March 5, 2020
Thursday of the First Week of Lent
Readings for Today
Paminaw sa Iningles
“Pangayo ug hatagan kamo; pangita ug makakaplag kamo; panuktok ug ablihan kamo sa pultahan…”
“Labi pa gayod nga ang inyong Amahan sa langit mohatag og maayong mga butang niadtong mangayo Kaniya.” Matthew 7:7, 11
Tin-aw kaayo ang giingon ni Jesus nga kon mangayo kita, makadawat kita; kon mangita kita, makakaplag kita; ug kon manuktok kita, ablihan kita sa pultahan. Apan mao ba kini ang imong kasinatian? Usahay mangayo kita, balikbalik nga mangayo, ug mangamuyo, apan daw wala tubaga ang atong pag-ampo, labing menos dili sa paagi nga atong gitinguha. Busa unsa man ang gipasabot ni Jesus sa Iyang pag-ingon nga “pangayo…pangita…panuktok” ug makadawat kamo?
Ang yawe sa pagsabot niining pag-awhag sa atong Ginoo mao kini: sumala sa giingon sa Kasulatan sa ibabaw, pinaagi sa atong pag-ampo, ang Dios mohatag og “maayong mga butang niadtong mangayo.” Wala Siya mosaad nga ihatag kanato ang bisan unsang atong pangayoon; hinuon, misaad Siya sa butang nga tinuod nga maayo ug, ilabina, maayo alang sa atong walay kataposang kaluwasan.
Tungod niini, motungha ang pangutana, “Nan, unsaon man nako pag-ampo ug unsa man ang akong iampo?” Sa labing maayong paagi, ang matag pag-ampo sa pagpangamuyo nga atong isangpit angay nga alang sa pagtuman sa kabubut-on sa Ginoo, walay labaw ug walay kulang. Ang Iya lamang hingpit nga kabubut-on.
Mahimong mas lisod kini iampo kay sa unang pagtuo sa usa ka tawo. Kasagaran kaayo, ang atong giampo mao nga “matuman ang akong kabubut-on” imbes nga “matuman ang Imong kabubut-on.” Apan kon makasalig kita, ug makasalig sa kinahiladman sa atong kasingkasing, nga hingpit ang kabubut-on sa Dios ug naghatag kini kanato sa tanang “maayong mga butang,” nan ang pagpangita sa Iyang kabubut-on, ang pagpangayo niini ug ang pagpanuktok sa pultahan sa Iyang kasingkasing magdala og madagayaong grasya sumala sa tinguha sa Dios nga ihatag kini.
Pamalandongi karong adlawa ang imong paagi sa pag-ampo. Paningkamoti nga usbon ang imong pag-ampo aron mangita kini sa maayong mga butang nga buot ihatag sa Dios imbes sa daghang butang nga imong gustong ihatag Niya. Tingali lisod sa sinugdan ang pagbuhì sa imong kaugalingong mga hunahuna ug kabubut-on, apan sa kataposan, panalanginan ka sa Dios og daghang maayong butang.
Lord, I do pray that Your will be done in all things. I desire to surrender to You above all, and to trust in Your perfect plan. Help me, dear Lord, to abandon my own ideas and desires, and to seek Your will always. Jesus, I trust in You.
40 Days at the Foot of the Cross – Reflection Eight – Fidelity in All Things
Mga Kapanguhaan alang sa Kwaresma
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
