Pagsulti nga Tin-aw

May 23, 2020
Saturday of the Sixth Week of Easter
Readings for Today

“Gisulti Ko kini kaninyo pinaagi sa mga sambingay. Moabot ang takna nga dili na Ako mosulti kaninyo pinaagi sa mga sambingay, kondili dayag na Akong isulti kaninyo ang mahitungod sa Amahan.”  Juan 16:25

Nganong naggamit man si Jesus og “mga pasumbingay” imbes nga mosulti sa tin-aw? Maayo kana nga pangutana.

Makita usab nato kini sa daghang sambingay nga gisaysay ni Jesus. Lagmit, human makadungog ang mga tawo sa Iyang mga sambingay, manglakaw sila nga mangutana, “Unsa kaha ang Iyang gipasabot niadto?” Busa nganong naggamit man si Jesus og tinago nga pinulongan imbes nga mosulti sa tin-aw ug direkta?

Ang tubag may kalabotan kanato ug sa atong kakulang sa pagkabukas sa Kamatuoran. Kon hingpit kitang bukas sa Kamatuoran, ug kon andam gayod kitang modawat sa Kamatuoran bisan unsa pa kini, makasulti unta si Jesus kanato sa tin-aw ug motubag dayon kita. Apan talagsa ra kaayo nga mahitabo kini. Ang yawi sa pagsabot niini mao ang pagsabot sa kalabotan tali sa pagkahibalo sa kabubut-on sa Dios ug sa pagkaandam sa pagtuman dayon niana nga kabubut-on.

Kasagaran, gusto nato nga isulti ni Jesus kanato ang Iyang kabubut-on, aron atong palandongon, timbangtimbangon, ug unya mobalik kita uban sa atong tubag. Apan dili ingon niana ang mahitabo. Hinuon, kon gusto nato nga mosulti si Jesus kanato sa tin-aw, kinahanglan moingon kitag oo Kaniya bisan sa wala pa nato mahibaloi kon unsa ang Iyang gusto. Ang pagkaandam sa pagdawat sa Iyang kabubut-on maoy gikinahanglan una aron masabtan nato ang Iyang kabubut-on.

Siyempre, ang atong Mahal nga Inahan mao ang hingpit nga panig-ingnan niini diha sa iyang fiat. Sa wala pa moabot ang anghel ngadto kaniya, kanunay na siyang miingon og “Oo” sa kabubut-on sa Dios. Unya, sa pag-abot sa anghel ngadto kaniya ug pagsulti kaniya sa mahitabo, nangayo siya og katin-awan. Ug nadawat gayod niya kana nga katin-awan isip direktang tubag sa iyang pangutana. “Ang Espiritu Santo molandong kanimo ug ang gahom sa Labing Halangdon mokunsad kanimo…” miingon ang anghel. Apan ang bugtong hinungdan nga ang anghel, isip mensahero sa Dios, misulti sa ingon ka tin-aw mao nga gipakita na niya nga ang iyang kasingkasing hingpit nga andam motuman sa plano sa Dios bisan unsa pa kini.

Pamalandongi karong adlawa kon unsa ka tin-aw nimong madungog ang Dios nga nakigsulti kanimo. Gusto ba nimo nga mas matin-aw pa Siya kanimo? Gusto ba nimo nga mas tin-aw pa Siyang makigsulti kanimo? Kon mao kana, paningkamoti nga mas hingpit nimong itugyan ang imong kabubut-on ngadto sa wala pa gani nimo mahibaloi. Ingna og “Oo” ang gusto sa Dios nga imong buhaton ugma, ug isulti kana nga “Oo” karong adlawa. Ang pag-ugmad niini nga batasan sa pag-ingon dayon og oo moabli sa pultahan ngadto sa mas dakong katin-awan sa tanan nga gustong isulti sa Dios.

Lord, the answer is “Yes.”  I choose Your will today, tomorrow and always.  I choose nothing but Your will.  As I say “Yes” to You, help me to grow in greater clarity of all you ask of me.  Jesus, I trust in You.

Novena to the Holy Spirit
Prayed in preparation for Pentecost
Day Two – Saturday, May 23

Dugang nga mga Pamalandong sa Ebanghelyo

Mga Pamalandong sa Diosnong Kalooy

Mga Santos/Kasaulogan Karong Adlawa

Mga Kapilian sa mga Basahon sa Misa

Image: The Exhortation to the Apostles by James Tissot