December 29, 2019
The Holy Family of Jesus, Mary, and Joseph – Feast
Sunday in the Octave of Christmas
Readings for Today
Paminaw sa Iningles
He went down with them and came to Nazareth, and was obedient to them; and his mother kept all these things in her heart. And Jesus advanced [in] wisdom and age and favor before God and man. Luke 2:51-52 (Used in Year C)
(Note: Dec. 29, 2019, Year A readings are used: Matthew 2:13-15, 19-23)
Karong Dominggo sulod sa Oktaba sa Pasko, atong gipasidunggan ang Balaang Pamilya ni Hesus, Maria ug Jose. Sa pagpasidungog kanila, atong gipasidunggan usab ang tanang pamilya, dako man o gamay. Ug sa pagpasidungog sa tanang pamilya, atong gipasidunggan ang pamilya sa Dios, ang Simbahan. Apan labaw sa tanan, atong gitutokan ang natago, adlaw-adlaw nga kinabuhi sa Balaang Pamilya sa Nazaret.
Unsa kaha ang adlaw-adlaw nga pagpuyo sa panimalay ni San Jose? Unsa kaha ang pagbaton kang Hesus isip anak, kang Maria isip asawa ug inahan, ug kang Jose isip amahan ug bana? Ang ilang panimalay seguradong usa ka sagradong dapit ug puloy-anan sa tinuod nga kalinaw ug panaghiusa. Apan labaw pa gayod unta kini niana.
Ang panimalay ni Hesus, Maria ug Jose, sa daghang paagi, susama ra unta sa bisan unsang panimalay. Sila nakig-uban sa usag usa, nag-istoryahanay, naglingawlingaw, adunay mga dili pag-uyon, nagtrabaho, nangaon, nag-atubang sa mga problema, ug nakasinati sa tanang ubang butang nga kabahin sa adlaw-adlaw nga kinabuhi sa pamilya.
Siyempre, hingpit ang mga hiyas ni Hesus ug Maria, ug si San Jose tinuod gayod nga usa ka “matarong nga tawo.” Busa, gugma gayod unta ang nagpatigbabaw nga kinaiya sa ilang panimalay.
Apan bisan pa niana, ang ilang pamilya dili unta gawasnon sa adlaw-adlaw nga paghago, kasakit ug mga hagit nga giatubang sa kadaghanang pamilya. Pananglitan, nakasinati usab unta sila sa kamatayon sa mga minahal; lagmit namatay si San Jose sa wala pa magsugod ang publikong ministeryo ni Hesus. Nakaatubang usab unta sila sa dili pagsabot ug tabi gikan sa uban. Pananglitan, ang atong Mahal nga Inahan nakaplagang mabdos bisan wala pa makasal. Seguradong nahimo unta kini nga hilisgutan sa daghan nilang kaila. Kinahanglan usab unta nilang humanon ang tanang adlaw-adlaw nga buluhaton, manginabuhi, magtagana og pagkaon, motambong sa mga panagtigom sa pamilya ug mga higala, ug uban pa. Sa tanang paagi, nagkinabuhi unta sila sama sa usa ka ordinaryong pamilya.
Mahinungdanon kini kay nagpadayag kini sa gugma sa Dios alang sa kinabuhi sa pamilya. Gitugotan sa Amahan ang Iyang Diosnong Anak sa pagpuyo niining kinabuhia ug, tungod niini, gibayaw Niya ang kinabuhi sa pamilya aron adunay dapit sulod sa Trinidad. Ang pagkabalaan sa Balaang Pamilya nagpadayag kanato nga ang matag pamilya gidapit sa pag-ambit sa diosnong kinabuhi sa Dios ug sa pag-atubang sa ordinaryong adlaw-adlaw nga kinabuhi uban sa grasya ug hiyas.
Pamalandongi karon ang kinabuhi sa imong kaugalingong pamilya. Adunay mga pamilyang lig-on sa hiyas, ug adunay naglisod bisan sa yano nga pagpakigsulti sa usag usa. Adunay mga matinumanon matag adlaw, ug adunay mga nabungkag ug lawom nga nasamdan. Bisan unsa pa ang kahimtang, hibaloi nga gusto sa Dios nga mosulod pa gayod sa kinabuhi sa imong pamilya sa kahimtang niini karon. Nagtinguha Siya sa paghatag kanimo og kusog ug hiyas aron magkinabuhi sama sa Balaang Pamilya. Itugyan ang imong kaugalingon ug ang imong pamilya karong adlawa, ug dapita ang Dios nga Tulo ka Persona aron himoon ang imong pamilya nga usa ka balaang pamilya.
Lord, I do offer myself to You this day and in doing so I offer You my family. I offer every relationship, be it good or difficult, and I offer every challenge we face. Please come and sanctify my family, making it holy in imitation of your family in Nazareth. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Pamalandong sa Usa ka Inahan
Uban kanamo sa usa ka panaw sulod sa 365 ka adlaw uban sa Diosnong Kalooy!
Ang Daily Reflections on Divine Mercy: 365 Days with Saint Faustina magsugod sa Enero 1 pinaagi sa Pamalandong 1. Samtang nangandam kita alang niining bag-ong tuig, gidapit kamo namo nga mouban kanamo sa tibuok umaabot nga tuig aron mamalandong matag adlaw sa madagayaong Kalooy sa Dios. Gidapit usab kamo namo sa pagdapit sa inyong pamilya ug mga higala nga mouban kanamo niining panaw! Dapita sila nga mouban kanamo pinaagi sa:
- Pagpalista aron makadawat og inadlaw nga mga email bahin sa Diosnong Kalooy
- Pag-install sa among Catholic Daily Reflections nga app
- Pagbisita matag adlaw sa among website
- Pagpalit sa Daily Reflections on Divine Mercy sa paperback o eBook nga porma
Ipaambit ang madagayaong kalooy sa Dios ngadto sa inyong pamilya ug mga higala niining bag-ong tuig!
Anaa isip eBook & Librong Humok og Hapin
