January 29, 2020
Wednesday of the Third Week in Ordinary Time
Readings for Today
Paminaw sa Iningles
“Pamati kamo! Usa ka magpupugas migula aron pagpugas.” Mark 4:3
Kini nga mga pulong maoy sinugdanan sa pamilyar nga Sambingay sa Magpupugas. Nahibalo kita sa mga detalye niini nga sambingay: ang magpupugas nagsabwag og binhi sa dalan, sa batoon nga yuta, taliwala sa mga tunok, ug sa kataposan sa maayong yuta. Gipadayag sa sugilanon nga kinahanglan kitang maningkamot nga mahisama nianang “maayong yuta,” nga mao ang pagdawat sa Pulong sa Diyos diha sa atong mga kalag ug pagtugot nga maatiman kini aron motubo nga madagayaon.
Apan kini nga sambingay nagpadayag pa og laing butang nga dali rang dili mamatikdan. Gipadayag niini ang yano nga kamatuoran nga ang magpupugas, aron makapugas bisan og pipila lamang ka binhi sa maayo ug tabunok nga yuta, kinahanglan molihok. Kinahanglan siyang mogula ug madagayaong magsabwag og binhi. Samtang ginabuhat niya kini, dili siya angay mawad-an og kadasig kon ang kadaghanan sa binhing iyang gisabwag dili makaabot sa maayong yuta. Ang dalan, ang batoon nga yuta, ug ang yutang tunokon maoy mga dapit diin gisabwag ang binhi apan sa kataposan namatay kini. Usa lamang sa upat ka dapit nga gihisgotan niini nga sambingay ang nakapatubo sa binhi.
Si Jesus mao ang Diyosnong Magpupugas ug ang Iyang Pulong mao ang Binhi. Busa, angay natong masabtan nga gitawag usab kita sa paglihok sa Iyang persona pinaagi sa pagpugas sa binhi sa Iyang Pulong diha sa atong kaugalingong kinabuhi. Ingon nga andam Siyang mopugas bisan nahibalo Siya nga dili tanang binhi mamunga, kinahanglan usab kitang maandam ug kinabubut-ong modawat niining maong kamatuoran.
Ang tinuod mao nga, sa kasagaran, ang paghago nga atong gihalad sa Diyos alang sa pagpalig-on sa Iyang Gingharian gamay ra o wala gayoy dayag nga bunga sa kataposan. Mogahi ang mga kasingkasing ug ang kaayohan nga atong gibuhat, o ang Pulong nga atong gipaambit, dili motubo.
Usa ka leksiyon nga kinahanglan natong makat-onan gikan niini nga sambingay mao nga ang pagpakaylap sa Ebanghelyo nagkinahanglan og paningkamot ug pasalig gikan kanato. Kinahanglan kitang andam nga maningkamot ug maghago alang sa Ebanghelyo, andam man o dili ang mga tawo sa pagdawat niini. Ug dili nato tugotan ang atong kaugalingon nga mawad-an og kadasig kon ang mga resulta dili mao ang atong gilaoman.
Pamalandongi karon ang misyon nga gihatag kanimo ni Cristo sa pagpakaylap sa Iyang Pulong. Tubaga og “Oo” kana nga misyon ug dayon pangitag mga paagi, matag adlaw, sa pagpugas sa Iyang Pulong. Paabota nga, makapasubo man, daghan sa imong mga paningkamot gamay ra og dayag nga bunga. Apan batoni ang lawom nga paglaom ug pagsalig nga ang pipila nianang mga binhi makaabot sa yuta nga buot sa atong Ginoo nga ilang maabtan. Itugyan ang imong kaugalingon sa pagpugas; ang Diyos na ang bahala sa uban.
Lord, I make myself available to You for the purpose of the Gospel. I promise to serve You, each and every day, and I commit to being a sower of Your divine Word. Help me not to become too focused on the results of the effort I give; rather, help me to entrust those results only to You and to Your divine providence. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
