March 26, 2020
Thursday of the Fourth Week of Lent
Readings for Today
Paminaw sa Iningles
“Ang mga buhat nga gihatag Kanako sa Amahan aron Akong tumanon, kining mga buhat nga Akong gihimo nagpamatuod bahin Kanako nga ang Amahan mao ang nagpadala Kanako.” John 5:36
Ang mga buhat nga gihimo ni Jesus naghatag ug pagpamatuod sa Iyang misyon nga gihatag Kaniya sa Amahan sa Langit. Ang pagsabot niini makatabang kanato sa pagdawat ug pagtuman sa atong kaugalingong misyon sa kinabuhi.
Una sa tanan, atong tan-awon ang kamatuoran nga ang mga buhat ni Jesus naghatag ug pagpamatuod. Sa laing pagkasulti, ang Iyang mga buhat naghatod ug mensahe ngadto sa uban kon kinsa Siya. Ang pagpamatuod sa Iyang mga binuhatan nagpadayag sa Iyang kinaiya mismo ug sa Iyang panaghiusa sa kabubut-on sa Amahan.
Busa motungha ang pangutana, “Unsang mga buhat ang naghatag niini nga pagpamatuod?” Mahimong mohunahuna dayon ang usa ka tawo nga ang mga buhat nga gihisgotan ni Jesus mao ang Iyang mga milagro. Sa dihang nasaksihan sa mga tawo ang mga milagro nga Iyang gihimo, makombinsir unta sila nga gipadala Siya sa Amahan sa Langit. Dili ba? Dili gayod ingnon. Ang tinuod mao nga daghan ang nakakita ni Jesus nga naghimog mga milagro apan nagpabiling magahi ug ulo, nga nagdumili sa pagdawat sa Iyang mga milagro isip pamatuod sa Iyang pagka-Dios.
Bisan tuod talagsaon ang Iyang mga milagro ug mga timaan kini alang niadtong andam motuo, ang labing lawom nga “buhat” nga Iyang gihimo mao ang Iyang mapainubsanon ug tinuod nga gugma. Si Jesus tinuod, matinud-anon ug putli ug kasingkasing. Nahayag diha Kaniya ang tanang hiyas nga mahimong maangkon sa usa ka tawo. Busa, ang pagpamatuod nga gihatag sa Iyang ordinaryong mga binuhatan sa gugma, pag-atiman, pagtagad ug pagtudlo mao unta ang una ug labaw sa tanan nga makadani sa daghang kasingkasing. Sa pagkatinuod, alang niadtong bukas sa pagdawat Kaniya, ang Iyang mga milagro, sa usa ka paagi, sama lamang sa dugang nga tam-is nga hapin sa keyk. Ang “keyk” mao ang Iyang tinuod nga presensya nga nagpadayag sa kalooy sa Amahan.
Dili ka makahimog mga milagro gikan sa Dios (gawas kon gihatagan ka ug talagsaong karisma aron sa pagbuhat niini), apan mahimo kang saksi sa Kamatuoran ug makapaambit sa Kasingkasing sa Amahan sa Langit kon mapainubsanon kang maningkamot nga mahimong putli ug kasingkasing ug motugot nga ang Kasingkasing sa Amahan sa Langit modan-ag pinaagi kanimo sa imong adlaw-adlaw nga mga binuhatan. Bisan ang labing gamay nga binuhatan sa tinuod nga gugma daghan kaayog ikapahayag ngadto sa uban.
Pamalandongi karon ang imong tawag sa pagpamatuod sa Amahan sa Langit. Gitawag ka sa pagpaambit sa gugma sa Amahan ngadto sa matag tawo nga imong mahimamat. Kon dawaton ug tumanon nimo kini nga misyon, sa dagko ug gagmayng mga paagi, ang Ebanghelyo mapadayag ngadto sa uban pinaagi kanimo, ug ang kabubut-on sa Amahan mas hingpit nga matuman sa atong kalibotan.
Lord, I pray that I act as a witness to the love flowing from Your Heart. Give me the grace to be real, genuine and sincere. Help me to become a pure instrument of Your merciful Heart so that all my works will give testimony to Your mercy. Jesus, I trust in You.
40 Days at the Foot of the Cross – Reflection Twenty-Nine – Jesus is Lifted Up on the Cross
Mga Kapanguhaan alang sa Kwaresma
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
_-_DSC01566.JPG){kind=link}