December 16, 2019
Monday of the Third Week of Advent
Readings for Today
Paminaw sa Iningles
Sa pagsulod ni Jesus sa nataran sa templo, miduol Kaniya ang mga punoang saserdote ug ang mga katigulangan sa katawhan samtang nagtudlo Siya ug miingon, “Sa unsang awtoridad gibuhat Mo kining mga butanga? Ug kinsa ang naghatag Kanimo niining awtoridad?” Mateo 21:23
Medyo mapangahason kini nga lihok sa mga punoang saserdote ug sa mga katigulangan. Klaro nga aduna silay kaugalingong tuyo ug klaro usab nga nasamok sila tungod kang Jesus. Makapasubo gayod.
Pamalandongi kana sa makadiyot. Ania ang Dios nga Makagagahom sa Tanan, diha sa Persona ni Jesus nga Anak nga Walay Kataposan, nga nagtudlo sa mga Pulong sa kinabuhing dayon. Anaa Siya sa nataran sa templo, ug ang mga punoang saserdote ug mga katigulangan nasamok tungod Kaniya. Si Jesus misulti uban sa gahom ug awtoridad, ug giila kana sa tanan. Apan ang mga punoang saserdote ug mga katigulangan daw nasuko ug nasina Kaniya, ug ilang gikuwestiyon kon diin Niya nadawat ang Iyang awtoridad. Makapakurat gayod kini kon masabtan sa tin-aw, ug nagpadayag kon unsa kalayo sa hustong dalan ang mga pangulo sa relihiyon niadtong panahona. Klaro nga buta sila. Ang ilang paghagit kang Jesus, niini nga kahimtang, nagpakita nga dili sila bukas sa kamatuoran ug dili bukas sa laraw sa Dios alang sa kaluwasan. Hinuon, napuno sila sa pagkamakaugalingon, garbo ug kasina.
Sulayi paghanduraw nga anaa ka sa nataran sa templo diin nagsulti si Jesus. Unsa kaha ang imong tubag Kaniya? Dili ba nimo Siya tagdon? Mainteresado ka ba nga mas mailhan Siya? Masamok ka ba tungod Kaniya o masina Kaniya? O ilhon ba nimo ang Iyang diosnong gahom, gugma ug awtoridad ug pangitaon Siya?
Pamalandongi karon kon giunsa nimo pagsugat ang atong Ginoo matag adlaw. Bisan dili kita literal nga makaadto niadtong nataran sa templo ug makapaminaw kang Jesus nga nagsulti, anaa gihapon sa atong palibot matag adlaw ang mao rang kahigayonan. Ang tinuod mao nga ang Dios padayon gihapong nagsulti sa dili maihap nga mga paagi. Pamalandongi kon unsa kadali nimong mamatikdan ang Iyang presensiya ug mailhan ang Iyang tingog. Ug kon madungog nimo Siya nga nagsulti, unsa man ang imong tubag?
Lord, help me to hear Your divine voice every day. Help me to recognize You everywhere I go. And as I seek You out, help me to rejoice in finding You and react with complete confidence in all You say. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Give the gift of faith this Christmas
