February 15, 2020
Saturday of the Fifth Week in Ordinary Time
Readings for Today
Paminaw sa Iningles
“Naluoy ang Akong kasingkasing sa katawhan, kay tulo na ka adlaw silang nag-uban Kanako ug wala na silay makaon. Kon papaulion Ko sila nga gigutom, mangaluya sila sa dalan, ug ang uban kanila gikan pa sa halayo.” Marcos 8:2-3
Kini nga teksto nagpadayag og pipila ka makapainteres nga mga punto nga angay pamalandongan. Atong tan-awon sa makadiyot ang tulo niini.
Una, mahinungdanong matikdan nga nadani pag-ayo ang katawhan kang Jesus nga andam silang mogugol og tulo ka adlaw uban Kaniya, nga naminaw Kaniya sa usa ka awaaw nga dapit bisan wala silay pagkaon. Gipili nila si Jesus ug ang Iyang pagtulon-an kay sa pagkaon ug sa kaharuhay sa ilang kaugalingong mga panimalay. Kini nagpadayag sa dili matarog nga interes sa katawhan kang Jesus ug sa Iyang pagtulon-an. Nagpadayag kini kon unsa sila ka nadani Kaniya. Daw wala nay laing hinungdanon alang kanila. Gusto lamang nilang makauban si Jesus.
Ikaduha, kini nga teksto nagpadayag sa dakong pagtagad ni Jesus sa katawhan. Natandog ang Iyang kasingkasing sa kaluoy alang kanila. Mapasalamaton Siya sa ilang presensya, apan mas dako pa ang Iyang pagpakabana sa ilang lawasnong kaayohan kay sa ilang kaugalingong pagpakabana niini.
Ikatulo, nagpadayag usab kini og usa ka butang nga dili dayon mamatikdan apan lawom og kahulogan. Sa pagpunting ni Jesus sa suliran nga dugay nang walay pagkaon ang katawhan, gidapit Niya ang mga Apostoles sa pagtan-aw sa maong suliran. Timan-i nga wala Niya kini sulbara dayon. Wala dayon Niya sila sultihi kon unsay buhaton. Hinuon, Iya lamang gipatin-aw ang suliran. Nganong ingon man niini?
Tingali usa sa mga hinungdan mao nga gusto ni Jesus nga palambuon ang gugma ug pagtagad alang sa katawhan diha sa mga kasingkasing sa mga Apostoles. Tingali higayon kini nga Iya silang gisulayan ug gibansay sa paghunahuna sa mga panginahanglan sa katawhan. Pinaagi lamang sa pagpatungha una sa pangutana, gipaatubang ang mga Apostoles sa kahimtang sa katawhan aron sila usab motubo sa kinasingkasing nga kaluoy alang kanila. Tingali gusto ni Jesus nga ang ilang mga kasingkasing “matandog sa kaluoy alang sa katawhan” sama sa Iyang kasingkasing.
Pamalandongi karon ang tulo ka butang. Una, nadani ka ba pag-ayo kang Jesus nga Siya na ang sentro sa imong kinabuhi? Ang imong pangandoy ba alang Kaniya mipuno sa imong kasingkasing ug milukop sa imong kalag? Ikaduha, nasayod ka ba sa dakong pagtagad ni Jesus kanimo? Nasayod ka ba nga ang Iyang kasingkasing “natandog sa kaluoy” alang kanimo matag adlaw? Ikatulo, gitugotan ba nimo nga ang gugma ug kaluoy nga gitanyag ni Jesus kanimo imong ikatanyag usab sa uban? Makita ba nimo ang “kalisdanan” nga dala sa mga panginahanglan sa uban? Ug sa imong pagkakita niini nga mga panginahanglan, naningkamot ka ba nga makauban ug makatabang kanila sa ilang panginahanglan? Ipahinungod ang imong kaugalingon niining tulo ka pagtulon-an. Kon buhaton nimo kini, mahimo ka usab nga takos tawgong usa sa Iyang mga tinun-an.
Lord, help me to be drawn to You with intensity and longing. Help me to see You as the source of all that I long for and need in life. May I choose You above all else, trusting and knowing that You will satisfy my every desire. As I turn intensely to You, fill my heart with an abundance of mercy for all. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
