March 6, 2020
Friday of the First Week of Lent
Readings for Today
Paminaw sa Iningles
“Sultihan ko kamo, kon ang inyong pagkamatarong dili molabaw sa pagkamatarong sa mga eskriba ug mga Pariseo, dili gayod kamo makasulod sa Gingharian sa langit.” Mateo 5:20
Kinsa may gustong mosulod sa Gingharian sa Langit? Siyempre, kitang tanan! Mao unta kini ang atong pangunang tumong sa kinabuhi. Ug uban nianang tumonga, angay kitang maningkamot nga makadala og kutob sa mahimo daghang tawo uban kanato.
Kasagaran, dili nato kini makita isip kinatas-ang tumong sa kinabuhi. Dili nato mapabilin ang atong panan-aw sa Langit isip pangunang hinungdan nga ania kita sa Yuta. Sayon kaayo nga malinga kita sa inadlaw-adlaw nga katagbawan nga dala sa matawag natong “gagmayng mga tumong” sa kinabuhi. Kini mao ang mga tumong sama sa kalingawan, salapi, kalamposan, ug uban pa. Ug usahay, kining gagmayng mga tumong mahimo natong bugtong mga tumong.
Ikaw, kumusta man? Unsa ang imong tumong? Unsa man ang imong gipaninguhaan ug gipangita sa tibuok nimong adlaw? Kon matinud-anon nimong susihon ang imong mga buhat matag adlaw, basin makurat ka nga mas labaw diay sa imong nahibaloan ang imong pagtinguha sa gagmayng mga tumong nga dili mahinungdanon ug lumalabay lamang.
Niining teksto sa ibabaw, gihatagan kita ni Jesus og usa ka tin-aw nga giya kon unsaon pagkab-ot sa kinatas-ang tumong sa kinabuhi—ang Gingharian sa Langit. Ang dalan nga Iyang gitudlo mao ang pagkamatarong.
Unsa man ang pagkamatarong? Yano lamang kini nga pagkatinuod. Pagkaputli sa atong pagkatawo. Dili pagpakaaron-ingnon. Ug labaw sa tanan, kini mao ang pagkatinuod sa atong gugma sa Diyos. Naningkamot ang mga Pariseo sa pagpakaaron-ingnon nga balaan sila ug maayong mga sumusunod sa kabubut-on sa Diyos. Apan dili kaayo sila maayo niini. Tingali maayo sila sa pag-arte, ug tingali nakombinsir nila ang ilang kaugalingon ug ang uban, apan dili nila malimbongan si Jesus. Makakita si Jesus lapos sa ilang pakaaron-ingnong dagway ug makaila kon unsa gayod ang anaa sa ilalom niini. Makita Niya nga ang ilang “pagkamatarong” usa lamang ka pasundayag alang sa ilang kaugalingon ug sa uban.
Pamalandongi karon ang imong kaugalingong pagkamatarong—ang imong pagkamatinud-anon ug pagkasinsero sa pagpaningkamot nga mahimong balaan. Kon gusto nimong magpabilin matag adlaw ang Langit isip imong kinatas-ang tumong, kinahanglan usab nimong paningkamotan nga ang matag gamayng tumong sa matag adlaw mahimong matinud-anong paningkamot ngadto sa pagkabalaan. Kinahanglan natong pangitaon si Kristo matag adlaw uban sa bug-os nga pagkasinsero ug kamatuoran diha sa tanang gagmayng butang sa kinabuhi. Unya kinahanglan natong pasidlakon kanang pagkasinsero, aron mapakita kon unsa gayod ang anaa sa sulod. Ang pagkamatarong, sa labing tinuod nga kahulogan niini, nagpasabot nga sinsero natong gipangita ang Diyos sa tibuok natong adlaw ug gihimo natong makanunayong tumong sa atong kinabuhi kanang pagkasinsero.
Lord, make me righteous. Please help me to be sincere in all that I do and all that I seek in life. Help me to love You and to love You each and every moment of the day. Jesus, I trust in You.
40 Days at the Foot of the Cross – Reflection Nine – Unwelcomed by the World
Mga Kapanguhaan alang sa Kwaresma
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Three great books for Lent
Free to read online. Also available in eBook & paperback format.
Lent and Easter Reflections
Catholic Daily Reflections Series
40 Days at the Foot of the Cross
A Gaze of Love from the Heart of Our Blessed Mother
Daily Reflections on Divine Mercy
365 Days with Saint Faustina
