March 7, 2020
Saturday of the First Week of Lent
Readings for Today
Santas Perpetua ug Felicidad, mga Martir—Handumanan
Paminaw sa Iningles
“Busa paghingpit kamo, sama nga hingpit ang inyong langitnong Amahan.” Matthew 5:48
Ang pagkahingpit mao ang atong tawag, dili ubos pa niini. Ang kapeligrohan sa pagtinguha og mas ubos nga tumong mao nga basin kana ra gyod ang imong makab-ot. Unya unsa na man? Sa laing pagkasulti, kon mokontento ka lang sa pagka-“maayo-ayo,” basin mahimong “maayo-ayo” ka lang gyod. Apan sumala kang Jesus, dili igo ang pagka-maayo-ayo. Gusto Niya nga mahingpit kita! Hataas kini nga tawag.
Unsa ang pagkahingpit? Mahimong daw hilabihan kini kalisod ug halos lapas sa makataronganong mapaabot kanato. Basin gani maluya kita sa paghunahuna pa lang niini. Apan kon masabtan nato kon unsa gayod ang pagkahingpit, dili na tingali kita mahadlok sa paghunahuna niini. Sa pagkatinuod, basin makaplagan nato ang atong kaugalingon nga nagtinguha pag-ayo niini ug naghimo niini nga bag-ong tumong sa kinabuhi.
Sa sinugdan, ang pagkahingpit daw usa ka butang nga ang dagkong mga santos lamang sa karaang panahon ang nakapuy-an. Apan sa matag santos nga atong mabasa sa usa ka libro, adunay linibo pa nga wala gayod matala sa kasaysayan, ug daghan pang mga santos sa umaabot nga nagkinabuhi karon. Hunahunaa kana. Inig-abot nato sa Langit, seguradong matingala kita sa kadungganan sa dagkong mga santos nga atong nailhan. Apan hunahunaa usab ang dili maihap nga uban nga didto pa nato unang mailhan sa Langit. Kining mga lalaki ug babaye naningkamot ug nakakaplag sa dalan sa tinuod nga kalipay. Ilang nadiskobrehan nga gitawag sila ngadto sa pagkahingpit.
Ang pagkahingpit nagpasabot nga naningkamot kitang magkinabuhi sa matag gutlo diha sa grasya sa Dios. Mao ra kana! Ang pagkinabuhi dinhi ug karon nga natuhop sa grasya sa Dios. Wala pa nato ang ugma, ug ang kagahapon milabay na sa kahangtoran. Ang ania lamang kanato mao kining usa ka gutlo sa karon. Ug niining gutloa gitawag kita nga magkinabuhi sa hingpit nga paagi.
Sigurado nga ang matag usa kanato mahimong maningkamot sa pagkahingpit sulod sa usa ka gutlo. Makapangalagad kita sa Dios pinaagi sa hingpit nga pagtugyan Kaniya dinhi ug karon ug sa pagtinguha lamang sa Iyang kabubut-on niining gutloa. Makahimo kitang mag-ampo, magpakita og gugmang walay paghunahuna sa kaugalingon, magbuhat og talagsaong kaayo, ug uban pa. Ug kon mahimo nato kini niining gutloa, unsa may nakapugong kanato sa pagbuhat niini sa sunod nga gutlo?
Sa paglabay sa panahon, samtang mas magkinabuhi kita sa matag gutlo diha sa grasya sa Dios ug maningkamot nga itugyan ang matag gutlo ngadto sa Iyang kabubut-on, mas molig-on ug mas mabalaan kita. Hinayhinay natong mapalambo ang mga batasan nga makapasayon sa pagkinabuhi sa matag gutlo. Sa paglabay sa panahon, ang mga batasan nga atong napalambo mohulma sa atong pagkatawo ug mopaduol kanato sa pagkahingpit.
Pamalandongi karon ang kasamtangang gutlo. Paningkamoti nga dili maghunahuna sa umaabot, kondili sa gutlo lamang nga anaa kanimo karon. Paghimo og hugot nga pasalig nga magkinabuhi niining gutloa diha sa pagkabalaan, ug maanaa ka na sa dalan padulong sa pagkasantos!
Lord, I do want to be holy. I want to be holy as You are holy. Help me to live each moment for You, with You and in You. I give this present moment to You, dear Lord. Jesus, I trust in You.
40 Days at the Foot of the Cross – Reflection Ten – The Sword of Sorrow
Mga Kapanguhaan alang sa Kwaresma
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
