Saturday, July 25, 2020
Pista ni San Santiago, Apostol
Paminaw sa Iningles
“Makainom ba kamo sa kalis nga Akong imnon?” Miingon sila Kaniya, “Makahimo kami.” Mitubag Siya, “Sa Akong kalis, makainom gayod kamo, apan ang paglingkod sa Akong tuo ug sa Akong wala dili Ako ang magbuot kon kinsay hatagan niini, kondili alang kini niadtong giandaman sa Akong Amahan.” Matthew 20:22b-23
Usa kini ka malumong pagbadlong ni Jesus. Ang inahan ni Santiago ug Juan mihangyo kang Jesus og usa ka pabor. Gusto niya nga ang iyang mga anak molingkod sa Iyang tuo ug wala sa Iyang Gingharian. Malumong miingon si Jesus, “Wala kamo mahibalo sa inyong gipangayo,” ug dayon gisulti Niya ang mga pulong sa ibabaw.
“Wala kamo mahibalo sa inyong gipangayo.” Nganong gisulti kini ni Jesus? Usa sa mga hinungdan mao nga ang dalan padulong sa himaya, sa ato pa, ang dalan padulong sa paglingkod sa Iyang tuo ug wala sa Gingharian, mao ang dalan sa Krus. Kini ang dalan sa gawasnong pagdawat sa mga pag-antos sa Krus uban kang Jesus. Dili kita makasulod sa Iyang himaya kon dili una kita mouban Kaniya latas sa Iyang kamatayon.
Busa gipangutana Niya kining mga Apostol, “Makainom ba kamo sa kalis nga Akong imnon?” Sa laing pagkasulti, madawat ba ninyo ang Akong Krus? Madawat ba ninyo ang Akong pag-antos? Makauban ba kamo Kanako latas sa Akong kinatas-ang sakripisyo ug makaambit niana nga sakripisyo pinaagi sa paghalad usab sa inyong mga kinabuhi?
Gipamatud-an sa mga Apostol nga makahimo sila ug, sa pagkatinuod, sa ulahi misunod gayod sila kang Jesus sa Iyang sakripisyo pinaagi sa hingpit nga paghalad sa ilang kaugalingon alang sa uban.
Makainom ka ba nianang kalis? Andam ka bang modawat sa Krus sa imong kinabuhi? Makaantos ka ba sa kalisdanan, sakripisyo ug, tingali, bisan sa paglutos tungod sa imong pagsunod kang Jesus? Makauban ka ba Kaniya latas sa Iyang pag-antos? Kon ang tubag mao ang “Oo,” nan makaambit ka sa Iyang himaya. Tingali dili kana ang himaya sa paglingkod sa Iyang tuo ug wala, apan kini usa ka himaya nga labaw pa sa tanan nimong mahanduraw. Takos kini sa tanang pag-antos, ug usa kini ka pagdapit nga dili gayod nimo ikabasol ang pagdawat.
Lord, I do desire to drink the chalice You drank. I desire to receive Your Precious Body and Blood and in that reception to receive the strength and grace I need to follow You in Your sufferings. As I follow You in Your sufferings, help me also to share in Your glory. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Saint James, Apostle—Feast
Mga Kapilian sa mga Basahon sa Misa
Image: The martyrdom of Santiago by Juan Fernández de Navarrete
Image: St James the Apostle
.jpg){kind=link}
