sa materyal nga mga butang, tingali mas gikinahanglan nimo kining pagpamalandong kay sa imong naamgohan. Buot sa Ginoo nga hatagan ka og labaw pa kay sa ikatanyag kanimo niining kalibotana. Ayaw pilia nga mahigot sa mga butang nga “barato” kon tan-awon gikan sa panglantaw sa kahangtoran. Paningkamoti nga sagopon kadtong tinuod nga mga bahandi nga magpabilin kanimo hangtod sa kahangtoran.
Lord, help me to always keep my heart set on the riches You bestow and to never settle for those things that can never fully satisfy me. I desire the wealth of Heaven, dear Lord, not the riches of Earth. Help me to live the spiritual poverty I am called to live so as to obtain all that You desire for me. Free me from greed and selfishness and help me to find true joy in Your holy will. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Saint Jean Vianney
The Path to Holiness:
Becoming a Living Sacrifice of Love
