Pagkupot kang Jesus

April 14, 2020
Tuesday of the Octave of Easter
Readings for Today

Paminaw sa Iningles

Miingon si Jesus kaniya, “Babaye, nganong naghilak ka? Kinsa ang imong gipangita?” Nagtuo siya nga kini mao ang hardinero ug miingon kaniya, “Sir, kon ikaw ang nagdala kaniya, sultihi ako kon asa nimo siya gibutang, ug kuhaon ko siya. Miingon si Jesus kaniya, “Maria!” Milingi siya ug miingon kaniya sa Hebreohanon, “Rabbouni,” nga nagpasabot og Magtutudlo. Miingon si Jesus kaniya, “Ayaw na pagkupot Kanako, kay wala pa Ako makasaka ngadto sa Amahan.” Juan 20:15–17

Si Maria Magdalena didto sa gawas sa lubnganan ni Jesus, naghilak kay wala siya mahibalo kon unsay nahitabo sa Iyang balaang lawas. Sa kalit mipakita si Jesus kaniya taliwala sa iyang kasubo, ug natugob siya sa emosyon ug mitawag, “Rabbouni!” Giingnan siya ni Jesus nga dili na mokupot Kaniya. Nganong misulti man si Jesus niini? Unsa man ang Iyang gipasabot?

Sama sa atong mahanduraw, hilabihan ka lawom ang gibati ni Maria niadtong higayona. Didto siya ug nasaksihan niya ang tibuok Paglansang sa Krus. Nakaila siya pag-ayo kang Jesus ug gimahal niya Siya pag-ayo. Nakita niya ang Iyang pagkamatay ug karon, sa kalit lang, buhi si Jesus ug anaa sa iyang atubangan. Tinuod gayod nga hilabihan kabug-at ang iyang mga pagbati.

Wala badlonga ni Jesus si Maria sa dihang giingnan Niya siya nga dili mokupot Kaniya. Sa pagkatinuod, gihatagan Niya siya og matahom nga tambag ug giya sa iyang espirituhanong panaw ug sa iyang relasyon uban Kaniya. Gisultihan Niya siya nga ang ilang relasyon karon mausab ug molalom. Giingnan Niya siya nga dili mokupot Kaniya tungod kay Siya “wala pa makasaka ngadto sa Amahan.” Niadtong higayona, ang relasyon ni Maria uban kang Jesus nag-una pa sa tawhanong ang-ang. Dugay siyang nakauban Kaniya, nakasinati sa Iyang pisikal nga presensya, ug nahigugma Kaniya pinaagi sa iyang tawhanong kasingkasing. Apan labaw pa niini ang gusto ni Jesus. Gusto Niya nga siya, ug kitang tanan, mahigugma na karon Kaniya sa diosnong paagi. Sa dili madugay mosaka Siya ngadto sa Amahan, ug gikan sa Iyang langitnong trono makakanaog Siya aron magsugod og bag-ong relasyon uban kang Maria, ug uban kanatong tanan, nga labaw pa kaayo kay sa relasyon sa tawhanong ang-ang. Gikan sa Iyang trono sa Langit makasulod na Siya karon sa kalag ni Maria. Makasulod Siya sa usa ka bag-o ug mas lawom nga panaghiusa uban kaniya ug uban kanatong tanan. Makapuyo Siya kanato ug kita diha Kaniya. Mahimo Siyang usa uban kanato.

Pinaagi sa pagbuhi sa mas tawhanon ug emosyonal nga mga bahin sa iyang relasyon uban kang Jesus, sa dili madugay makakupot si Maria Kaniya sa paagi nga dili niya mahimo pinaagi lamang sa iyang tawhanong pakig-uban Kaniya. Kini mao ang diosnong kaminyoon, ang diosnong panaghiusa nga gitawag kitang tanan sa pagsalmot.

Pamalandongi karon ang imong kaugalingong pagkupot kang Jesus. Siya karon hingpit nang nabanhaw ug nakasaka sa Langit, ug tungod niini masinati nato ang bug-os nga mga bunga sa Pagkabanhaw. Uban kang Maria, makakupot na kita karon Kaniya diha sa atong mga kalag kay Siya man gayod ang unang nagkupot kanato.

Lord, may I cling to You as You cling to me. May my heart, mind and soul be Yours. Come live in me so that I may live in You. I give my life to You, dear Lord, help me to offer You all that I am. Jesus, I trust in You.

Dugang pa alang sa Pasko sa Pagkabanhaw

Ikalimang Adlaw: Nobena isip pagpangandam alang sa Domingo sa Diosnong Kalooy

Dugang nga mga Pamalandong sa Ebanghelyo

Mga Pamalandong sa Diosnong Kalooy

Mapamalandongong pag-ampo alang sa Pasko sa Pagkabanhaw

Rosaryo – Mga Misteryo sa Himaya (uban sa Balaang Kasulatan)

Litaniya sa Diosnong Kalooy ni Santa Faustina

Pagsalig sa Diosnong Kalooy

Pag-ampo alang sa Tuig sa Kalooy

Koronilya sa Diosnong Kalooy

Mga Santos/Kasaulogan Karong Adlawa

Mga Kapilian sa mga Basahon sa Misa